Examinado o expediente incoado pola titularidade do centro privado Galicia, de Ourense, en solicitude de cesamento de actividades, no nivel de educación infantil, no dito centro,
Resultando que o antedito centro privado obtivo, por Orde do 2 de abril de 1974, a autorización definitiva para unha unidade de educación infantil,
Resultando que o expediente foi tramitado regulamentariamente pola Delegación Provincial de Educación e Ordenación Universitaria de Ourense,
Resultando que a devandita delegación provincial elevou proposta favorable sobre a referida petición, acompañando o preceptivo informe, así mesmo favorable, da Inspección de Educación,
Visto o Decreto 133/1995, do 10 de maio, que regula as autorizacións de cesamento de actividades
(DOG do 22), e a Orde do 20 de setembro de 1995 (DOG 15 de decembro), polo que se desenvolve o antedito decreto,
Esta consellería,
DISPÓN:
Autorizar, de acordo cos informes emitidos, o cesamento de actividades, no nivel de educación infantil, do centro privado que se relaciona no anexo da presente orde, quedando nulas e sen ningún efecto as disposicións que autorizan o funcionamento legal do devandito centro, no nivel de educación infantil.
Santiago de Compostela, 30 de setembro de 1997.
Celso Currás Fernández
Conselleiro de Educación e Ordenación Universitaria
ANEXO
Provincia: Ourense.
Código do centro: 32008422.
Concello: Ourense.
Localidade: Ourense.
Enderezo: rúa Prado Lameiro, 18.
Denominación: Galicia.
Titular: Colegio Galicia S.L.
Autorización do cesamento de actividades do centro no nivel de educación infantil.
8032