Visto o expediente do convenio colectivo para a empresa Estacionamientos y Servicios, S.A., que tivo entrada nesta delegación provincial o día 12-9-1997, subscrito en representación da parte económica por unha representación da empresa, e da parte social, polos delegados de persoal, con data 6-6-1997. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 22 de setembro de 1997.
Antonio Coello Bufill
Delegado provincial de Pontevedra
Convenio colectivo entre a empresa Estacionamientos y Servicios, S.A., adxudicataria do concurso para a prestación do servicio de retirada, depósito e custodia de vehículos, contedores, indebida ou defectuosamente estacionados, parados ou depositados na vía pública do concello de Vigo e os traballadores que figuran adscritos ó servicio.
Capítulo I
Disposicións xerais
Artigo 1º.-Ámbito de aplicación, personal, funcional e territorial.
O presente convenio será de aplicación para todo o persoal que preste os seus servicios no centro de traballo establecido na cidade de Vigo, e estea contratado por Estacionamientos y Servicios, S.A., adxudicataria do concurso para a prestación do servicio de retirada, depósito e custodia de vehículos, contedores indebida ou defectuosamente estacionados, parados ou depositados na vía pública do concello de Vigo.
Artigo 2º.-Vixencia.
O convenio colectivo entrará en vigor para tódolos efectos o día seguinte ó da súa publicación no BOP, agás os económicos que se retrotraerán ó 1 de xaneiro de 1997.
Artigo 3º.-Duración.
A duración deste convenio será de dous anos, do 1 de xaneiro de 1997 ó 31 de decembro de 1998.
O dito convenio entenderase automaticamente denunciado de ano en ano, sen necesidade de aviso por ningunha das partes.
Artigo 4º.-Vinculación á totalidade.
As condicións pactadas forman un todo orgánico e indivisible e, para efectos da súa aplicación práctica, serán consideradas globalmente en cómputo anual.
No suposto de que a autoridade laboral non aprobase algún dos pactos contidos no presente convenio, este quedará sen eficacia práctica, e deberá ser reconsiderado na súa totalidade.
Artigo 5º.-Absorción e compensación.
As retribucións establecidas neste convenio compensarán e absorberán tódalas existentes no momento da súa entrada en vigor, calquera que sexa a natureza ou a orixe delas.
Os aumentos de retribucións que poidan producirse no futuro por disposicións legais de xeral aplicación, só poderán afecta-las condicións pactadas no presente convenio cando, consideradas as novas retribucións en cómputo anual, sexan superiores ás aquí pactadas. En caso contrario, serán absorbidas ou compensadas por estas últimas, e subsistirá o presente convenio nos seus propios termos e sen modificación ningunha nos seus conceptos, módulos e retribucións.
Artigo 6º.-Garantía ad personam. Dereitos adquiridos.
Respectaranse as condicións superiores pactadas a título persoal que estean establecidas ó entrar en vigor o presente convenio e que, con carácter global, excedan deste en cómputo anual.
Artigo 7º.-Comisión mixta paritaria.
Constitúese unha comisión mixta paritaria no presente convenio, composta por un representante da empresa e outro dos traballadores, podendo ámbalas partes contar cos asesores que consideren necesarios.
As partes conveñen en darlle coñecemento á comisión paritaria de cantas dúbidas, discrepancias e conflictos puidesen orixinarse como consecuencia da interpretación e aplicación do presente convenio, co obxecto de que esta emita informe antes de presentar reclamación ante os organismos correspondentes.
Os acordos da comisión formaranse por maioría.
Artigo 8º.-Lexislación supletoria.
Para todo o non previsto neste convenio, será de aplicación a lexislación laboral vixente e, en especial, o R.D. lexislativo 1/1995, do 24 de marzo, texto refundido do Estatuto dos traballadores.
Capítulo II
Condicións de traballo
Artigo 9º.-Xornada.
A xornada de traballo queda establecida en corenta horas semanais de traballo efectivo, que se distribuirán
de luns a domingo. A xornada en cómputo anual será de 1.826 horas.
A xornada de traballo efectiva deberá ser realizada por cada traballador de acordo coas fórmulas de reparto horario existentes no centro de traballo, dentro dos límites establecidos na lei, en réxime de quendas e con carácter rotativo.
Enténdese como traballo efectivo a presencia do traballador no seu posto de traballo e dedicado a este.
