En uso das atribucións conferidas polo artigo 15.4º da Lei 4/1988, do 26 de maio, da función pública de Galicia, esta consellería,
DISPÓN:
Primeiro.-Anuncia-la convocatoria para cubrir, polo sistema de libre designación, os postos de traballo que se relacionan no anexo I desta orde.
Segundo.-Poderán concorrer tódolos funcionarios que reúnan os requisitos que se esixen e que se especifican no anexo I.
Terceiro.-As solicitudes para participar na convocatoria presentaranse no rexistro xeral da Consellería de Pesca, Marisqueo e Acuicultura (edificio administrativo de San Caetano nº 5, Santiago de Compostela), nas súas delegacións territoriais ou nas oficinas sinaladas no artigo 38.4º da la Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de 15 días hábiles contados a partir do seguinte ó da publicación desta orde no Diario Oficial de Galicia. O modelo de solicitude publícase no anexo II.
Cuarto.-Os aspirantes deberán xuntar á súa solicitude un currículum vitae e xustificar mediante certificación ou copia compulsada os méritos que aleguen.
Quinto.-O nomeamento dun funcionario con destino definitivo noutra Administración pública ou que preste os seus servicios na Comunidade Autónoma de Galicia como consecuencia dunha comisión de servicios concedida conforme o disposto na disposición transitoria oitava, punto 4º da Lei 30/1984, do 2 de agosto, que resultase seleccionado para ocupa-lo posto de traballo anunciado, estará condicionado a que a súa Administración emita informe favorable, conforme o previsto no Real decreto 364/1995, do 10 de marzo, e demais disposicións concordantes.
Sexto.-A resolución desta convocatoria farase pública no DOG, e poderán declararse desertos os postos de traballo se se considerase oportuno.
Sétimo.-O prazo de toma de posesión será de tres días se o destino anterior está na mesma localidade có novo destino, e dun mes se está en localidade distinta ou comporta reingreso ó servicio activo. O prazo de toma de posesión empezará a contarse a partir do día seguinte ó do cesamento, que deberá efectuarse dentro dos tres días hábiles seguintes ó da publicación da resolución, agás no caso de procedencia doutras administracións, en que deberá efectuarse dentro dos tres días hábiles seguintes ó da comunicación da resolución de traslado á Comunidade Autónoma de Galicia. Se a resolución comporta o reingreso ó servicio activo, o prazo de toma de posesión empezará a contarse a partir do día seguinte ó da publicación da resolución no Diario Oficial de Galicia.
Oitavo.-Contra a presente orde, que esgota a vía administrativa, poderase interpoñe-lo recurso contencioso-administrativo previsto na Lei reguladora da xurisdicción contencioso-administrativa, do 27 de decembro de 1956, perante o Tribunal Superior de Xustiza de Galicia, no prazo de dous meses contados a partir do día seguinte ó da publicación e logo de comunicarllo a esta Consellería, segundo o previsto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 16 de decembro de 1997.
Amancio Landín Jaráiz
Conselleiro de Pesca, Marisqueo e Acuicultura
ANEXO I
Código de traballo Centro directivo Localidade escala Grupo Nivel C. Específ. Formación
Denominación do posto
Corpo ou
especial
especial
especial
especial
especialPEC020000115770001 Subdirección X. de Coordinación Secretaría xeral Santiago de Compostela Admón. xeral A 30 2.229.156 1523
PEC030000015770001 Secretaria Dirección X. de Recursos Mariños Santiago de Compostela Admón. xeral CD 18 524.508 1001
PEC030000115770001 Subdirección X. de Marisq. e Ac. Dirección X. de Recursos Mariños Santiago de Compostela Admón. xeral/
A 30 2.229.156 1523
PEC030000115770005 Servicio de Marisq. e Orden. de Caladoiros Dirección X. de Recursos Mariños Santiago de Compostela Admón. xeral/
AB 28 1.639.104
PEC040000115770001 Subdirección X. de Pesca e Industr. Pesqueiras Dirección X. Estructuras Pesq. e Mercados Santiago de Compostela Admón. xeral/
A 30 2.229.156 1523
PEC040000115770006 Servicio de flota e Sector Extractivo Dirección X. de Estructuras Pesqueiras e Mercados Santiago de Compostela Admón. xeral/
AB 28 1.639.104
PEC994020236590001 Director Centro de Control da Calidade do Medio Mariño Vilaxoán (Pontevedra) Admón. especial A 26 1.311.288
PEC991000036560040 Servicio de Pesca e Ind. Pesqueiras Delegación Territorial de Vigo Vigo Admón. xeral/
AB 28 1.639.104
10101