Publicado o Decreto 347/1997, do 9 de decembro, polo que se establece a estructura orgánica da Xunta de Galicia, procede fixa-la das distintas consellerías, estructurándoas nas secretarías xerais, direccións xerais ou órganos de igual categoría que sexan necesarios para o cumprimento das funcións que a nova estructura comporta e adscribíndolle-los organismos autónomos ou entes públicos pertinentes.
Polo tanto, en virtude do disposto no artigo 4.15º da Lei de Galicia 1/1983, do 22 de febreiro, da Xunta e do seu presidente, modificada pola Lei de Galicia 11/1988, do 20 de outubro, por proposta do conselleiro da Presidencia e Administración Pública e logo de deliberación do Consello da Xunta de Galicia, na súa reunión do día dez de decembro de mil novecentos noventa e sete,
DISPOÑO:
Artigo 1º
A) A Consellería da Presidencia e Administración Pública estructúrase nos seguintes órganos superiores:
1. Secretaría Xeral.
2. Dirección Xeral da Función Pública.
3. Inspección Xeral de Servicios.
4. Dirección Xeral de Organización e Sistemas Informáticos.
5. Dirección Xeral de Relacións Institucionais.
B) Queda adscrito a esta consellería o seguinte organismo autónomo: Escola Galega de Administración Pública.
Artigo 2º
A) A Consellería de Economía e Facenda estructúrase nos seguintes órganos superiores:
1. Secretaría Xeral e do Patrimonio.
2. Intervención Xeral da Comunidade Autónoma.
3. Dirección Xeral de Tributos.
4. Dirección Xeral de Presupostos.
5. Dirección Xeral de Política Financeira e Tesouro.
6. Dirección Xeral de Planificación Económica e Fondos Comunitarios.
B) Quedan adscritos a esta consellería:
1. O organismo autónomo Instituto Galego de Estatística.
2. O ente público Instituto Galego de Promoción Económica.
Artigo 3º
A) A Consellería de Política Territorial, Obras Públicas e Vivenda estructúrase nos seguintes órganos superiores:
1. Secretaría Xeral.
2. Dirección Xeral de Urbanismo.
3. Dirección Xeral de Obras Públicas.
4. Dirección Xeral de Transportes.
B) Quedan adscritos a esta consellería:
1. O organismo autónomo Instituto Galego da Vivenda e Solo.
2. O ente público Portos de Galicia.
3. O organismo autónomo Augas de Galicia.
Artigo 4º
A Consellería de Educación e Ordenación Universitaria estructúrase nos seguintes órganos superiores:
1. Secretaría Xeral.
2. Dirección Xeral de Persoal.
3. Dirección Xeral de Centros e Inspección Educativa.
4. Dirección Xeral de Ordenación Educativa e Formación Profesional.
5. Dirección Xeral de Universidades.
6. Dirección Xeral de Política Lingüística.
Artigo 5º
A) A Consellería de Industria e Comercio estructúrase nos seguintes órganos superiores:
1. Secretaría Xeral.
2. Dirección Xeral de Industria.
3. Dirección Xeral de Programas Industriais e Infraestructuras Tecnolóxicas.
4. Dirección Xeral de Comercio e Consumo.
B) Queda adscrito a esta consellería o seguinte organismo autónomo: Instituto Galego de Consumo.
Artigo 6º
A) A Consellería de Agricultura, Gandería e Política Agroalimentaria estructúrase nos seguintes órganos superiores:
1. Secretaría Xeral.
2. Dirección Xeral de Desenvolvemento Rural.
3. Dirección Xeral de Producción Agropecuaria.
4. Dirección Xeral de Industrias e Alimentación.
B) Queda adscrito a esta consellería o seguinte organismo autónomo: Instituto Lácteo e Gandeiro de Galicia.
Artigo 7º
A) A Consellería de Cultura, Comunicación Social e Turismo estructúrase nos seguintes órganos superiores:
1. Secretaría Xeral.
2. Dirección Xeral de Promoción Cultural.
3. Dirección Xeral de Patrimonio Cultural.
4. Dirección Xeral de Comunicación Social e Audiovisual.
5. Dirección Xeral de Turismo.
B) Queda adscrito a esta consellería o organismo autónomo Instituto Galego das Artes Escénicas e Musicais.
