De conformidade co establecido no título 5 da Lei 11/1983, do 25 agosto, e no artigo 2.4º do Real decreto 1888/1984, do 26 de setembro,
Este rectorado resolveu convocar concurso para as prazas que se relacionan no anexo I da presente resolución, conforme as seguintes bases:
Primeira.-Os ditos concursos rexeranse polo disposto na Lei orgánica 11/1983, do 25 de agosto (BOE do 1 de setembro); Real decreto 1888/1984, do 26 de setembro (BOE do 26 de outubro), modificado parcialmente polo Real decreto 1427/1986, do 13 de xuño (BOE do 11 de xullo); Orde do 28 de decembro de 1984 (BOE do 16 de xaneiro de 1985) e, no non previsto, pola lexislación xeral de funcionarios civís do Estado, e tramitaranse independentemente para cada unha das prazas convocadas.
Segunda.-Para ser admitido ós citados concursos requírense os seguintes requisitos xerais:
a) Ser español. Non obstante, poderán participar en idénticas condicións cós españois:
-Os nacionais dos demais estados membros da Unión Europea logo de acreditaren a nacionalidade consonte o disposto na Lei 17/1993, do 23 de decembro (BOE do 24), sobre o acceso a determinados sectores da función pública dos nacionais dos demais estados membros da Unión Europea e demais normativa de desenvolvemento.
-Trala acreditación, os nacionais daqueles estados ós que, en virtude de tratados internacionais subscritos pola Unión Europea e ratificados por España, lles sexa aplicable a libre circulación de traballadores nos termos en que esta está definida no tratado constitutivo da Unión Europea.
b) Teren cumpridos os dezaoito anos e non teren cumpridos os setenta anos de idade.
c) Non teren sido separados, mediante expediente disciplinario, do servicio de ningunha Administración pública nin atoparse inhabilitados para o exercicio da función pública.
d) Non padeceren enfermidade nin defecto físico ou psíquico que impida o desenvolvemento das funcións correspondentes a profesor de universidade.
Terceira.-Deberán reunir, ademais, as condicións específicas que se sinalan no artigo 4.1º do Real decreto 1888/1984, do 26 de setembro, segundo a categoría da praza e clase de concurso e, de se-lo caso, titulación suficiente debidamente recoñecida polo Ministerio de Educación e Ciencia para o exercicio profesional en España como profesor universitario.
Cando estando en posesión do título de doutor, se concorra a prazas de catedrático de universidade, conforme o previsto no artigo 4.1º c), do Real decreto 1888/1984, do 26 de setembro, e non se pertenza a ningún dos corpos que nel se sinalan, os interesados deberán acreditar teren sido eximidos de tales requisitos dentro do prazo fixado para solicita-la participación no concurso.
Non poderán concursar a prazas de profesor titular de universidade quen estivese contratado durante máis de dous anos como axudante nesta universidade, salvo as excepcións previstas no artigo 37.4º da Lei 11/1983, do 25 de agosto (BOE do 1 de setembro), de reforma universitaria.
Cuarta.-Quen desexe tomar parte no concurso remitiralle a correspondente solicitude ó rector da Universidade de Vigo, por calquera dos procedementos establecidos na Lei 30/1992, do 26 de novembro (BOE do 27) de réxime xurídico das administracións públicas e do procedemento administrativo común, no prazo de vinte días hábiles a partir do día seguinte a aquel no que teña lugar a publicación desta convocatoria no Boletín Oficial del Estado, mediante instancia, segundo o modelo do anexo II, debidamente cuberta, xunto cos documentos que acrediten reuni-los requisitos para participar no concurso. A concorrencia dos ditos requisitos deberá estar referida sempre a unha data anterior á de expiración do prazo fixado para solicita-la participación no concurso.
Os aspirantes deberán xustificar ter aboadas 9.180 ptas. en concepto de inscrición na conta da Universidade de Vigo, outros ingresos, nº 0040225994 de Caixavigo, (oficina principal, Avda. de García Barbón , 1-3) epígrafe, outros ingresos, achegando coa súa solicitude resgardo acreditativo do ingreso realizado, facendo referencia a esta convocatoria.
Quinta.-Finalizado o prazo de presentación de solicitudes, o rector da Universidade de Vigo, por calquera dos procedementos establecidos na Lei de réxime xurídico das administracións públicas e do procedemento administrativo común, remitiralles a tódolos aspirantes relación completa de admitidos e excluídos, con indicación das causas de exclusión. Contra a dita resolución os interesados poderán presentar reclamación perante o rector no prazo de quince días hábiles contados desde o seguinte ó da notificación da relación de admitidos e excluídos.
Sexta.-O presidente da comisión, dentro do prazo habilitado regulamentariamente para a súa constitución, dictará unha resolución que lles deberá ser notificada a tódolos interesados cunha antelación mínima de 15 días naturais respecto da data do acto para o que se cita, convocando a:
a) Tódolos membros titulares da comisión e, se é o caso, os suplentes necesarios para efectua-lo acto de constitución daquela.
b) Tódolos aspirantes admitidos para participar no concurso, para realiza-lo acto de presentación
dos concursantes e con sinalamento do día, a hora e lugar de celebración do dito acto.
Sétima.-No acto de presentación os concursantes entregaranlle ó presidente da comisión a documentación sinalada nos artigos 9 e 10 do Real decreto 1888/1984, do 26 de setembro, modificado polo Real decreto 1427/1986, do 13 de xuño, segundo se trate de concurso ou concurso de méritos.
