Polo presente anuncio notifícaselles ós interesados que a continuación se relacionan aquelas notificacións que resultaron infructuosas nos domicilios

expresados, correspondentes a resolucións de perda da subsidiación ó tipo de xuro por incumprimento de condicións e reclamación do percibido indebidamente, recaídas ó abeiro do Decreto 400/1992, do 30 de decembro, e o convenio de apoio financeiro ás pequenas e medianas empresas publicado no DOG nº 84, do 3 de maio de 1994.

Expediente nº 3/94.9999.0000.N.2550144/2.

Titular: Orensana de Maderas, S.A., polígono industrial A Uceira, parcela C1, 32500 O Carballiño (Ourense).

Resolución do director xeral do Igape, do 20 de outubro de 1997.

Importe que hai que reintegrar: 163.315 ptas.

Domicilio de pagamento: conta do Tesouro da Comunidade Autónoma de Galicia, en Caixa Galicia, nº 2091 0300 47 311006317/2.

Contra a dita resolución os interesados poderán interpoñer recurso ordinario ante o conselleiro de Economía e Facenda no prazo dun mes desde a publicación do presente anuncio.

As resolucións obxecto da presente notificación non se publican na súa integridade en virtude da cautela prevista no artigo 61 da lei 30/1992, do 30 de novembro, de réxime xurídico das administracións públicas e do procedemento administrativo común. infórmase que o expediente completo se atopa na Unidade de Liquidacións da Área de Incentivos do Instituto Galego de Promoción Económica (rúa Frei Rosendo Salvado, 16, Santiago de Compostela).

O que se fai público para efectos do disposto nos artigos 59.4º e 61 da Lei 30/1992, de réxime xurídico das administracións públicas e do procedemento administrativo común.

Santiago de Compostela, 8 de novembro de 1997.

Diego Diz Fernández

Director xeral do Instituto Galego de Promoción Económica

97-9071