Por acordo plenario con data do 29 do pasado mes de setembro, prestouse aprobación ó proxecto das obras de ensanche, pavimentación e rede de subministración no camiño das Sidreiras, neste termo municipal, por importe de 1.245.092 ptas. Na mesma sesión aprobouse o expediente expropiatorio dos terreos que é necesario ocupar para levar a cabo as ditas obras que se tramitarán polo procedemento de taxación conxunta.

De conformidade co disposto nos artigos 218 e seguintes do Real decreto lexislativo 1/1992, do 26 de xuño, polo que se aproba o texto refundido da Lei do solo, así como o artigo 54 da lei 1/1997, do 24 de marzo, da Comunidade Autónoma galega, expóñense ó público ámbolos documentos, por espacio dun mes, para que os que poidan resultar interesados formulen as observacións e reclamacións que consideren convenientes, en particular no que atinxe á titularidade ou valoración dos respectivos dereitos.

Ribeira, 21 de outubro de 1997.

O alcalde

Rubricado

9765