Por Resolución do 28 de outubro de 1997, da Dirección Xeral da Función Pública do Ministerio de Administraciones Públicas, (BOE do 19 de novembro), convocouse concurso unitario para a provisión de postos de traballo reservados a funcionarios de Administración local con habilitación de carácter nacional.
En cumprimento da establecido no apartado 3º do artigo 13 da Orde do 10 de agosto de 1994, do Ministerio para as Administracións Públicas, pola que se dictan normas sobre concursos de provisión de postos reservados a funcionarios de Administración local con habilitación de carácter nacional, esta consellería,
DISPÓN:
Publica-las bases do concurso unitario para a provisión de postos de traballo vacantes de Administración local con habilitación de carácter nacional correspondentes ó ámbito territorial da Comunidade Autónoma de Galicia.
Santiago de Compostela, 20 de novembro de 1997.
Dositeo Rodríguez Rodríguez
Conselleiro da Presidencia e Administración Pública
Bases polas que se rexe o concurso unitario para a provisión de postos de traballo reservados a funcionarios de Administración local con habilitación de carácter nacional.
A. Bases comúns.
Primeira.-Postos vacantes.
Teñen a consideración de postos vacantes para efectos deste concurso, e por tanto ofrécense nel (anexo I):
-Os postos que estando vacantes o 10 de febreiro de 1997, e non incluídos no concurso unitario resolto no data 4-2-1997 (BOE 12-2-1997), non se convocaron no concurso ordinario do presente ano.
-Os postos vacantes con posterioridade ó 10 de febreiro de 1997, dos que as súas respectivas corporacións acordaron a súa inclusión neste concurso unitario de acordo co previsto no parágrafo 2º do Art. 25 do Real decreto 1732/1994, do 29 de xullo.
Non se ofertan en cambio:
-Os postos vacantes, incluídos no concurso unitario convocado por Resolución do 22-10-1996 (BOE do 30 de outubro), e resolto na data 4-2-1997 (BOE do 12 de febreiro). Dado que o 10 de febreiro de 1997 (data límite dada ás corporacións locais polo Art. 19 do R.D. 1732/1994, do 29 de xullo, para remiti-las bases de convocatoria de concurso seguinte, o ordinario de 1997 , á respectiva Comunidade Autónoma), a resolución do concurso unitario de 1996 aínda non fora publicada no BOE, non lle era posible ás corporacións locais oferta-los devanditos postos no concurso ordinario de 1997, e a que descoñecían se continuaban ou non vacantes. Non podendo dispoñer, polo tanto, da posibilidade legal de establecer bases e méritos específicos para a cobertura de tales postos no concurso ordinario de 1997, non é posible conseguintemente incluílos con carácter obrigatorio no presente concurso unitario de 1997, xa que suporía deixar ás corporacións locais sen a posibilidade de establecer bases específicas
na cobertura dos seus postos de habilitados mediante concurso.
-Os postos nos que se produciu a vacancia con posterioridade ó 10 de febreiro de 1997 e a que sendo esta a data límite para remitir ás comunidades autónomas as convocatorias do concurso ordinario de 1997, con ela expira a obriga de oferta-las vacantes no devandito concurso, sendo obrigatorio só ofertalas no seguinte concurso ordinario, é dicir no de 1998.
Segunda.-Participación.
1. Poderán tomar parte no presente concurso os funcionarios con habilitación de carácter nacional, pertencentes ás subescalas a que se refire o artigo 2º do Real decreto 1174/1987, do 18 de setembro, podendo solicitar só os postos que, segundo a súa clasificación, correspondan ás subescalas e categorías a que pertencen.
Poderán participar, así mesmo, os funcionarios non integrados nas devanditas subescalas e categorías, pertencentes ós extintos corpos nacionais de secretarios, interventores e depositarios de Administmción local a que se refire a disposición transitoria primeira, 1, do Real decreto 1174/1987, do 18 de setembro, nos termos seguintes:
-Os secretarios de primeira, a postos reservados á subescala de Secretaría, categoría superior.
-Os secretarios de segunda, a postos reservados á subescala de Secretaría, categoría de entrada.
-Os secretarios de terceira, a postos reservados á subescala de Secretaría Intervención.
-Os secretarios de concellos a extinguir, a secretarías de concellos con poboación que non exceda de 2.000 habitantes.
