Visto o texto do convenio colectivo da empresa Construcciones Alea, S.L. (código nº 3200162), de Ourense, con entrada nesta delegación provincial subscrito en representación da parte económica pola empresa e da parte social polo comité de empresa, en xuntanza celebrada o día 19-9-1997, e de conformidade co disposto no artigo 902º e 3º da Lei 8/1980, do 10 de marzo do Estatuto dos traballadores, texto refundido aprobado polo Real decreto 1/1995, do 24 de marzo, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo.
Esta delegación provincial,
ACORDA:
Primeiro.-Ordena-la súa incripción no rexistro desta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Unidade de Mediación, Arbitraxe e Conciliación desta delegación.
Terceiro.-Dispoñe-la súa publicación no Diario Oficial de Galicia.
Ourense, 26 de setembro de 1997.
Manuel A. Cao Fernández
Delegado provincial Acctal. de 0urense
Convenio colectivo provincial para a empresa Construcciones Alea, S.L.
1997-1998
Capítulo I
Ámbito e vixencia
Artigo lº.-Ámbito.
1. O presente convenio afecta a tódolos traballadores que presten os seus servicios na empresa na provincia de Ourense, así como os contratados durante a vixencia del. Igualmente afecta ós traballadores que estando afiliados en Ourense se despracen a outras provincias por necesidades de traballo.
Artigo 2º.-Vixencia e duración.
1. O presente convenio substitue e anula tódolos anteriores, mesmo o vixente na actualidade, e entrará en vigor o día da súa publicación no BOP de Ourense.
2. Os efectos económicos, entendéndose por estes única e exclusivamente as diferencias salariais que se deriven do incremento acordado sobre a táboa
salarial, entrarán en vigor a partir do 1 de xaneiro de 1997.
3. O presente convenio terá unha duración de dous anos, entendéndose desde o 1 de xaneiro de 1997 ata o 31 de decembro de 1998, e será prorrogado por un período igual, agás denuncia por calquera das partes cunha antelación mínima de tres meses á data do 31 de decembro de 1997. A dita denuncia deberá facerse por escrito e comunicada en forma á outra parte.
4. En caso de non ser denunciado no tempo e forma anteriormente expresados e prorrogado por igual período de vixencia, a revisión salarial realizanse conforme os criterios que establecen no presente convenio.
Artigo 3º.-Revisión.
Para o segundo ano de vixencia, isto é, para o período do 1 de xaneiro de 1998 ó 31 de decembro de 1998, a táboa de salarios revisarase logo de negociación do comité de empresa co representante legal desta tomando como orientación e recomendación a normativa vixente no que respecta á xornada e demais tomas de carácter social.
Artigo 4º.-Lexislación complementaria.
Para todo o non previsto no presente convenio haberá que aterse ó disposto no estatuto, ordenanza e lexislación en vigor.
Capítulo II
Contrato de traballo
Artigo 5º.-Contrato de traballo.
A. Regulación xeral.
1. O contrato de traballo sera subscrito entre a empresa e o traballador, obrigatoriamente por escrito, con entrega dun exemplar a este, de acordo co formato aprobado por disposición de carácter normativo, que necesariamente deberá ser rexistrado na oficina de emprego á que pertenza o centro de traballo ó que se incorpore o traballador e entregada unha copia del (copia básica) ó representante dos traballadores.
2. En ningún caso se poderá comezar a traballar sen que previamente se procedese á inscrición do traballador na Seguridade Social.
B. Subcontratación.
1. Cando a empresa contrate ou subcontrate con outros a realización de obras ou servicios correspondentes á propia actividade daqueles, deberá comprobar que os ditos contratistas estean ó corrente no pagamento das cotas á Seguridade Social. Para o efecto solicitará por escrito, con identificación da empresa afectada, certificado de estar ó corrente nos pagamentos da Tesourería Xeral da Seguridade Social.
2. A empresa contratada, nun prazo máximo de trinta días, deberá presenta-lo certificado indicado no punto anterior. Transcorrido este prazo, quedará exonerada de responsabilidade a empresa principal.
Artigo 6º.-Período de proba.
1. Poderá concertarse por escrito un período de proba que en ningún caso poderá exceder de:
a) Técnicos titulados superiores: 6 meses.
b) Empregados:
Niveis III, IV e V: 3 meses.
Niveis VI ó X: 2 meses.
Resto de persoal: 15 días naturais.
c) Persoal operario:
Encargados e capataces: 1 mes.
Resto de persoal: 15 días naturais.