A xornada de traballo estará supeditada en cada momento ás necesidades do servicio e ós cambios que nel poidan producirse, en función do contrato entre a empresa e o Concello de Vigo.
Os traballadores terán dereito a 15 minutos de bocadillo, que se considerarán como tempo efectivo de traballo; o dito período farase coincidir co da policía.
Os excesos de xornada por acumulación de horario semanal desfrutaranse como máximo dentro do mes seguinte a aquel en que se producisen.
Artigo 10º.-Vacacións.
Todo persoal afectado polo presente convenio desfrutará de 30 días naturais de vacacións retribuídas ou a parte proporcional que lle corresponda, en función do tempo de permanencia na empresa.
O período de desfrute das vacacións será do 1 de maio ó 31 de outubro, de forma rotativa.
Artigo 11º.-Licencias e permisos.
O traballador, logo de aviso e xustificación, poderá ausentarse do traballo con dereito a remuneración de todos aqueles conceptos retributivos que non se atopen vinculados de forma expresa á prestación efectiva da actividade laboral, por algún dos motivos e polo tempo seguinte:
a) Quince días naturais en caso de matrimonio.
b) Dous días nos casos de nacemento de fillo/a, enfermidade grave ou falecemento de parentes ata segundo grao de consanguinidade ou afinidade; cando, para tal motivo, o traballador necesite facer un desprazamento para o efecto fóra da provincia, o tempo será de catro días.
c) As traballadoras, por lactación dun fillo menor de nove meses, terán dereito a unha hora de descanso no seu traballo diario, que poderán dividir en dúas fraccións. As traballadoras poderán substituír este dereito por unha reducción da xornada normal en media hora, coa mesma finalidade.
d) Un día por traslado do domicilio habitual.
e) Polo tempo indispensable para o cumprimento dun deber de carácter público e persoal.
f) Un día por matrimonio de fillo/a, irmán/á.
Capítulo III
Condicións económicas
Artigo 12º.-Salario base.
O salario base do persoal afectado por este convenio é o que para cada categoría se establece na táboa salarial anexa.
O salario base devengarase por día natural.
Artigo 13º.-Antigüidade.
O complemento de antigüidade consistirá en tres bienios do 5% e posteriores quinquenios do 10% do salario base de cada categoría.
A data inicial do cómputo de antigüidade será a do ingreso do traballador na empresa.
Os aumentos por anos de servicio comezarán a devengarse a partir do día primeiro do mes seguinte en que se cumpra o bienio ou quinquenio.
Artigo 14º.-Plus de asistencia.
Establécese un plus de asistencia para o persoal afectado polo presente convenio, na contía sinalada na táboa salarial anexa, que se aboará por día efectivamente traballado.
Artigo 15º.-Plus de nocturnidade.
Establécese un plus de nocturnidade para todo o persoal que realice a súa xornada entre as 22 h e as 6 h do día seguinte, consistente nun 25% do salario base, que se aboará por día efectivamente traballado.
Artigo 16º.-Plus extrasalarial.
Para supli-los gastos ocasionados polo transporte, establécese un plus extrasalarial pola contía establecida na táboa salarial anexa, que se aboará por día efectivamente traballado.
Artigo 17º.-Gratificacións extraordinarias.
Aboaránselle a todo o persoal afectado polo presente convenio dúas pagas extraordinarias denominadas verán e Nadal.
A contía de cada unha delas será de 30 días de salario base máis antigüidade.
* O período de devengo será o seguinte:
Verán: do 1 de xaneiro ó 30 de xuño.
Nadal: do 1 de xullo ó 31 de decembro.
* A data de aboamento será a seguinte:
Verán: o día 15 de xullo.
Nadal: o día 22 de decembro.
Artigo 18º.-Horas extraordinarias.
As partes que asinan o presente convenio acordan a conveniencia de reducir ó mínimo indispensable a realización de horas extraordinarias.
As horas que teñan a consideración de extraordinarias terán un incremento do 75% sobre o valor da hora ordinaria.
A empresa, sempre e cando non se perturbe o normal proceso productivo, poderá compensa-la retribución das horas extraordinarias por tempos equivalentes de descanso.
Capítulo IV
Melloras sociais
Artigo 19º.-Complementos por I.T.
1. Accidente.
A empresa complementará as prestacións que perciba o traballador nos casos de baixa por accidente
laboral, ata o 100% da base de cotización, a partir do primeiro día da baixa.