Oitava.-Os candidatos propostos para a provisión das prazas deberán presentar na Secretaría Xeral desta universidade, no prazo dos quince días hábiles seguintes ó de conclusión da actuación da comisión, por calquera dos medios sinalados no artigo 38.4º da Lei de réxime xurídico das administracións públicas e do procedemento administrativo común, os seguintes documentos:
a) Fotocopia do documento nacional de identidade ou documento equivalente de ser nacional dun Estado membro da Unión Europea.
b) Certificación médica oficial de non padecer enfermidade nin defecto físico ou psíquico que impida o desempeño das funcións correspondentes a profesor de universidade.
c) Declaración xurada de non ter sido separado de ningunha Administración pública en virtude de expediente disciplinario e non atoparse inhabilitado para o acceso e exercicio da función pública.
Os que tiveren a condición de funcionarios públicos de carreira estarán exentos de xustifica-los ditos documentos e requisitos, e deberán presentar certificación do ministerio ou organismo do que dependan, acreditativa da condición de funcionarios e cantas circunstancias consten na súa folla de servicios.
Vigo, 5 de decembro de 1997
José Antonio Rodríguez Vázquez
Rector da Universidade de Vigo
ANEXO I
Universidade de Vigo
Número de prazas: 1.
Praza número: 104/97.
Corpo ó que pertence a praza: profesores titulares de universidade.
Área de coñecemento á que corresponde: ecoloxía.
Departamento ó que está adscrita: Ecoloxía e Bioloxía Animal.
Actividades que realizará quen obteña a praza: docencia en ecoloxía.
Clase de convocatoria: concurso.
Número de prazas: 1.
Praza número: 105/97.
Corpo ó que pertence a praza: profesores titulares de universidade.
Área de coñecemento á que corresponde: enxeñería química.
Departamento ó que está adscrita: Enxeñería Química.
Actividades que realizará quen obteña a praza: docencia en procesos de química industrial (5º curso especialidade química industrial) e tecnoloxía de tratamento de corrente (Ciencias do Mar).
Clase de convocatoria : concurso.
Número de prazas: 1.
Praza número: 106/97.
Corpo ó que pertence a praza: profesores titulares de universidade.
Área de coñecemento á que corresponde: enxeñería química.
Departamento ó que está adscrita: Enxeñería Química.
Actividades que realizará por quen obteña a praza: docencia en desenvolvemento de proxectos (5º curso especialidade química industrial) e enxeñería química (4º curso especialidade química industrial).
Clase de convocatoria: concurso.
Número de prazas: 1.
Praza número: 107/97.
Corpo ó que pertence a praza: profesores titulares de universidade.
Área de coñecemento á que corresponde: física aplicada.
Departamento ó que está adscrita: Física Aplicada.
Actividades que realizará quen obteña a praza: docencia en física I, física II, física avanzada, laboratorio de métodos e técnicas de medida.
Clase de convocatoria: concurso.
Número de prazas: 1.
Praza número: 108/97.
Corpo ó que pertence a praza: profesores titulares de universidade.
Área de coñecemento á que corresponde: física da terra, astronomía e astrofísicas.
Departamento ó que está adscrita: Física Aplicada.
Actividades que realizará quen obteña a praza: docencia en oceanografía física.
Clase de convocatoria: concurso.
Número de prazas: 1.
Praza número: 109/97.
Corpo ó que pertence a praza: profesores titulares de universidade.
Área de coñecemento á que corresponde: enxeñería telemática.
Departamento ó que está adscrita: Tecnoloxía das Comunicacións.
Actividades que realizará quen obteña a praza: docencia en fundamentos dos ordenadores I e arquitectura de ordenadores I.
Clase de convocatoria: concurso
Número de prazas: 1.
Praza número: 110/97.
Corpo ó que pertence a praza: catedráticos de escola universitaria.
Área de coñecemento á que corresponde: radioloxía e medicina física.
Departamento ó que está adscrita: Bioloxía Funcional e Ciencia da Saúde.
Actividades que realizará quen obteña a praza: docencia en radioloxía e medicina física.
Clase de convocatoria: concurso.
Número de prazas: 1.
Praza número: 111/97.
Corpo ó que pertence a praza: profesores titulares de escola universitaria.
Área de coñecemento á que corresponde: traducción e interpretación.
Departamento ó que está adscrita: Traducción, Lingüística e Teoría da Literatura.
Actividades que realizará quen obteña a praza: docencia en técnicas de interpretación consecutiva e técnicas de interpretación simultánea inglés/español/inglés.
Clase de convocatoria: concurso.
Número de prazas: 1.
Praza número: 112/97.
Corpo ó que pertence a praza: profesores titulares de escola universitaria.
Área de coñecemento á que corresponde: traducción e interpretación.
Departamento ó que está adscrita: Traducción, Lingüística e Teoría da Literatura.
Actividades que realizará quen obteña a praza: docencia en técnicas de interpretación consecutiva francés/español/francés e técnicas de interpretación simultánea francés/español/francés.
Clase de convocatoria: concurso.
Número de prazas: 1.
Praza número: 113/97.
Corpo ó que pertence a praza: profesores titulares de escola universitaria.
Área de coñecemento á que corresponde: expresión gráfica na enxeñería.
Departamento ó que está adscrita: Deseño na Enxeñería.
Actividades que realizará quen obteña a praza: docencia en expresión gráfica e cartografía.
Clase de convocatoria: concurso.
Número de prazas: 1.
Praza número: 114/97.
Corpo ó que pertence a praza: profesores titulares de escola universitaria.
Área de coñecemento á que corresponde: psicoloxía evolutiva e da educación
Departamento ó que está adscrita: Psicoloxía Evolutiva e Comunicación.
Actividades que realizará quen obteña a praza: docencia en psicoloxía da educación e do desenvolvemento: adolescencia.
Clase de convocatoria: concurso.
10102
