O Consello da Xerencia Municipal de Urbanismo, en sesión celebrada o día 17 de outubro de 1997, acordou aprobar inicialmente o estudio de detalle na U.A.8 Grades do núcleo 12.04 Igrexa do PXOU, formulado por Fernando Iglesias, José Conde, Agustín Beiro e outros, conforme a documentación elaborada polo arquitecto Javier Martínez Díez, visada polo COAG os días 24 de xullo e 16 de setembro de 1997.

Sométese a información pública polo prazo dun mes, mediante inserción de anuncios no DOG, nun xornal dos de maior circulación da provincia e no taboleiro da Casa do Concello.

Significando que o prazo de exposición ó público se entenderá aberto desde a primeira publicación ata o remate do mes contados desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa da Casa do Concello.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.

Vigo, 31 de outubro de 1997.

Manuel Pérez Álvarez

Alcalde

8560