Na sesión celebrada o día 18 de novembro de 1997, polo tribunal I-1B designado para xulga-las probas selectivas para o acceso ás categorías 27 (coordinador/a de actividades internas, coordinador/a de actividades externas), 29 (xefe/a do departamento persoal e xestión económico-administrativa do IGAEM), 30 (relacións públicas do IGAEM) e 31 (titulado superior de formación ocupacional) do grupo I do persoal laboral fixo da Xunta de Galicia, convocadas por orde da Consellería da Presidencia e Administración Pública, do 2 de decembro de 1996 (DOG nº 242, do 12-12-1996), acordouse:

1º Que o primeiro exercicio para os aspirantes admitidos no proceso selectivo para o acceso á categoría 31 (titulado superior de formación ocupacional) do grupo I terá lugar o día 20 de decembro de 1997, ás 9.30 horas, na aula A da Facultade de Ciencias

Económicas e Empresariais, sita na avenida Xoán XXIII, s/n, en Santiago de Compostela.

O chamamento para a entrada dos opositores no lugar de celebración do exercicio comezará ás 9 horas.

O primeiro exercicio para os aspirantes admitidos no proceso selectivo para o acceso ás categorías 27 (coordinador/a de actividades internas, coordinador/a de actividades externas), 29 (xefe/a do departamento persoal e xestión económico-administrativa do IGAEM) e 30 (relacións públicas do IGAEM) do grupo I terá lugar o día 22 de decembro de 1997, ás 9.30 horas, na aula 5 da Facultade de Ciencias Económicas e Empresariais, sita na avenida Xoán XXIII, s/n, en Santiago de Compostela.

O chamamento para a entrada dos opositores no lugar de celebración do exercicio comezará ás 9 horas.

2º Os aspirantes deberán comparecer provistos de documento identificativo (base II.2.3 e base II.3.2), de lapis do nº 2 e goma de borrar.

Santiago de Compostela, 18 de novembro de 1997.

María Boado Chaves

Presidenta do tribunal

9454