Por Resolución do 11 de novembro de 1997 estímase a reclamación interposta por Olga Brea González contra a baremación dos méritos alegados na fase de concurso nos procedementos selectivos de ingreso e acceso ó corpo de profesores de ensino secundario, convocado por Orde do 28 de abril de
1992 (DOG do 7 de maio), na súa virtude, esta Consellería de Educación e Ordenación Universitaria,
DISPÓN:
Primeiro.-Darlle cumprimento á resolución anteriormente citada, modificando a puntuación que se lle asignou na fase de concurso a Olga Brea González, recoñecéndoselle unha puntuación de 1,8500 puntos, en lugar dos 1,6000 que se lle outorgaran.
Segundo.-Considerar incluída a Olga Brea González, con DNI 33.270.077, na relación de opositores que superaron os procedementos selectivos convocados por Orde do 28 de abril de 1992 (DOG do 7 de maio), corpo de profesores de ensino secundario, disciplina inglés e publicada por Orde do 1 de outubro de 1997 (DOG do 16) co número de orde 106.
Terceiro.-Olga Brea González deberá presentar ante a Dirección Xeral de Persoal desta consellería a documentación, que se relaciona na base común 9 da Orde do 28 de abril de 1992, no prazo de 20 días naturais contados desde o día seguinte ó da publicación desta orde. En caso de non presenta-la citada documentación ou se do seu exame se deducise que carece dalgún dos requisitos sinalados na citada orde, decaerá de tódolos seus dereitos.
Cuarto.-Contra a presente orde os interesados poderán interpoñer recurso contencioso-administrativo no prazo de dous meses, logo de comunicación á Dirección Xeral de Persoal, de conformidade co disposto no artigo 37 da Lei reguladora da xurisdicción contencioso-administrativa, do 27 de decembro de 1956 e no artigo 110 da Lei de réxime xurídico administrativo común, do 26 de novembro de 1992.
Santiago de Compostela, 1 de decembro de 1997.
Celso Currás Fernández
Conselleiro de Educación e Ordenación Universitaria
DIRECTOR XERAL DE PERSOAL
97-0003