2. Durante o período de proba o traballador terá os dereitos e obrigas correspondentes, á súa categoría profesional e posto de traballo que desempeñe, como se fose de cadro de persoal, agás os derivados da resolución da relación laboral, que poderá producirse por instancia de calquera das partes durante o seu transcurso, sen necesidade de previo aviso e sen que ningunha das partes teña dereito a ningunha indemnización, debéndose comunica-lo desestimento por escrito.
3. Transcorrido o período de proba sen que se producise o desistimento, o contrato producirá plenos efectos; computarase o tempo dos servicios prestados para efectos de antigüidade.
Capítulo III
Clasificación profesional
Artigo 7º.-Clasificación do persoal.
A clasificación do persoal afectado polo presente convenio é simplemente enunciativa e non supón obriga de ter cubertas tódalas prazas enumeradas, se as necesidades da actividade da empresa non o requiren.
Artigo 8º.-Clasificación por niveis e categorías profesionais.
NiveisCategorías
IITítulo superior
IIITitulo medio
Xefe 1ª administrativo
IVAxudante de obra
Encargado xeral
Xefe de persoal
VDelineante superior
Xefe administrativo
VIDelineante de primeira
Topógrafo
Encargado de obra
Oficial 1ª administrativo
VIIDelinenate de 2ª
Capataces
Topógrafo práctico de 2ª
VIIIOficial 2ª administrativa
Oficial 1ª oficio
IXOficial 2ª oficio
Auxiliar administrativo
XSerenos e almaceneiro
XIPeón especializado
XIIPeóns ordinarios
XIIITraballadores de 17 anos
Capítido IV
Tempo de traballo
Artigo 9º.-Xonada laboral.
1. Durante a vixencia do presente convenio establécese unha xornada laboral anual de 1.764 horas.
2. A xornada semanal establécese en corenta horas de traballo efectivo distribuídas en oito horas diarias de luns a venres ambos inclusive.
3. Para axusta-lo calendario laboral anual no presente exercicio de 1997, fíxanse como días non laborables o 2 de febreiro, 2 de maio, 24 de xullo, 14 de agosto, 10 de novembro, 24, 26 e 3l de decembro. O 30 de decembro verase reducida a xornada en 4 horas.
Artigo 10º.-Vacacións.
1. As vacacións; terán unha duración de trinta días naturais para tódalas categorías.
2. O total dos días anuais de vacacións poderá distribuílo a empresa para efectos de desfrute da forma seguinte: quince días ininterrumpidos para desfrutar preferentemente en verán. O resto para desfrutar de acordo entre o traballador e a empresa, atendendo preferentemente ás necesidades do traballo.
3. Independentemente do reflectido nos parágrafos anteriores, a empresa poderá da-las vacacións a todo ou parte do persoal en dúas veces ou quendas, sendo a primeira en verán e a segunda en inverno.
4. Para efectos do devengo de vacacións, considerarase como tempo efectivamente traballado o correspondente á situación de ILT, sexa cal for a causa. Non obstante, dado que o dereito de desfrute de vacacións caduca co transcurso do ano natural, perderase este se ó vencemento deste o traballador continuase de baixa aínda que manterá o dereito a percibi-la diferencia entre a retribución de vacacións e a prestación de incapacidade laboral transitoria.
Artigo 11º.-Permisos e licencias.
A empresa concederalles licencias retribuídas ós traballadores que o soliciten nos seguintes casos:
a) Por matrimonio: 15 días naturais.
b) Por matrimonio de fillos: 2 días naturais.
c) Por falecemento de parentes ata segundo grao de consanguinidade ou afinidade: 2 dias naturais. Cando con tal motivo o traballador necesite facer
un desprazamento para o efecto, o prazo será de 4 días naturais.
d) Por parto da esposa: 2 días nuturais. Se concorre enfermidade grave no parto, aumentarase a 4 días naturais.
e) O traballador terá dereito á asistencia médica o tempo necesario e retribuído, presentando o xustificante correspondente.
Capitulo V
Retribucións
Artigo 12º.-Táboa salarial.
Establécese unha táboa de percepcións económicas para a xornada laboral ordinaria, así como para as horas extraordinarias que será, para cada traballador, a que corresponda á súa categoría profesional sen discriminación ningunha por razón de sexo, e que se contén no anexo I deste convenio.
Artigo 13º.-Plus de asiatencia.
1. Establécese un plus de asistencia para os productores das categorías II a XIII con rendemento normal e que non teñan ningunha falta de asistencia non xustificada ó traballo (importe segundo anexo I).
