A Sociedade de Imaxe e Promoción Turística de Galicia, S.A. anuncia a convocatoria para a contratación laboral fixa das seguintes prazas no Centro Superior de Hostelería de Galicia:
A. Posto: técnico de mantemento (REF. MANT-1797).
1) Funcións principais: encargarase do mantemento das instalacións e do equipamento do centro.
2) Prazas: 1 (xornada completa).
3) Requisitos:
-FP I, especialidade electricidade, electrónica ou instalacións frigoríficas.
-Experiencia profesional de 36 meses en postos de responsabilidade no mantemento de instalacións (preferiblemente relacionadas coa hostelería).
4) Valorarase:
-Currículo.
-Coñecementos profesionais.
-Ofimática.
-Capacidade de integración en equipos de traballo.
5) Probas que se realizarán:
-Exame de coñecementos da área (eliminatorio).
-Probas prácticas de ofimática (Microsoft Office).
-Entrevista persoal.
-Cuestionario de personalidade.
B. Posto: profesor de cociña (REF. COC-1897).
1) Funcións principais: asumirá a materia de prácticas de cociña na partida que lle corresponda, coordinando o funcionamento desta coa xestión dos restaurantes do centro.
2) Prazas: 1 (xornada completa).
3) Requisitos:
-Titulación oficial ou específica na área.
-Experiencia profesional coma xefe de partida, cociñeiro ou posto superior de polo menos 18 meses.
4) Valorarase:
-Currículo.
-Coñecementos de cociña.
-Aptitude docente.
-Ofimática.
-Inglés e/ou francés.
-Capacidade de integración en equipos de traballo.
5) Probas que se realizarán:
-Exame de coñecementos da área (eliminatorio).
-Impartición de clase.
-Planificación docente.
-Probas prácticas de Word para Windows.
-Proba escrita de inglés e/ou francés.
-Entrevista persoal.
-Cuestionario de personalidade.
C. Documentación que se presentará:
-Solicitude, indicando a referencia do posto ó que se opta, dirixida ó director do CSHG (A Barcia, estrada Santiago de Compostela-Noia, km 3, apartado 578, 15896 Santiago de Compostela).
-Currículum vitae.
-Acreditación orixinal dos méritos reflectidos no C.V. Os títulos obtidos no estranxeiro deberán estar validados en España.
D. Prazo de presentación de solicitudes:
-O prazo de presentación de solicitudes será de 10 días naturais contados a partir do seguinte ó da publicación deste anuncio.
E. Selección:
-Expirado o prazo de presentación de solicitudes, o comité de selección designado para cada unha das prazas publicará as listas previas de admitidos e excluídos de cada proceso.
Santiago de Compostela, 31 de outubro de 1997.
Rubén V. Lois Calviño
Conselleiro-delegado de Turgalicia, S.A.
Secretario Xeral da Consellería da Presidencia
e Administración Pública