Para xeral coñecemento, e en execución do acordo da Xunta Rectora do Padroado Municipal de Deportes adoptado en sesión do 28-11-1997, convócase concurso, en procedemento aberto, da contratación de servicios administrativos, de vixilancia, limpeza de locais e organización de actividades deportivas.
1. Obxecto do contrato: o obxecto deste contrato é a prestación dos servicios seguintes:
a) Control e vixilancia de accesos, limpeza de bancadas, movemento de material deportivo, etc.
b) Realización de actividades administrativas, tales como mecanografía, tratamento de textos, control de acceso a pistas de atletismo, cobros de prezos públicos, etc.
c) Organización de xogos municipais, coordinación co deporte escolar e colaboración nas diferentes actividades deportivas.
2. Orzamento do contrato: o orzamento do contrato é de sete millóns oitocentas corenta e catro mil seiscentas corenta e cinco pesetas (7.844.645 pesetas),
IVE incluído, para o período de vixencia do contrato, desbotándose as proposicións que excedan daquel. O importe mensual, incluído beneficio industrial, seguridade social e IVE, ascende a 1.568.929 ptas.
3. Financiamento: este expediente tramítase co carácter de anticipado, polo que nons e procederá á súa adxudicación entrementres non exista crédito orzamentario suficiente, que se consignará no orzamento do padroado para 1998.
4. Duración do contrato: o contrato terá unha duración inicial desde o día 5 de xaneiro ó 31 de maio d 1998.
Así e todo, de mutuo acordo, ámbalas partes contratantes poderán prorroga-la vixencia do contrato, sen que a duración total del, incluídas as prórrogas poida exceder de seis anos. A prórroga do contrato deberá de pactarse dentro do último mes en que finalice o período inicial da súa vixencia ou período de prórroga correspondente, sen que, en ningúin caso, poida producirse tacitamente a citada prórroga.
Se o padroado ou o contratista non desexaran proseguir co contrato, este último esatará obrigado, se así o decidira o padroado, a continuar coa prestación do servicio, ata que o Padroado concertara un novo servicio de asistencia, sen que esta prórroga forzosa poida exceder de seis meses.
5. Lugar, modo e prazo de presentación de proposicións: as proposicións presentaranse no Rexistro do Padroado Municipal de Deportes, sito no soto do Pazo Municipal, en man, e desde as 9 ás 13 horas durante os trece días naturais contados desde a publicación do último anuncio de licitación ben no BOP ou no DOG (se este coincidise en sábado, domingo ou festivo, trasladarase ó seguinte hábil). Así e todo, poderán presentarse por correo nos termos do artigo 100 do Regulamento xeral de contratos do Estado.
As proposicións constarán de dous sobres denominados A e B, e en cada un deles farase consta-lo contido, no xeito que se amosa de seguido así como o nome do licitador.
-A) sobre A) subtitulado: oferta económica para o concurso para a contratación de servicios administrativos, de vixilancia, limpezad e locais e organización de actividades deportivas, axustarase o modelo esixido na cláusula 7.
-B) sobre B) subtitulado: documentación para o concurso para a contratación de servicios administrativos, de vixilancia, limpeza de locais e organización de actividades deportivas, que conterá a documentación esixida na cláusula 9.
6. Garantías.
-Provisional: 157.000 pesetas.
-Definitiva: 314.000 pesetas.
7. Apertura de proposicións: a mesa de contratación cualificará previamente os documentos presentados en tempo e forma e procederá, en acto públi
co, á apertura das proposicións presentadas polos licitadores e levaraas á Xunta Rectora, coa acta e a proposta que coide pertinente, que incluirá en todo caso a ponderación dos criterios establecidos na cláusula 14.
8. Expediente administrativo: o expediente desta contratación, así como o estudio anexo realizado polo director xerente, poderá ser examinado na oficina do Padroado Municipal de Deportes do Concello de Ferrol, de luns a venres e en horas de 9 a 13, contado desde o día en que apareza publicado o anuncio de licitación, ben no BOP ou no DOG.
9. Gastos de publicidade: correrán todos por conta do adxudicatario.
Ferrol, 2 de decembro de 1997.
Leopoldo Ibáñez Santiago
Presidente delegado do padroado
10119