Examinado o expediente incoado pola titularidade do centro privado Belarmino Fernández Iglesias, de Sober (Lugo), en solicitude de autorización para imparti-las ensinanzas dos ciclos formativos de grao medio de servicios de restaurante e bar e cociña da familia profesional hostelería e turismo.
Resultando que polo Decreto 200/1997, do 24 de xullo (DOG do 6 de agosto), se autoriza e declara o centro de formación profesional de hostelería e turismo Belarmino Fernández Iglesias, de Sober (Lugo), como centro singular experimental de innovación no eido da formación profesional.
Vistos a Lei orgánica 1/1990, do 3 de outubro, de ordenación xeral do sistema educativo (BOE do 4); o Real decreto 1004/1991 (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias; o Real decreto 2221/1993, do 17 de decembro ( BOE do 10 de marzo de 1994), polo que establece o título de técnico en servicios de restaurante e bar e as correspondentes ensinanzas mínimas; o Real decreto 2219/1993, do 17 de decembro ( BOE do 11 de marzo de 1994), polo que se establece o título de técnico en cociña e as correspondentes ensinanzas mínimas; Decreto 133/1995, do 10 de maio (DOG do 22), sobre autorización de centros privados e a Orde de 20 de setembro de 1995 (DOG do 15 de decembro), que desenvolve o dito decreto.
Considerando que concorren no expediente os requisitos esixidos nas disposicións vixentes para poder acceder ó solicitado.
Esta consellería, tendo en conta o informe favorable da Dirección Xeral de Ordenación Educativa e de Formación Profesional, e por proposta da Dirección Xeral de Centros e Inspección Educativa,
DISPÓN:
Primeiro.-Autoriza-lo centro privado de formación profesional de hostelería e turismo Belarmino Fer
nández Iglesias, de Sober (Lugo), a imparti-las ensinanzas correspondentes ós ciclos formativos de grao medio servicios de restaurante e bar e cociña, segundo os datos que no anexo se especifican.
Segundo.-Adscribir para efectos administrativos a dito centro ó instituto de educación secundaria A Pinguela, de Monforte de Lemos.
A delegación provincial de Educación e Ordenación Universitaria aprobará, logo de informe da Inspección de Educación, a relación de persoal que impartirá docencia no dito centro.
O centro queda obrigado ó cumprimento da lexislación vixente e a solicita-la oportuna revisión cando teña que modificarse calquera dos datos que sinala a presente orde.
Santiago de Compostela, 15 de decembro de 1997.
Celso Currás Fernández
Conselleiro de Educación e Ordenación Universitaria
ANEXO
Provincia de Lugo
Concello: Sober.
Localidade: Rosende.
Enderezo: Pazo de Ribas-Rosende-Sober.
Denominación xenérica: centro de formación profesional de hostelaría e turismo.
Denominación específica: Belarmino Fernández Iglesias.
Código do Centro: 270SOB02.
Titular: Fundación Belarmino Fernández Iglesias.
Composición Resultante:
-Centro de formación profesional específica.
Familia profesional de hostelería e turismo:
1 ciclo formativo de grao medio servicios de restaurante e bar.
1 ciclo formativo de grao medio cociña.
Capacidade: 4 unidades.
Postos escolares que se autorizan: 120.
8889