-Os interventores, a postos reservados á subescala de Intervención-Tesoureiría, categoría superior, pero unicamente a postos de Intervención.
-Os depositarios, a postos reservados á subescala de Intervención-Tesoureiría, pero unicamente a postos de Tesoureiría.
2. Os funcionarios con nomeamento provisional e os que se atopen en expectativa de nomeamento están obrigados a solicita-la totalidade de postos correspondentes á súa subescala e categoría. Tamén o están os que se atopen en calquera das circunstancias as que se refire o artigo 53.2º do Real decreto 1174/1987, do 18 de setembro, os que cesasen na situación de servicios especiais e non tiveran reserva de praza, e os que promocionaran á categoría superior nos termos do artigo 24.2º do mesmo real decreto.
3. Non poderán concursar:
a) Os funcionarios inhabilitados e os suspensos en virtude de sentencia ou resolución administrativa firmes, se non transcorrese o tempo sinalado nelas.
b) Os funcionarios destituídos a que se refire o artigo 148.5º do texto refundido das disposicións legais vixentes en materia de réxime local, aprobado por Real decreto lexislativo 781/1986, do 18 de abril, durante o período a que se estenda a destitución.
c) Os funcionarios nas situacións de excedencia voluntaria a que se refire a artigo 29.3, c) e d), da Lei de medidas para a reforma da función pública, se non transcorrese o prazo de dous anos desde o pase a elas.
d) Os funcionarios que non leven dous anos no último destino obtido con carácter definitivo en calquera Administración pública, salvo que concursen a postos reservados á súa subescala e categoría na mesma corporación ou se atopen nos supostos do artigo 20.1, f) da Lei de medidas para a reforma da función pública.
Terceira.-Documentación e prazo para participar.
1. No prazo de 15 días naturais a partir da publicación da presente resolución no Boletín Oficial del Estado, os funcionarios con habilitación de carácter nacional que desexen tomar parte no presente concurso dirixirán á Subdirección Xeral de Función Pública Local (Rexistro de entrada de documentos do Ministerio para las Administraciones Públicas, r/ María de Molina, 50, 28071 Madrid), a seguinte documentación:
-Solicitude de participación con expresión individualizada de tódolos postos a que concursan e declaración xurada de non estar incursos en ninguna das circunstancias a que se refire o artigo 18.3º do Real decreto 1732/1994, do 29 de xullo. A especificación de postos solicitados farase por orde de prelación de adxudicacións, con carácter único para a totalidade de postos que se soliciten. A unicidade da orde de prelación manterase incluso no suposto de solicitar postos de varias subescalas e categorías se a pertenza do concursante a elas o permitira.
-Acreditación do coñecemento da lingua e méritos de determinación autonómica nos termos e para os postos situados en comunidades autónomas que os teñan establecido de acordo co que especifica o apartado B) Bases das comunidades autónomas.
2. Se se solicitaran exclusivamente postos do País Vasco, a documentación dirixirase a Comunidade Autónoma, (Dirección Xeral de Relacións Institucionais e Administración Local, Duque de Welington, 2, 01010 Vitoria-Gasteiz).
Cuarta.-Méritos xerais.
Os méritos xerais polos que se rexe este concurso son os comprendidos na Resolución de data 28 de outubro de 1997 da Dirección Xeral da Función Pública do Ministerio de Administracións Públicas, pola que se lle dá publicidade á relación individualizada de méritos xerais dos habilitados nacionais, que inclue os inscritos no Rexistro de Habilitados nacionais ata esa mesma data.
Quinta.-Tribunal de valoración.
1. O tribunal de valoración do presente concurso será o seguinte:
Presidente titular: Juan Corral Villalba.
Presidente suplente:Ana María García Fernández.
Vocais titulares:
Francisco M. Macías Benítez.
Margarita Mª Revillo Pinilla.
Francisco Javier Ramos García.
José Luis Sánchez Santiago.
Norbert Llarás i Marques.
Bernabé Esteban Ortega.
Gloria García Ortuño.
Fernando Alonso Barahona.
César García-Monge Herrero.
Ana Cristina Hidalgo Alonso.
Genaro Conde Rebollar.
Ana de Oleza Ferrandis.
José Mª Endemaño Arostegui.
Noel Zapico Rodríguez.
Pedro Antonio Mas Cladera.
Loreto Díaz Sánchez.
Jesús González Pueyo.
