Polo Decreto 241/1995, do 28 de xullo, (DOG do 18 de agosto), concedéuselle autorización á entidade promotora Centro de Estudios Superiores Universitarios de Galicia, S.L. (Cesuga) para implanta-los estudios correspondentes ó título Bachelor of Commerce conforme o sistema vixente noutro país e conducente á obtención de títulos non homologados cos do sistema educativo español. No artigo 3 do devandito decreto indícase que a efectiva impartición do primeiro e dos sucesivos cursos dos que constan os referidos estudios esixirá, antes do comezo do respectivo curso, autorización correspondente mediante orde da Consellería de Educación e Ordenación Universitaria. Para este fin, a entidade promotora deberá xustificar previamente ante a consellería a contratación de profesores mantendo as ratios de calidade e de profesor/alumno ás que se comprometeu no expediente, así como os requisitos relativos ós espacios.
Así mesmo, polo Decreto 60/1997, do 14 de marzo (DOG do 25 de marzo), concedéuselle á sociedade de responsabilidade limitada Centro de Estudios Superiores Universitarios de Galicia (Cesuga, S.L.) autorización de establecemento en Galicia como centro estranxeiro universitario adscrito á Universidade de Dublín coa denominación de Centro de Estudios Superiores Universitarios de Galicia. Cesuga, S.L.-University College Dublín.
Xustificados por parte do centro estranxeiro universitario adscrito á Universidade de Dublín Centro de Estudios Superiores Universitarios de Galicia. Cesuga, S.L.-University College Dublín os requisitos necesarios e logo da inspección realizada para o efecto, esta consellería,
DISPÓN:
Artigo 1º.-Autorízaselle ó centro estranxeiro universitario adscrito á Universidade de Dublín Centro de Estudios Superiores Universitarios de Galicia. Cesuga, S.L.-University College Dublín, domiciliado no Colexio Obradoiro, r/ Feáns nº 152 da Coruña, para que, de acordo co Decreto 241/1995 e co convenio de compromiso académico asinado polo centro estranxeiro universitario adscrito á Universidade de Dublín Centro de Estudios Superiores Universitarios de Galicia. Cesuga, S.L.-University College Dublín e a University College Dublín, imparta desde o curso 1997-1998 na cidade da Coruña, e dentro dos locais establecidos para o efecto no domicilio do centro, o terceiro curso dos estudios correspondentes ó título Bachelor of Commerce conforme o sistema educativo
vixente noutro país e que conduce á obtención de título superior non homologado academicamente cos títulos do sistema educativo español.
Disposición derradeira
Única.-A presente orde entrará en vigor o mesmo día da súa publicación no Diario Oficial de Galicia.
Santiago de Compostela, 9 de decembro de 1997.
Celso Currás Fernández
Conselleiro de Educación e Ordenación Universitaria
10247