A Consellería de Industria e Comercio dictou a Orde do 31 de xaneiro de 1997 pola que se regula a concesión de subvencións a empresas, agrupacións de empresas e entidades sen ánimo de lucro, que realicen investimentos en innovación tecnolóxica, investigación e desenvolvemento e calidade, dentro da Comunidade Autónoma galega, para 1997 (DOG nº 41, do 28 de febreiro de 1997).
Na citada disposición establécese como requisito indispensable para o libramento da axuda, a presentación da documentación acreditativa do investimento realizado antes do día 31 de outubro de 1997.
Tendo en conta que o elevado número de solicitudes presentadas motiva un dilatado proceso de avaliación dos proxectos e resolución dos respectivos expedientes, considérase necesario amplia-lo prazo de xustificación dos investimentos levados a cabo polos solicitantes.
En consecuencia, en uso das atribucións que me foron conferidas,
DISPOÑO:
Artigo único.-Amplia-lo prazo para a execución e xustificación dos investimentos ou actuacións subvencionables ó abeiro da orde da Consellería de Industria e Comercio do 31 de xaneiro de 1997, ata o 30 de novembro de 1997.
Santiago de Compostela, 27 de outubro de 1997.
Antonio Couceiro Méndez
Conselleiro de Industria e Comercio
6716