Eva I. Pereda López.
Vocais suplentes:
Ana Mª Blanco Sanz.
Francisco V. de Vera Pinilla.
Antonio Rodríguez-Pastrana Malagón.
Antonio Meneses Tocino.
Lluis Calsina i Vallés.
Miguel Romero Carmona.
Antonio Jover Pérez.
Rosario Sánchez Tapia.
Augusto Martín Agudo.
Teodosio González del Teso.
Jose de Toro Luengo.
Josefa Eugenia Salvador Alamar.
Jose Luis Aguirre Aratibel.
Jose Manuel García Gallo.
Juan José Ferrando Valverde.
Jesús García Porto.
José Benavides y Herrera.
Secretario titular: Antonio Calderón López.
Secretario suplente: Mercedes Martín Sánchez.
2. O tribunal para comprobación do grao de coñecemento da lingua oficial e valoración dos méritos determinados pola Comunidade Autónoma do País Vasco será o que esta Comunidade designe.
Sexta.-Exclusión de concursantes e valoración de méritos.
1. O tribunal de valoración excluirá os concursantes que non reúnan as condicións de participación sinaladas na base segunda, se é caso, ou o requisito de lingua.
A continuación puntuará os méritos dos concursantes non excluídos, do seguinte modo:
-A puntuación por méritos xerais, ata un máximo de 19,50 puntos, deducidos da relación incluída na
resolución publicada conxuntamente con esta convocatoria, non sendo posible acreditación adicional algunha por parte dos concursantes nin valoración distinta por parte do tribunal.
-A valoración de méritos de determinación autonómica, ata un máximo de 3 puntos, conforme a documentación presentada polos concursantes conforme as regras específicas de cada Comunidade Autónoma.
-Respecto dos postos sen méritos de determinación autonómica, o tribunal puntuará exclusivamente os xerais ata un máximo de 19,50 puntos.
2. En caso de empate na puntuación final de méritos de dous ou máis concursantes, o tribunal dará prioridade na proposta de adxudicación a aquel que obtivera maior puntuación por méritos de determinación autonómica. De manterse o empate, a favor de quen en méritos xerais teña maior puntuación nos apartados a), b), c), d) e e), pola dita orde, do artigo 15.1º do Real decreto 1732/1994, do 29 de xullo. En última instancia o empate resolverase conforme a orde de prelación no proceso selectivo.
Sétima.-Proposta de resolución.
Trala exclusión e puntuación de concursantes, o tribunal formulará relación comprensiva dos non excluídos coas súas puntuacións, así como relación fundada de excluídos. De acordo coas puntuacións, e coa orde de prelación para o suposto de concursantes que obteñan a máxima puntuación en dous ou máis postos, o tribunal formulará e elevará á Dirección Xeral da Función Pública do Ministerio de Administracións Públicas proposta de adxudinación de postos.
Oitava.-Resolución.
A Dirección Xeral da Función Pública do MAP resolverá o concurso de acordo coa proposta formulada polo tribunal de valoración, remitíndoo ás comunidades autónomas e publicándoo no prazo dun mes no Boletín Oficial del Estado.
Novena.-Prazo posesorio.
1. O prazo de toma de posesión nos destinos obtidos no concurso será de tres días hábiles se se trata de postos de traballo da mesma localidade ou dun mes se se trata de primeiro destino ou de postos de traballo en localidade distinta.
O devandito prazo comezará a contarse a partir do día seguinte ó do cesamento, que deberá efectuarse dentro dos tres días hábiles seguintes ó da publicación da resolución do presente concurso no Boletín Oficial del Estado.
Se a resolución comporta o reingreso ó servicio activo, o prazo de toma de posesión deberá computarse desde a dita publicación.
2. O cómputo de prazos posesorios iniciarase cando finalicen os permisos ou licencias que, se é o caso, lles fosen concedidos ós interesados.
3. Por necesidades do servicio, mediante acordo dos presidentes das corporacións en que teña que cesar e tomar posesión o concursante, poderase diferi-lo cesamento e a toma de posesión ata un máximo de tres meses, debendo o segundo deles dar conta de tal acordo á Dirección Xeral da Función Pública do MAP.
Excepcionalmente, por instancia do interesado e por razóns xustificadas, poderá tamén diferirse a toma de posesión, por igual prazo, por acordo entre os presidentes respectivos dando conta á Dirección Xeral da Función Pública do MAP.
