Rectificación bases convocatoria praza arquitecto técnico.

No Diario Oficial de Galicia número 225, do 18 de novembro do ano 1996, sae publicado un anuncio deste Concello de Cee, relativo a bases para provisión en propiedade mediante o sistema de oposición libre dunha praza de arquitecto técnico encadrada na escala de Administración especial, grupo B desde Concello de Cee.

Na base 2º.-Requisitos dos aspirantes, dicía:

«a) Ser español.

b) Ter 18 anos cumpridos e non exceder de 55 na data que remate o prazo de presentación de instancias.

c) Estar en posesión do título de arquitecto técnico, enxeñeiro técnico de obras públicas, arquitecto, enxeñeiro de camiños, canales e portos ou aparellador, ou en condicións de obtelos na data na que remate o prazo de presentación de instancias.

d) Non padecer enfermidade ou defecto físico que impida o desenvolvemento das funcións do cargo.

e) Non ter sido separado mediante expediente disciplinario do servicio do Estado, comunidades autónomas, entidades locais, nin atoparse inhabilitado para o exercicio das funcións públicas.

f) Non estar incurso en ningunha das causas de incapacidade ou incompatibilidade que determina a lexislación vixente».

Como consecuencia do recurso contencioso-administrativo interposto polo Colexio Oficial de Aparelladores e Arquitectos Técnicos, contra a citada base no seu parágrafo c), e á vista da conformidade do concello con este, o Pleno Corporativo deste concello, na sesión ordinaria realizada o día 28 de decembro do ano 1996, acordou a rectificación do parágrafo citado, quedando o punto 2º.-Requisitos dos aspirantes, parágrafo c), da seguinte forma:

c) Estar en posesión do título de arquitecto-técnico ou aparellador, ou en condicións de obtelos na data na que remate o prazo de presentación de instancias.

O resto das bases non sofre ningunha modificación.

O que se fai público para xeral coñecemento.

Cee, 1 de xullo de 1997.

O alcalde-presidente

Rubricado

7614