2. A primeira xorna da non traballada completa suporá a perda de 4 días de plus, a segunda a perda de 10 días de plus e a terceira a perda total. As faltas non xustificadas computaranse dentro de cada mes natural. Para a determinación do plus de asistencia diaria, dividirase en vintecinco a camtidade que figura baixo este concepto en táboa salarial que se contén no anexo I deste convenio.
3. A perda deste plus é independente das sancións que marca a ordenanza laboral e demais disposicións sobre a materia.
Artigo 14º.-Desgaste de ferramentas.
Establécese unha indemnización por desgaste de ferramentas para aqueles traballadores ós que non lles sexan facilitadas; pola empresa, consistente en 34 pesetas por cada día de traballo efectivo para os niveis VII, VIII e IV e de 21 pesetas para os niveis X e XI. A empresa determinará os casos particulares de achega de ferrantentas; polo traballador.
Artigo 15º.-Antigüidade.
A antigüidade queda conxelada na base do ano 1988, no sentido de que quedan conxelados; os prezos dos bienios e quinquenios calculados sobre aquela base. É dicir, o prezo de tódolos bienios devengados e que se devenguen no futuro para categorías niveis do 2 ó 12 é de 2.317 pesetas (cinco por cento de 46.347 pesetas). O prezo de tódolos quinquenios devengados e que se devenguen no futuro é o de 3.244 ptas. (sete por cento de 46.347 pesetas). Non obstante, respectaranse aquelas cantidades que a título persoal veñan percibindo os traballadores por este concepto, sen que caiba compensalas no cómputo xeral do convenio. É dicir, o prezo dos bienios
e dos quinquenios que sexan superiores ós que se sinalan neste convenio e sexan pagados na actualidade polas empresas manteranse, quedando con esta data conxelado na dita contía.
Artigo 16º.-Gratificacións extraordinarias.
1. Os traballadores afectados polo presente convenio terán dereito exclusivamente a dúas pagas extraordinarias o, que se aboarán nos meses de xuño e decembro.
2. A contía das pagas extraordinarias non se devengará entrementres dure calquera das causas de suspensión de contrato previstas no artigo 45 da Lei do Estatuto dos traballadores.
3. Os traballadores que ingresen ou cesen no transcurso de cada semestre natural devengarán a paga en proporción ó tempo de permanencia na empresa durante este, de acordo no que determina o artigo 62 do convenio xeral.
Artigo 17º.-Axudas de custo.
Establécese unha axuda de custo igual para tódalas categorías de dúas mil oitocentas, pesetas (2.800 ptas.) diarias e unha media axuda de custo de mil duascentas pesetas (1.200 ptas.) diarias.
Non obstante, pódense substituí-los ditos importes pola fórmula que, de común acordo, ha de se establecer, de gastos para xustificar.
Artigo 18º.-Indemnización en caso de accidente ou hospitalización.
Tódolos traballadoras da empresa, en caso de accidente laboral ou hospitalización, percibirán, durante o período de hospitalización ou da ILT para accidente con cargo á empresa, a diferencia entre a cantidade fixada pola Seguridade Social e o importe do salario que viña percibindo nunha mensualidade normal, de tal forma que durante o período de ILT perciba o 100 por 100 da mensualidade normal.
Artigo 19º.-Pagamento de salarios.
1. A empresa queda obrigada a aboa-los salarios dentro dos cinco primeiros días hábiles do mes seguinte ó mes vencido en que se devenguen.
2. A empresa destinará ó pagamento a hora inmediatamente seguinte á de finalización da xornada ordinaria. Cando por necesidades organizativas se realice o pagamento dentro da xornada laboral, esta interromperase e prolongarase despois do horario de traballo polo tempo investido no pagamento, sen que en ningún caso tal prolongación poida exceder dunha hora.
3. O tempo investido no pagamento de retribucións e anticipos por conta delas quedará exento do cómputo da xornada laboral, considerándose como de mera permanencia no centro de traballo e polo tanto non retribuído para ningún efecto.
4. 0 traballador deberá facilitarlle á empresa, o mesmo tempo do seu ingreso ou incorporación a ela,
o seu número de identificación fiscal (NIF), de conformidade coa normativa aplicable ó respecto.
Capítulo VI
Compensación e absorción
Artigo 20º.-Composición e absorción.
Tendo en conta a natureza deste convenio, tódalas melloras económicas como de tipo social que poidan aparecer por disposición oficial durante a súa vixencia non terán eficacia práctica e, en consecuencia, serán absorbidas por este, se as condicións deste convenio, consideradas globalmente e en cómputo anual, superan as citadas melloras.
Capítulo VII
Cesamentos e indemnizacións
Artigo 21º.-Cesamentos e indemnizacións.
