Con datas do 5-9-1997 e 8-9-1997, o presidente do Xurado Provincial de Clasificación de Montes Veciñais en Man Común de Pontevedra recibe da Sala do Contencioso-Administrativo, sección segunda, do Tribunal Superior de Xustiza de Galicia, providencias polas que se admiten os recursos contencioso-administrativos 02/0005905/1997 e 02/0005964/1997, interposto polo Concello de Vigo e Antonio Estévez Alonso contra acordos do Xurado Provincial de Montes Veciñais en Man Común de Pontevedra do 4-6-1997 sobre clasificación como veciñais en man común dos montes da Madroa e A Guía da parroquia de Teis, concello de Vigo.

En consecuencia, esta presidencia acordou, de conformidade co disposto no artigo 64 da Lei do 27 de decembro de 1956, reguladora da xurisdicción contencioso-administrativa, modificada pola Lei 10/1992, do 30 de abril, a remisión do correspondente expediente administrativo á referida sala. O que se notifica para xeral coñecemento de tódalas persoas interesadas no procedemento, que quedan emprazadas para que poidan presentarse e comparecer en forma nos autos na Sala do Contencioso-Administrativo do Tribunal Superior de Xustiza de Galicia no prazo de nove días.

Pontevedra, 10 de setembro de 1997.

José Luis Díez Yáñez

Presidente do Xurado Provincial de Clasificación de Montes Veciñais en Man Común de Pontevedra

97-7668