O Pleno da Corporación, en sesión do 25-9-1997, adoptou o seguinte acordo:

Primeiro.-Prestarlle aprobación definitiva ó documento refundido do proxecto de modificación puntual do PXOU para a recualificación da parcela I3-C da urbanización de Monte Porreiro para a súa división nas parcelas I3C1 e I3C2 con destino á construcción dunha igrexa católica e centro parroquial e residencial, sendo formulado este documento de modificación do planeamento de ordenación integral do municipio por esta Administración municipal e redactado polo arquitecto xefe do Servicio Municipal de Xestión e Disciplina Urbanística, ó recollerse as alegacións formuladas na exposición pública do proxecto polo párroco da igrexa do Bo Pastor e adecuarse a parcela I3C1 á realidade física imposta pola urbanización do parque ou xardíns da urbanización de Monte Porreiro, circunstancias estas que, como se reflectiu e motivou nos antecedentes e fundamentos de dereito citados, carecen do carácter ou natureza de substanciais.

Segundo.-Publicar este acordo no Diario Oficial de Galicia, con comunicación ás entidades interesadas e traslado á Consellería de Política Territorial, Obras Públicas e Vivenda dunha copia adverada do expediente administrativo completo e dous exemplares do instrumento aprobado definitivamente, debidamente dilixenciados, dispoñéndose a publicación das normas e ordenanzas da modificación

no BOP para logra-la súa eficacia e executividade, de acordo co establecido na Lei 39/1994, do 30 de decembro, pola que se modifica o artigo 70.2º da Lei 7/1985, do 2 de abril, reguladora das bases de réxime local.

O que se fai público para a súa executividade, subliñándose que contra este acordo, que esgota a vía administrativa, se poderá interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses computados a partir do día seguinte ó desta publicación, logo de comunicación ó órgano que dictou o acto impugnado, e isto sen prexuízo de que se poida exercitar, se é o caso, calquera outro recurso que se considere procedente.

Pontevedra, 1 de outubro de 1997.

Juan Luis Pedrosa Fernández

Alcalde

Julio Dapena Outomuro

Secretario xeral

8051