Para xeral coñecemento e en execución do acordo da Xunta Rectora do Padroado Municipal de Deportes adoptado en sesión de 28 de novembro de 1997, convócase concurso en procedemento aberto, da subministración e montaxe de bancadas telescópicas para o pavillón polideportivo de Esteiro.
1. Obxecto do contrato: é obxecto do contrato a subministración e montaxe de bancadas telescópicas para o pavillón polideportivo de Esteiro consonte a memoria redactada por Alberto Castro Rascado, enxeñeiro municipal.
A referida memoria e o prego de cláusulas administrativas formarán parte do contrato de adxudicación da subministración que no seu día se outorgue.
2. Tipo de licitación: o importe máximo autorizado para esta contratación será de 4.400.000 ptas, incluído IVE, realizándose a mellora mediante baixa respecto del.
Os licitadores, nas súas propostas económicas, deberán incluír tódolos gastos e o importe do imposto sobre o valor engadido (en diante IVE), debendo figurar este concepto desagregado.
3. Financiamento: a subministración obxecto do contrato financiarase con cargo á partida orzamentaria 19-4521-611.01 do orzamento xeral en vigor.
4. Prazo de entrega da subministración: no prazo máximo de dous meses, contados a partir da data de notificación da adxudicación, o adxudicatario/a fará entrega do material obxecto do contrato.
5. Lugar e prazo de presentación: as proposicións presentaranse no Rexistro do Padroado Municipal
de Deportes sito no soto do Pazo Municipal, en man, e desde as 9 ás 13 horas durante os trece días naturais contados desde o día de publicación do último anuncio de licitación ben no BOP ou no DOG, (se este coincidise en sábado, domingo ou festivo trasladarase ó seguinte día hábil), en dous sobres pechados, que poderán ser lacrados e precintados, asinados polo licitador ou persoa que o represente.
As proposicións poderán presentarse por correo; neste caso o interesado deberá acreditar co xustificante correspondente a data de imposición do envío na oficina de correos e comunicarlle o devandito día ó órgano de contratación, por fax ou telegrama a remisión da proposición. Sen o cumprimento destes requisitos non se admitirá a proposición no caso de que se recibise fóra do prazo fixado no anuncio de licitación.
Nembargantes, transcorridos dez días desde o remate do prazo de presentación, non se admitirá ningunha proposición enviada por correo.
As proposicións constarán de dous sobres denominados A e B, e en cada un deles farase consta-lo contido, no xeito que se amosa de seguido, así como o nome do licitador.
-A) sobre A) subtitulado: capacidade e solvencia para contratar, conterá os documentos esixidos na cláusula 10 do prego de cláusulas administrativas particulares, base da contratación sendo refugadas as proposicións que non conteñan a devandita documentación.
-B) sobre B) subtitulado: proposición económica, axustarase ó modelo esixido na cláusula 10 do prego de cláusulas administrativas particulares.
6. Fianzas: a garantía provisional será de 88.000 ptas., equivalente ó 2% do orzamento do contrato ou tipo de licitación.
O adxudicatario como requisito previo e preciso á formalización do contrato, deberá ingresar na Caixa do Padroado a garantía definitiva por importe de 176.000 ptas.
7. Apertura de plicas: rematado o prazo de presentación de proposicións, a mesa de contratación, convocada para os efectos e en sesión non pública, procederá á cualificación da documentación xeral presentada polos licitadores no sobre A).
Sae a mesa de contratación observase defectos formais na documentación presentada, poderá conceder, se o considera axeitado, un prazo non superior a tres días para que o licitador o emende.
A mesa de contratación, en acto público, o cal se celebrará no lugar, día e hora que oportunamente se sinale, procederá a apertura do sobre B de proposicións económicas na sala designada para o efecto da 1ª planta do Pazo Municipal. Iniciará o acto dando conta do resultado da cualificación da documentación xeral presentada polos licitadores, e indicándolle aqueles que resultaron excluídos, as causas
da súa exclusión e invitando os asistentes a formularen as observacións que consideren oportunas, e que, en todo caso, se recollerán na acta.
A continuación, o secretario da mesa, procederá á apertura dos sobres B e dará lectura das proposicións económicas formuladas neles. Posteriormente, e tralos informes técnicos oportunos, se fose o caso, a mesa de contratación elevará a proposta de adxudicación do contrato ó órgano de contratación que teña que efectuala.
8. Expediente administrativo: o expediente desta contratación, así como a documentación técnica unida a el, poderá ser examinado na oficina do Padroado Municipal de Deportes, do concello, de luns a venres e en horas de 9 a 13, contado desde o día no que apareza publicado o anuncio de licitación, ben no BOP ou no DOG.
9. Gastos de publicidade: serán por conta do adxudicatario.
Ferrol, 2 de decembro de 1997.
Leopoldo Ibáñez Santiago
Presidente delegado do padroado
9154