A Fundación Galicia-Europa convoca catro bolsas para financia-la estadía en Bruxelas de licenciados universitarios que sexan aceptados por algunha das institucións comunitarias ó longo de 1998 para a realización dunha estadía non remunerada.
Requisitos:
1. Carta da correspondente institución na que se acepta a solicitude do candidato para a realización dunha estadía non remunerada.
2. Ter expediente académico con media de notable.
3. Coñecemento dunha lingua comunitaria ademais do castelán e do galego.
4. Ter nacido despois do 31-12-1967.
5. Ter residencia en Galicia.
6. Te-la nacionalidade dun dos estados membros da Unión Europea.
7. Terán preferencia aqueles candidatos que realizasen estudios postuniversitarios en relación con temas comunitarios.
Duración da bolsa:
Ata cinco meses por estadía.
Contía da bolsa:
A contía da bolsa será de 35.000 FB/mes para aloxamento e manutención. Os gastos de transporte e seguros serán por conta dos candidatos seleccionados.
Data de presentación da solicitude da bolsa:
A convocatoria estará aberta durante todo o ano 1998. Unha vez teñan sido adxudicadas tódalas bolsas convocadas, a fundación fará público o esgotamento do orzamento comprometido para este programa, pechando daquela a admisión de novas solicitudes durante o exercicio.
Selección:
A Fundación Galicia-Europa realizará a selección dos candidatos en función dos méritos acreditados por estes.
Información e presentación de solicitudes:
Xunto coa solicitude de bolsa, segundo o modelo do anexo I , deberá presentarse expediente académico, currículum vitae e demais documentación acreditativa do cumprimento dos requisitos esixidos.
As solicitudes deberán presentarse na Fundación
Galicia-Europa, Rúa dos Feáns, 5, baixo, 15706 Santiago de Compostela. Telf.: (981) 54 10 12; fax: (981) 54 10 13. Horario de 9 a 14 horas.
Santiago de Compostela, 3 de novembro de 1997.
Dositeo Rodríguez Rodríguez
Secretario Xeral da Fundación Galicia-Europa
8579