Artigo 8º
A) A Consellería de Sanidade e Servicios Sociais estructúrase nos seguintes órganos superiores:
1. Secretaría Xeral.
2. Dirección Xeral de Saúde Pública.
3. Dirección Xeral de Servicios Sociais.
B) O Servicio Galego de Saúde (Sergas), organismo autónomo de carácter administrativo, estará adscrito organicamente á Consellería de Sanidade e Servicios Sociais e contará cos seguintes órganos superiores:
1. Secretaría Xeral.
2. División de Asistencia Sanitaria.
3. División de Recursos Económicos.
4. División de Recursos Humanos.
5. División de Farmacia e Productos Sanitarios.
Artigo 9º
A Consellería de Pesca, Marisqueo e Acuicultura estructúrase nos seguintes órganos superiores:
1. Secretaría Xeral.
2. Direción Xeral de Recursos Mariños.
3. Dirección Xeral de Estructuras Pesqueiras e Mercados.
4. Dirección Xeral de Formación Pesqueira e Investigación.
Artigo 10º
A) A Consellería de Xustiza, Interior e Relacións Laborais estructúrase nos seguintes órganos superiores:
1. Secretaría Xeral.
2. Dirección Xeral de Xustiza e Administración Local.
3. Dirección Xeral de Relacións Laborais.
4. Dirección Xeral de Interior.
5. Dirección Xeral de Protección Civil.
B) Queda adscrito a esta consellería o seguinte organismo autónomo: Academia Galega de Seguridade.
Artigo 11º
A) A Consellería de Familia e Promoción do Emprego, Muller e Xuventude estructúrase nos seguintes órganos superiores:
1. Secretaría Xeral.
2. Dirección Xeral de Familia.
3. Dirección Xeral de Formación e Colocación.
4. Dirección Xeral de Fomento do Emprego.
5. Dirección Xeral de Xuventude.
B) Queda adscrito a esta consellería o seguinte organismo autónomo: Servicio Galego de Promoción da Igualdade do Home e da Muller.
Artigo 12º
A Consellería de Medio Ambiente estructúrase nos seguintes órganos superiores:
1. Secretaría Xeral.
2. Dirección Xeral de Montes e Medio Ambiente Natural.
3. Dirección Xeral de Calidade e Avaliación Ambiental.
4. Centro de Información e Tecnoloxía Ambiental.
Disposicións adicionais
Primeira.-As secretarías xerais previstas no presente decreto asumen as funcións e competencias atribuídas ás secretarías xerais técnicas no Decreto 119/1982, do 5 de outubro.
Segunda.-En tódalas consellerías existirá unha delegación provincial na que se integrarán os órganos e servicios existentes en cada provincia. Na Consellería de Economía e Facenda e na de Pesca, Marisqueo e Acuicultura as delegacións serán territoriais.
Disposicións transitorias
Primeira.-Mediante ordes dos conselleiros respectivos determinarase a adscrición dos órganos dependentes das direccións xerais suprimidas como consecuencia da estructura orgánica que se fixa nos artigos precedentes, ós centros directivos correspondentes en tanto non se regule por decreto a nova estructura orgánica no nivel de dirección xeral.
Segunda.-Os órganos dependentes das direccións xerais que non fosen obxecto de supresión manterán a súa estructura e funcións ata que se proceda ó desenvolvemento da estructura contida no presente decreto.
Terceira.-Os créditos incluídos no estado de gastos do orzamento da Comunidade Autónoma para 1997 manterán ata o 31 de decembro a súa actual codificación orzamentaria e, se é o caso, no orzamento prorrogado para 1998 identificaranse os créditos segundo a nova estructura.
Disposición derrogatoria
Quedan derrogadas cantas disposicións de igual ou inferior categoría se opoñan ó disposto no presente decreto.
Disposicións derradeiras
Primeira.-Facúltase o conselleiro de Economía e Facenda para que dicte as disposicións necesarias para a xestión dos créditos afectados pola nova estructura administrativa, sen que en ningún caso poida orixinarse incremento de gasto.
Segunda.-A Consellería de Economía e Facenda realizará as modificacións orzamentarias necesarias para darlle cumprimento ó disposto no presente decreto.
Terceira.-O presente decreto entrará en vigor o mesmo día da súa publicación no Diario Oficial de Galicia.
Santiago de Compostela, dez de decembro de mil novecentos noventa e sete.
Manuel Fraga Iribarne
Presidente
Dositeo Rodríguez Rodríguez
Conselleiro da Presidencia e Administración Pública
9970