En relación cos contratos, segundo o carácter adquirido polos traballadores en razón de permanencia e funcións ó servicio da empresa os cesamentos axustaranse ós seguintes requisitos:
a) O persoal fixo de obra cesará cando termine os traballos da súa especialidade na obra en que viñese prestando os seus servicios. A indemnización que se establece para estes traballadores; consistirá no 4,5 por cento, calculado sobre o salario base das táboas do comercio devengados durante a vixencia do contrato.
b) Os traballadores que formalicen outros contratos dos regulados no Real decreto 8/1997, ou normas que os substitúan, terán dereito, unha vez rematado o contrato correspondente por expiración do tempo convido, a unha indemnización por conclusión do 4,5 por 100, se a duración fose inferior, igual ou posterior a 181 días, calculada sobre os conceptos salariais das táboas do convenio aplicable, devengados durante a vixencia do contrato.
Capítulo VIII
Disposicións varias
Artigo 22º.-Prima de casado.
A todo traballador que leve como mínimo un ano de antigüidade na empresa e que contraia matrimonio outorgaráselle unha gratificación ou prima por matrimonio de cinco mil pesetas (5.000 ptas.).
Artigo 23º.-Roupa de traballo.
Ó persoal afectado por este convenio seralle entregada pola empresa unha peza de roupa ou funda e un par de botas normais, axeitadas ó centro de traballo, cada seis meses; será obrigatorio o seu uso cando o traballo o requira. A dita roupa será en todo momento propiedade da empresa e o traballador virá obrigado á súa boa conservación e uso. A empresa poderá facer constar na devandita roupa o seu anagrama ou o da actividade.
Artigo 24º.-Póliza de seguros de indemnizacións.
1. Establécense as seguintes indemnizacións para tódolos traballadores afectados polo presente convenio:
a) En caso de morte derivada da enfermidade común en accidente non laboral, o importe dunha mensualidade de tódolos conceptos das táboas do convenio aplicable vixentes en cada momento.
b) En caso de morte, incapacidade permanente, absoluta ou gran invalidez, derivada de accidente de traballo ou enfermidade profesional, a empresa aboará 4.500.000 ptas., para o que se compromete a unha compañía de seguros con delegación na praza.
2. Nos supostos de morte, as indemnizacións establecidas aboaránselle á viúva ou beneficiarios do traballador, segundo as normas da Seguridade Social.
3. A referida póliza só abranguerá os procesos iniciados a partir da vixencia e validez dela.
4. Esta indemnización é compatible coa pensión ou indemnización que poida causa-lo traballador na Seguridade Social ou mutualidade. Non obstante o anterior, a indemnización pagada con cargo ás pólizas de seguro de accidente terán a consideración de entregas a conta das indemnizacións que no seu día fixen os xulgados e tribunais de xustiza por sentencia definitiva e firme e que sexan por conta da empresa.
Artigo 25º.-Seguridade e hixiene no traballo.
O traballador poderá poñerse de acordo coa empresa para acudir a cursos de seguridade e hixiene que se organicen a través da Comisión Provincial
de Seguridade e Hixiene e que teñan relación directa coa súa actividade.
Disposición adicional I
Comisión mixta paritaria
Para interpreta-lo contido deste convenio, vixia-lo seu cumprimento ou exerce-las funcións de arbitraxe nos problemas e cuestións suscitadas; como consecuencia da aplicación del, noméase unha comisión mixta que está formada da seguinte maneira:
Por parte da empresa, o representante que interveu na confección do presente convenio ou, no seu defecto, outra persoa con representación legal.
Por parte dos traballadores, o presidente do comité de empresa e os dous compoñentes de máis idade do dito comité.
Ámbalas partes poderán solicita-la designación de asesores ou expertos no número que coiden conveniente.
As funcións e actividades da comisión mixta non obstruirán en ningún caso as accións laborais correspondentes.
Disposición adicional II
Cláusula especial
0 persoal que cese incumprindo o requisito de llo comunicar á empresa con oito días de antelación perderá o dereito á parte proporcional das gratificacións extraordinarias de verán e Nadal. A dita notificación deberá facela verbalmente ou por escrito, con obrigatoriedade por parte da empresa, de, expedir xustificante acreditativo da dita petición.
ANEXO I
Táboa de retribucións para o período 1-1-1997 ó 31-12-1997 da empresa Construcciones Alea, S.L.
Niveis Categorías Soldo base mensual Plus de asistencia Total mes Pagas extras Vacacións Horas extras Xullo Nadal
Xefe de 1ª Adm.
Encargado xeral
Xefe de persoal
Xefe administrativo
Topógrafo
Encargado de obra
Oficial 1ª Adm.
