No BOP da Coruña, nº 175, do 1 de agosto de 1997, publicáronse as bases da convocatoria para a provisión de varias prazas, correspondentes á oferta de emprego público para 1996, que son as seguintes:

-Bases que rexerán a selección para cubrir en propiedade unha praza de orientador profesional.

-Bases que rexerán a selección para cubrir en propiedade unha praza de conserxe do CMF Isaac Díaz Pardo.

-Bases que rexerán a selección para cubrir en propiedade unha praza de auxiliar administrativo.

-Bases que rexerán a selección para cubrir en propiedade dúas prazas de auxiliar de biblioteca.

O prazo de presentación de instancias será de vinte días naturais, contados a partir do seguinte ó da publicación deste anuncio da convocatoria no Boletín Oficial del Estado, significándose que os sucesivos anuncios relativos á convocatoria se publicarán no BOP da Coruña e no taboleiro de anuncios deste concello.

Oleiros, 25 de setembro de 1997.

Esther Pita Pita

Alcaldesa-presidenta

7629