Aprobado polo Pleno da Corporación, en sesión celebrada o 1 de decembro de 1997, o prego de cláusulas administrativas que deben rexe-lo concurso público convocado para a adquisición de bens inmobles, exponse ó público durante o prazo de 4 días, contados a partir do seguinte ó da publicación do derradeiro anuncio de licitación no BOP de Ourense e no Diario Oficial de Galicia para que poidan presentarse reclamacións; simultaneamente anúnciase o concurso público por procedemento aberto e tramitación urxente, aínda que a licitación se aprazará no suposto de que se formulen reclamacións contra o prego.
Obxecto: adquisición de bens inmobles que cumpran as condicións e requisitos establecidos no prego de cláusulas administrativas particulares.
Tipo de licitación: 3.500.000 ptas.
Fianzas: provisoria: non se esixe. Definitiva: 4% do importe da licitación.
Documentación: o prego de condicións poderase consultar na secretaría do concello de luns a venres de 9 a 14 horas.
Presentación de proposicións: durante os trece días naturais seguintes á publicación do derradeiro
anuncio de licitación no BOP de Ourense e no DOG de luns a venres de 9 a 14 horas, no rexistro xeral do concello.
Apertura de proposicións: terá lugar ás 11 horas do terceiro día hábil seguinte á conclusión do prazo para presentación de proposicións.
Modelo de proposición:
D/Dª..., maior de idade, veciño/a de... con domicilio en... DNI nº... en nome propio (ou/e en representación de... conforme acredito con...), informado/a da convocatoria do concurso, anunciada no BOP nº... con data... toma parte neste ofertando ó concello o terreo (ou/e a edificación) sito en..., cunha extensión (ou dimensións) de... m polo prezo de ... ptas., IVE non incluído.
Lugar, data e sinatura.
San Cibrao das Viñas, 1 de decembro de 1997.
Elisa Nogueira Méndez
Alcaldesa
10134