Décima.-Irrenunciabilidade e voluntariedade dos destinos.
1. Os destinos adxudicados serán irrenunciables desde o momento no que o tribunal remita á Dirección Xeral da Función Pública do MAP a proposta de adxudicación.
2. Os destinos obtidos neste concurso terán carácter voluntario, non xerando en consecuencia dereito ó aboamento de indemnización por traslado.
Décimo primeira.-Notificación de cesamentos e tomas de posesión.
1. As dilixencias de cesamento e toma de posesión dos concursantes que accedan a un posto de traballo, de acordo coa resolución do concurso, deberán ser comunicadas á Dirección Xeral da Función Pública do MAP e á Comunidade Autónoma respectiva, dentro dos tres días hábiles seguintes a aquel en que se produzan.
2. A toma de posesión determina a adquisición dos dereitos e deberes funcionariais inherentes ó posto, pasando a depende-lo funcionario da correspondente corporación.
Duodécima.-Normas para a Comunidade Autónoma do País Vasco.
As institucións forais procederán á resolución do concurso e á súa remisión á Comunidade Autónoma.
O órgano competente da Comunidade Autónoma do País Vasco e a Dirección Xeral de Función Pública efectuarán a coordinación precisa para evita-los nomeamentos múltiples nos supostos en que os interesados obteñan simultaneamente postos en corporacións locais da Comunidade Autónoma do País Vasco e dalgunha outra.
Décimo terceira.-Recursos.
Os actos administrativos no procedemento de concurso unitario poderán ser impugnados conforme o previsto nos artigos 114 a 117 da Lei 30/1992, do 26 de novembro, de réxime xurídico das administracións públicas e do procedemento administrativo común.
B. Bases das comunidades autónomas.
O coñecemento de lingua e méritos de determinación autonómica serán esixidos nos ternos en que,
para cada Comunidade Autónoma, detallan as bases seguintes:
Méritos de determinación autonómica da Comonidade Autónoma de Galicia. (Decreto 136/1997, do 5 de xuño).
1. Meritos polo coñecemento das especialidades da organización territorial e da normativa de Galicia.
Os méritos correspondentes ó coñecemento das especialidades da organización territorial e da normativa de Galicia ós que, de conformidade co establecido no artigo 99.1 da Lei 7/1985, do 2 de abril, se atribúe o 10% da puntuación total posible nos concursos para a provisión de postos de traballo de funcionarios de Administración local con habilitación de carácter nacional, son os seguintes:
Experiencia profesional: consistente no exercicio de funcións na Administración autonómica ou nas entidades locais de Galicia, que impliquen o coñecemento das especialidades da organización territorial e da normativa de Galicia.
Cursos de formación e perfeccionamento superados, homologados ou recoñecidos pola Escola Galega de Administración Pública e que teñan por obxecto a aprendizaxe das especialidades da organización territorial e da normativa de Galicia.
Actividade docente: dirixida ó ensino das materias sobre organización territorial e normativa de Galicia, réxime local, urbanismo e réxime económico-financeiro das entidades locais en cursos organizados pola EGAP ou en colaboración con esta.
Publicacións: en materias relativas ás especialidades de organización territorial e da normativa de Galicia.
2. Valoración de méritos.
A proporción que corresponde a cada unha das clases de méritos expresados no artigo anterior, dentro da porcentaxe do 10% da puntutación total posible asignada para o coñecemento das especialidades autonómicas, que é de 3 puntos, é a seguinte:
Experiencia profesional: ata un 30% do total de puntos que, na puntuación total, correspondan ó 10% atribuído ós méritos polos coñecementos das especialidades autonómicas.
Cursos de formación e perfeccionamento: ata un 50% do total de puntos que, na puntuación total, correspondan ó 10% atribuído ós méritos polos coñecementos das especialidades autonómicas, en función do nivel académico do curso.
Actividade docente: ata un 10% do total de puntos que, na puntuación total correspondan ó 10% atribuído ós méritos polos coñecementos das especialidades autonómicas.
Publicacións: ata un 10% do total de puntos que na puntuación total, correspondan ó 10% atribuído ós méritos polos coñecementos das especialidades autonómicas.
3. Regras para a puntuación de méritos.
Experiencia profesional: os servicios prestados valoraranse da seguinte forma:
-Servicios prestados en postos de traballo do mesmo grupo ou superior de funcionarios que o correspondente á subescala á que se concursa: 0,02 puntos/mes.
