Francisco Javier Clemente Lárazo, secretario do Xulgado de Primeira Instancia e Instrucción número dous de Ribeira, dou fe e testemuño de que nos autos de xuízo executivo co número 170/1996, se dictou a sentencia que no encabezamento e parte dispositiva ten o teor literal seguinte:

«Setencia.-Na cidade de Ribeira, o seis de xullo de mil novecentos noventa e seis. Luisa María Pérez Rúa, xuíza do Xulgado de Primeira Instancia e Instrucción número dous desta cidade, viu os presentes autos de xuízo executivo, promovidos por José Silva Romero, representado pola procuradora Concepción Peleteiro Bandín, contra Divina Tubío Muñiz, domiciliada en r/ 19 nº, 1-2º, edificio Marfil (Boiro), declarada en rebeldía e, decido que debo madar e mando seguir adiante a execución despachada, ata facer remate dos bens embargados a Divina Tubío Muñiz, e co seu producto, enteiro e cumprido pagamento á parte demandante das responsabilidades polas que se despachou a execución, a cantidade de 2.000.000 de ptas., importe do principal, e, ademais, ó pagamento dos gastos de protesto, xuros legais e custas, ó pagamento do cal debo condenar e condeno expresamente a parte demandada. Contra esta sentencia poderase interpor neste xulgado recurso de apelación no prazo de cinco días contados desde

a súa notificación. Así, por esta miña sen

tencia, da que se expedirá testemuño para a súa unión ós autos, pronúncioo, mándoo e asínoo».

Así mesmo, nos mesmos autos practicouse dilixencia de embargo sobre os seguintes bens:

1º Vivenda tipo A, na segunda planta á dereita subindo, con acceso desde a rúa Pablo Iglesias, portal nº 1. Predio nº 4. Superficie útil de 89 m e 92 cm. Limita á fronte coa caixa de escaleira, caixa de ascensor, corredor distribuidor e vivenda tipo B; traseira, José M. Alonso Fernández; dereita entrando, patio de luces; e esquerda r/ Pablo Iglesias. Ten como anexo un desván no rocho sinalado co nº 2 de trece metros e vinteoito decímetros cadrados. Cota de participación do 4%. Incrita no R.P. de Noia ó tomo 764, L 125, F 85, predio nº 11.264.

2º Vivenda tipo B en segunda planta alta, á esquerda subindo pola escaleira, con acceso desde a rúa a través do portal nº 1, sito á esquerda do edificio. Predio nº 8. Superficie útil 89 m e 92 cm. Ten como anexo na planta do faiado o rocho sinalado co nº 6, de 13 m e 40 dm. Cota de participación do 4%. Inscrita no Rexistro da propiedade de Noia no T.764, L.125, F.93, predio nº 11.268.

E para que conste e lles sirva de notificación ós herdeiros legais do esposo da demandada, Luis Hermo Tubío, Luz Divina Hermo Tubío e Eva María Hermo Tubío, dos que se ignoran os actuais domicilios, espido e asino este edicto en Ribeira e dez de novembro de mil novecentos noventa e sete.

Rubricado

9239