Segundo resolución da alcaldía do 23 de outubro do ano que andamos se resolveu:

Primeiro.-Aprobar inicialmente os estatutos e bases de actuación da xunta de compensación a constituír para a execución do solo apto para urbani

zar-BD 9 situado en Meixigo, Cambre, das vixentes normas subsidiarias municipais, presentado por Xosé María Espiño Varela.

A aprobación realízase coa condición expresa de que os artigos dos estatutos e bases de actuación que a seguir se sinalan se rectifiquen co seguinte texto:

* Artigo 7º.1.a): serán membros fundadores: as persoas físicas ou xurídicas ou entidades que, por seren titulares de terreos comprendidos no polígono, se constitúen en promotores da xunta de compensación, que terán que representa-lo cincuenta por cento das cotas de participación da unidade compensable.

* Artigo 10º.2: a asemblea fundacional quedará validamente constituída coa asistencia, persoal ou representada, dos propietarios titulares de terreos e incorporados á xunta que represente o 50 por cento da superficie total do polígono. O acordo de constitución requirirá o mesmo quórum.

* Artigo 17.2.a): os acordos, segundo o artigo 29 do Regulamento de xestión, adoptaranse por maioría simple de cotas de participación presentes ou representadas, agás nos casos seguintes que esixirá o quórum que para cada caso se determina:

-Para a modificación dos estatutos e bases de actuación, sinalamento e rectificación de cotas de participación, liquidación da xunta, aprobación dos criterios de avaliación dos predios resultantes e dos prezos para os supostos de compensación a metálico nas diferencias de adxudicación, incorporación de empresas urbanizadoras, avaliación das súas contribucións e establecemento das súas cotas e para o establecido nas alíneas da base 7ª, edificación pola xunta nos soares resultantes, alleamento e gravame de terreos propiedade da xunta adquiridos por expropiación ou por calquera outro título requírese o voto favorable de membros que representen o 60% das cotas de participación da xunta.

-Para a aprobación do proxecto de compensación requírese o voto favorable de membros que representen a maioría absoluta das cotas de participación da xunta.

* Base 2ª, alínea a): a compensación no ámbito do SAU-BD9 rexerase segundo o disposto nas presentes bases e, no non previsto nelas, polos preceptos contidos nos artigos 133 a 138 da Lei 1/1997, do solo de galicia e 157 a 185 do Regulamento de xestión urbanística.

* Base 3ª, alínea a): a avaliación dos predios aportados á xunta de compensación efectuarase de acordo co disposto nos artigos 48 a 57 do texto refundido da Lei do solo e artigo 101 da Lei 1/1997, do solo de Galicia.

* Base 5ª, primeiro parágrafo: o artigo 8º dos estatutos da xunta de compensación, en concordancia co artigo 134.2 da Lei 1/1997, do solo de Galicia, estudia a posibilidade da incorporación de empresas

urbanizadoras á xunta para participar na xestión do polígono, logo de acordo da asemblea xeral.

* Base 8ª, derradeiro parágrafo: cando, non obstante a aplicación das anteriores regras, se teña que proceder á compensación en metálico por diferencias en máis ou menos, as cantidades correspondentes determinaranse en función do valor do solo segundo a aplicación do artigo 101 da Lei 1/1997, do solo de Galicia, e do artigo 88 do Regulamento de xestión, e deberán quedar determinadas e xustificadas no proxecto de compensación, segundo ordena o artigo 172.e) do Regulamento de xestión citado.

* Base 13ª, alínea c): para o cálculo da suma compensatoria de diferencias atenderase ó prezo medio dos terreos adxudicados, segundo se desprende do artigo 101.1.e) da Lei 1/1997, do solo de Galicia.

* Base 17ª, derradeiro parágrafo: o proxecto de compensación someterase, logo de audiencia de tódolos afectados polo prazo dun mes, á aprobación da xunta. Deberá adoptarse o correspondente acordo por maioría absoluta das cotas de participación, en concordancia co artigo 17.2.a) dos estatutos e artigo 134.5 da Lei do solo de Galicia.

O proxecto así tramitado elevarase á aprobación definitiva da Administración actuante. Posteriormente, continuarase coas indicacións reflectidas no artigo 174 do Regulamento de xestión urbanística.

Segundo.-Somete-lo acordo e os citados documentos á información pública mediante anuncio publicado no Diario Oficial de Galicia polo prazo de vinte días, para que calquera interesado ou afectado poida presenta-las alegacións que ós seus dereitos conveñan, de conformidade co establecido no artigo 102 da Lei 1/1997, do solo de Galicia.

Cambre, 9 de decembro de 1997.

Antonio Varela Saavedra

Alcalde

9731