2. Enfermidade.
A empresa complementará as prestacións que perciba o traballador, nos casos de baixa por enfermidade común que requira hospitalización e mentres dure esta, ata o 100% da base de cotización.
Artigo 20º.-Póliza de accidentes de traballo.
A empresa comprométese a subscribir unha póliza de seguro por accidente de traballo que lles garanta ó traballador ou ós seus habentes-causa as seguintes indemnizacións:
-Falecemento por accidente laboral: 2.000.000 de ptas.
-Invalidez absoluta, gran invalidez ou morte derivada de enfermidade profesional: 2.300.000 ptas.
A dita póliza entrará en vigor ós quince días da sinatura deste convenio.
Artigo 21º.-Contratos.
Co fin de garanti-la estabilidade no emprego, ós traballadores contratados mediante contrato de lanzamento de nova actividade, ó remata-la derradeira prórroga do dito contrato e unha vez extinguido este, formalizaráselles un novo contrato na modalidade de obra ou servicio determinado.
Non se observará o disposto no parágrafo anterior sempre que concorra algunha das seguintes eventualidades:
-Substitución de traballador en situación de IT.
-Excedencias.
-Substitución por vacacións.
-Algún servicio determinado.
Artigo 22º.-Cambio de titularidade da empresa e subrogación dos servicios.
Co fin de regula-la estabilidade no emprego dos traballadores desta actividade, cando a actual empresa perda a adxudicación dos servicios contratados, a nova sociedade adxudicataria ou entidade que se faga cargo estará obrigada a subrogarse nos contratos dos traballadores adscritos a estes servicios, calquera que sexa a modalidade de contratación deles.
A nova sociedade ou entidade que se faga cargo estará obrigada a respectar tódolos dereitos económicos e laborais dos traballadores, recoñecendo expresamente os representantes legais deles e estará obrigada a cumpri-lo convenio colectivo en vigor.
Artigo 23º.-Retirada do permiso de conducir.
1. No suposto de que a un traballador con categoría de conductor de guindastre, realizando o seu cometido con vehículo da empresa e cumprindo a función encomendada, lle fose retirado provisionalmente o permiso de conducir, a empresa acoplarao a outro posto de traballo e respectarlle a retribución de conductor de
guindastre por un período máximo de seis meses; ó final da suspensión será reintegrado á súa antiga categoría e posto de traballo.
2. Estes beneficios non terán lugar cando a causa da retirada do permiso de conducir sexa debida a imprudencia temeraria, embriaguez ou drogadicción.
Artigo 24º.-Conflictos cos usuarios.
En caso de conflictos que adquiran estado xudicial de empregados da empresa con usuarios do servicio, con motivo deste, aquela proporcionaralles avogado e procurador e custeará os gastos que estes orixinen, para que defendan o traballador ou traballadores implicados.
Artigo 25º.-Roupa de traballo.
Os traballadores percibirán, como dotación de roupa de traballo, as seguintes pezas de roupa coa periodicidade que se detalla:
Anualmente:
Verán: dúas camisas, un par de zapatos, unha funda de traballo, un xersei fino.
Inverno: dúas camisas, un xersei groso, un par de zapatos, unha funda de traballo.
Bianualmente:
Un traxe de auga.
Os conductores recibirán anualmente unha funda de traballo.
Disposicións adicionais
Primeira.-Incremento salarial.
Para o ano 1997 o incremento salarial será do 4% sobre as táboas vixentes o 31 de decembro de 1996. (Anexo I).
Segunda.-Incremento salarial ano 1998.
Para o ano 1998 o incremento salarial será o IPC real dese ano máis un punto.
ANEXO I
Táboa salarial do persoal adscrito ós ervicio de retirada, depósito e custodia de vehículos, contedores, indebidamente ou defectuosamente estacionados, parados ou depositados na vía pública do concello de Vigo
Vixencia desde o 1 de enero de 1997
ó 31 de decembro de 1997
Categoría 365 días 274 días 274 días Veran./Nadal Bruto anual
Salario base
P. asistencia
P. transporte
Pagas extras
Dep.
Encargado 4.040 78 293 121.200 1.818.654
Conductor 2.863 78 293 85.890 1.318.429
Controlador
2.817 78 293 84.510 1.298.879
Aux. administrativo (mensual) 84.521 2.340 7.298 84.521 1.298.950
97-9116
