O Consello da Xerencia Municipal de Urbanismo, en sesión celebrada o día 3 de outubro de 1997, acordou aprobar definitivamente o proxecto de urbanización do plan parcial de Navia, conforme a documentación presentada por Xestur Pontevedra, redactada polo enxeñeiro de camiños, canles e portos, Benito Fernández González, ó que se incorporou, previamente á súa exposición pública, o anexo de correccións das determinacións esixidas no acordo da súa aprobación inicial, establecendo que a pavimentación das beirarrúas será con baldosas de terrazo do tipo utilizado polo Concello e que, durante a realización das obras, Xestur Pontevedra presentará un estudio de regulación do tráfico do enlace das rúas 1a e 4c coa Avda. de Europa, por rede semafórica, sendo por conta da entidade beneficiaria da expropiación o incremento orzamentario que xere a adopción das ditas determinacións.
Vigo, 9 de outubro de 1997.
Manuel Pérez Álvarez
Alcalde-presidente da Xerencia Municipal
de Urbanismo
8057