-Servicios prestados en postos de traballo asignados ó grupo de funcionarios inmediatamente inferior á subescala á que se concursa: 0,01 puntos/mes.
Máximo: 0,90 puntos.
Cursos de formación e perfeccionamento: a valoración dos cursos, con exclusión dos que formen parte dos procesos selectivos correspondentes, efectuarase da forma seguinte:
Teranse en conta, unicamente, os cursos impartidos pola EGAP ou, en colaboración con ela, polas universidades, centros de ensino superior ou outros órganos competentes en materia de formación e perfeccionamento dos funcionarios, sempre que sexan homologados polo EGAP, para efectos deste artigo.
A puntuación de cada curso dentro da escala de 0,10 a 1,5 será establecida pola EGAP en función da relación da materia impartida coas funcións reservadas ós funcionarios con habilitación nacional, o grao de dificultade do curso, o número de horas lectivas e o sistema de avaliación.
As convocatorias dos cursos formuladas pola EGAP indicarán a puntuación outorgada para os efectos deste precepto.
Para o suposto de que a puntuación dos cursos non estivese determinada nas súas convocatorias, a valoración farase exclusivamente respecto daqueles cursos nos que a materia impartida teña relación coas funcións reservadas ós funcionarios con habilitación de carácter nacional, da forma seguinte:
-Cursos con certificado de asistencia: 0,10 puntos por curso.
-Cursos con certificado de aproveitamento de ata 40 horas: 0,20 puntos por curso.
-Cursos con certificado de aproveitamento de máis de 40 horas: 0,40 puntos por curso.
Non se valorarán os diplomas relativos á celebración de xornadas, seminarios, simposios e similares.
Máximo: 1,5 puntos.
Actividade docente: valorarase cun máximo de 0,3O puntos, a razón de 0,01 puntos por hora impartida en cursos, excluíndose xornadas, seminarios, simposios ou similares.
Publicacións de monografías ou artigos sobre materias relativas ás especialidades da organización territorial e da normativa de Galicia. Por cada monografía: 0,10 puntos; por cada artigo 0,05 puntos. A puntuación máxima será de 0,30 puntos. Só se
valorarán as monografías ou artigos aparecidos en publicacións con ISBN o ISSN.
4. Acreditación de méritos.
Os concursantes acreditarán os méritos que aleguen mediante a presentación do certificado correspondente ou a copia do título debidamente compulsada.
5. Valoración dos méritos polos tribunais.
O tribunal de valoración do concurso comprobará e valorará os méritos alegados de acordo coas regras e as puntuacións establecidas neste decreto.
ANEXO I
POSTOS DE TRABALLO QUE SE OFERTAN NO PRESENTE
CONCURSO UNITARIO
CLASE DE POSTO C. POSTO LOCALIDADE PROVINCIA
COMUNIDADE AUTÓNOMA DE GALICIA
SECRETARÍA CLASE 1ª 1509001 BETANZOS A CORUÑA 1530001 CULLEREDO A CORUÑA 1534001 FENE A CORUÑA 2713001 CERVO LUGO 3624001 LALÍN PONTEVEDRA 3642003 PONTEAREAS PONTEVEDRA