Capataces
Topógrafo Práct. 2ª
Oficial 1ª oficio
II Título superior 100.674 23.465 124.139 119.903 119.903 119.903 1.049
III Título medio
100.229 23.025 123.254 119.548 119.548 119.548 1.049
IV Axte. de obra
99.749 22.526 122.275 119.159 119.159 119.159 1.049
V Delineante superior
99.290 22.176 121.466 118.805 118.805 118.805 1.049
VI Delineante primeira
98.809 21.603 120.412 118.427 118.427 118.427 1.049
VII Delineante de 2ª
97.023 19.842 116.865 117.019 117.019 117.019 999
VIII Oficial 2ª oficio
95.684 18.808 114.492 114.879 114.879 114.879 959
Niveis Categorías Soldo base mensual Plus de asistencia Total mes Pagas extras Vacacións Horas extras Xullo Nadal
Aux. administrativo
Almaceneiro
IX Oficial 2ª oficio
94.311 17.436 111.747 113.825 113.825 113.825 931
X Serenos
92.932 15.780 108.712 113.769 113.769 113.769 876
XI Peóns especializados 91.553 14.717 106.270 110.334 110.334 110.334 850
XII Peóns ordinarios 90.122 13.320 103.442 109.212 109.212 109.212 808
XII Traballadores de 17 anos 52.973 13.672 66.645 59.665 59.665 59.665
Media axuda de custo: 1.200 ptas.Axuda de custo: 2.800 ptas.
ANEXO II
Horas de traballo correspondentes ó período 1-1-1997 ó 31-12-1997
Días Xaneiro Febreiro Marzo Abril Maio Xuño Xullo Agosto Setembro Outubro Novembro Decemebro
1 FN S S 8 FN D 8 8 8 8 FN 8
2 8 D D 8 FCC 8 8 S 8 8 D 8
3 8 8 8 8 S 8 8 D 8 8 8 8
4 S 8 8 8 D 8 8 8 8 S 8 8
5 D 8 8 S 8 8 S 8 8 D 8 8
6 FN 8 8 D 8 8 D 8 S 8 8 FN
7 8 8 8 8 8 S 8 8 D 8 8 D
8 8 S S 8 8 D 8 8 8 8 S FN
9 8 D D 8 8 8 8 S 8 8 D 8
10 8 FCC 8 8 S 8 8 D 8 8 FCC 8
11 S FL 8 8 D 8 8 8 8 S FL 8
12 D 8 8 S 8 8 S 8 8 D 8 8
13 8 8 8 D 8 8 D 8 S 8 8 S
14 8 8 8 8 8 S 8 FCC D 8 8 D
15 8 S S 8 8 D 8 FN 8 8 S 8
16 8 D D 8 8 8 8 S 8 8 D 8
17 8 8 8 8 FNG 8 8 D 8 8 8 8
18 S 8 8 8 D 8 8 8 8 S 8 8
19 D 8 8 S 8 8 S 8 8 D 8 8
20 8 8 8 D 8 8 D 8 S 8 8 S
21 8 8 8 8 8 S 8 8 D 8 8 D
22 8 S S 8 8 D 8 8 8 8 S 8
23 8 D D 8 8 8 8 S 8 8 D 8
24 8 8 8 8 S 8 FCC D 8 8 8 FCC
25 S 8 8 8 D 8 FN 8 8 S 8 FN
26 D 8 8 S 8 8 S 8 8 D 8 FCC
27 8 8 FN D 8 8 D 8 S 8 8 S
28 8 8 FN 8 8 S 8 8 D 8 8 D
29 8 - S 8 8 D 8 8 8 8 S 8
30 8 - D 8 8 8 8 S 8 8 D 4
31 8 - 8 - S - 8 D - 8 - FCC
Horas 168 144 152 176 160 168 168 152 176 184 144 140 Días 21 18 19 22 20 21 21 19 22 23 18 17,5
Días do ano365
Domingos-52
Sábados-49
Festas nacionais-12
Festas locais-2
Días de traballo250
Adaptación convenio-8
Vacacións 30 días naturais/21 laborais-21
Días de traballo S/Acordo221
Total horas de traballo2.000
Vacacións-168
Adaptación convenio/acordo-68
Total horas efectivas de traballo1.764
NOTA:
1. As festas locais refírense á localidade de Ourense capital.
2. Para axusta-lo calendario laboral anual no presente ano 1997, fíxanse como días non laborables o 10 de febreiro, 2 de maio, 24 de xullo, 14 de agosto, 10 de novembro, 24, 26 e 31 de decembro. A xornada do 30 de decembro verase reducida en 4 horas.
