Sendo definitivo e aceptado pola Deputación Provincial da Coruña o acordo de delegación de competencias recadatorias en materia de vehículos de tracción mecánica, faise público o referido acordo en cumprimento do artigo 7 da Lei 39/1988:
Punto cuarto.-Delegación de competencias recadatorias en materia de vehículos de tracción mecánica na Deputación Provincial da Coruña.
Primeiro.-Delegar na Deputación Provincial da Coruña a xestión e recadación do imposto sobre vehículos de tracción mecánica, de conformidade co previsto no artigo 106.3º da Lei 7/1985, do 2 de abril, reguladora das bases do réxime local e co establecido no artigo 7 da Lei 39/1988, do 28 de decembro, reguladora das facendas locais.
Segundo.-Solicitar da Deputación Provincial da Coruña a ampliación do vixente convenio asinado o día 14-12-1992 incluíndo nel, xunto coas delegacións que afectan a outros impostos, a xestión e recadación do imposto sobre vehículos de tracción mecánica.
Terceiro.-Ratifica-lo devandito convenio vixente de delegación de competencias en materia de xestión tributaria e recadatoria en tódalas súas cláusulas.
Cuarto.-Acepta-lo marco de prestación delegado dos servicios de xestión tributaria, incluída a recadatoria, creado pola deputación provincial polos seus acordos plenarios en materia e aceptar en consecuencia o contido de tódolos instrumentos xurídicos que rexerán a dita prestación.
Quinto.-Tramitar este acordo de conformidade cos artigos 15 ó 19 da Lei 39/1988, reguladora das facendas locais.
Sexto.-Faculta-lo alcalde presidente para o asinamento do convenio e cantos documentos sexan precisos para a execución dos actos que se requiran para levar a cabo este acordo.
Punto quinto.-Delegación de competencias recadatorias en materia de taxas e prezos públicos na Deputación Provincial da Coruña.
Primeiro.-Delegar na Deputación Provincial da Coruña a xestión e recadación da taxa pola recollida de lixo e do prezo público de entrada ós garaxes, de conformidade co previsto no artigo 106.3º da Lei 7/1985, do 2 de abril, reguladora das bases do réxime local e co establecido no artigo 7 da Lei 39/1988, do 28 de decembro, reguladora das facendas locais.
Segundo.-Solicitar da Deputación Provincial da Coruña a ampliación do vixente convenio asinado o día 14-12-1992 incluíndo nel, xunto coas delegacións que afectan a outros impostos, a xestión e recadación da taxa pola recollida de lixo e do prezo público de entrada ós garaxes.
Terceiro.-Ratifica-lo devandito convenio vixente de delegación de competencias en materia de xestión tributaria e recadatoria en tódalas súas cláusulas.
Cuarto.-Acepta-lo marco de prestación delegada dos servicios de xestión tributaria, incluída a recadatoria, creada pola deputación provincial polos seus acordos plenarios na materia e aceptar en consecuencia o contido de tódolos instrumentos xurídicos que rexerán a dita prestación.
Quinto.-Tramitar este acordo de conformidade cos artigos 15 ó 19 da Lei 39/1988, reguladora das facendas locais.
Sexto.-Faculta-lo alcalde presidente para o asinamento do convenio e cantos documentos sexan precisos para a execución dos actos que se requiran para levar a cabo este acordo.
Negreira, 1 de setembro de 1997.
O alcalde
Rubricado
9015