SECRETARÍA CLASE 2ª 1519501 CARIÑO A CORUÑA 1524002 CERCEDA A CORUÑA 1529001 CORISTANCO A CORUÑA 1542001 MALPICA DE BERGANTIÑOS A CORUÑA 1555001 NEGREIRA A CORUÑA 1565001 PINO (O) A CORUÑA 1566001 POBRA DO CARAMIÑAL, (A) A CORUÑA 1567001 PONTECESO A CORUÑA 1586001 VALDOVIÑO A CORUÑA 1591001 VIMIANZO A CORUÑA 1592001 ZAS A CORUÑA 2729001 MONDOÑEDO LUGO 2731001 MONTERROSO LUGO 2759001 TABOADA LUGO 3268001 RIBADAVIA OURENSE 3605001 CALDAS DE REIS PONTEVEDRA 3615001 CUNTIS PONTEVEDRA 3641001 PONTE-CALDELAS PONTEVEDRA 3647001 ROSAL, (O) PONTEVEDRA 3648001 SALCEDA DE CASELAS PONTEVEDRA 3658001 VILA DE CRUCES PONTEVEDRA
SECRETARÍA CLASE 3ª 2734001 NEGUEIRA DE MUÑIZ LUGO 2744001 PEDRAFITA DO CEBREIRO LUGO 2751001 RIBAS DE SIL LUGO 27C1201 MAN. DA MARIÑA LUCENSE LUGO 3251001 MUÍÑOS OURENSE 3614001 CRECENTE PONTEVEDRA
INTERVENCIÓN CLASE 1ª 1530002 CULLEREDO A CORUÑA 1534002 FENE A CORUÑA 2713002 CERVO LUGO 2730001 MONFORTE DE LEMOS LUGO 3200101 OURENSE (Deputación) OURENSE 3200102 OURENSE (Concello) OURENSE 3608001 CANGAS PONTEVEDRA 3617001 ESTRADA, (A) PONTEVEDRA 3624002 LALÍN PONTEVEDRA 3642001 PONTEAREAS PONTEVEDRA
INTERVENCIÓN CLASE 2ª 1501001 ABEGONDO A CORUÑA 1502001 AMES A CORUÑA 1506001 ARZÚA A CORUÑA 1508001 BERGONDO A CORUÑA 1514001 CABANA DE BERGANTIÑOS A CORUÑA 1516001 CAMARIÑAS A CORUÑA 1519502 CARIÑO A CORUÑA 1523001 CEE A CORUÑA 1524001 CERCEDA A CORUÑA 1536001 FISTERRA A CORUÑA 1542002 MALPICA DE BERGANTIÑOS A CORUÑA 1550001 MUGARDOS A CORUÑA 1551001 MUXÍA A CORUÑA 1552001 MUROS A CORUÑA 1556001 NOIA A CORUÑA 1558001 ORDES A CORUÑA 1561001 OUTES A CORUÑA 1564001 PADRÓN A CORUÑA 1565002 PINO, (O) A CORUÑA
CLASE DE POSTO C. POSTO LOCALIDADE PROVINCIA
1566002 POBRA DO CARAMIÑAL, (A) A CORUÑA 1567002 PONTECESO A CORUÑA 1570002 PORTO DO SON A CORUÑA 1581001 TEO A CORUÑA 1583001 TORDOIA A CORUÑA 1586002 VALDOVIÑO A CORUÑA 1591002 VIMIANZO A CORUÑA 1592002 ZAS A CORUÑA 2716001 CHANTADA LUGO 2725001 XOVE LUGO 2729002 MONDOÑEDO LUGO 2740002 PANTÓN LUGO 2757001 SAVIÑAO, (O) LUGO 2758002 SOBER LUGO 2765001 VIVEIRO LUGO 3232001 XINZO DE LIMIA OURENSE 3284001 VERÍN OURENSE 3603001 BAIONA PONTEVEDRA 3605002 CALDAS DE REIS PONTEVEDRA 3615002 CUNTIS PONTEVEDRA 3630001 MONDARIZ PONTEVEDRA 3647002 ROSAL, (O) PONTEVEDRA 3651001 SILLEDA PONTEVEDRA 3657001 VILABOA PONTEVEDRA 3658002 VILA DE CRUCES PONTEVEDRA
TESOUREIRÍA 1509003 BETANZOS A CORUÑA 1509003 CULLEREDO A CORUÑA 1534003 FENE A CORUÑA 2700101 LUGO LUGO 2713003 CERVO LUGO 3600101 PONTEVEDRA PONTEVEDRA 3608002 CANGAS PONTEVEDRA 3624003 LALÍN PONTEVEDRA 3642002 PONTEAREAS PONTEVEDRA 3659001 VILAGARCÍA DE AROUSA PONTEVEDRA
OFICIAL MAIOR CLASE 1ª 3200103 OURENSE (Concello) OURENSE
OFICIAL MAIOR CLASE 2ª 1535001 FERROL A CORUÑA
VICE-INTERVENCIÓN CLASE 1ª 3200105 OURENSE (Concello) OURENSE
ADXUNTO A TESOUREIRÍA 3ª 3604002 BUEU PONTEVEDRA
AGRUPACIÓN SECRETARÍA CLASE 3ª 2737001 OUROL LUGO
AGRUPACIÓN INTERVENCIÓN CLASE 2ª 2710001 CASTRO DE REI LUGO 3612002 COTOBADE PONTEVEDRA