O Consello da Xerencia Municipal de Urbanismo, en sesión celebrada o día 17 de outubro de 1997, acordou aprobar inicialmente a modificación puntual do plan especial do catálogo complementario de edificios, conxuntos e elementos que hai que conservar no cuarteirón número 51, conforme a documentación elaborada polo arquitecto municipal adscrito á Xerencia Municipal de Urbanismo, Alberto Abia Alonso, en outubro de 1997, e o estudio de detalle redactado polos arquitectos Colomés, con documentación visada polo COAG o día 14 de xullo de 1997.
Sométese a información pública polo prazo dun mes, mediante inserción de anuncios no Diario Oficial de Galicia, nun xornal dos de maior circulación da provincia e no taboleiro da Casa do Concello.
Significando que o prazo de exposición ó público se entenderá aberto desde a primeira publicación ata o remate do mes, contados desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público, planta baixa da Casa do Concello.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignora-lo seu enderezo, non poidan ser notificados persoalmente.
Vigo, 29 de outubro de 1997.
Manuel Pérez Álvarez
Alcalde
8615