De conformidade co establecido no artigo 59.4 da Lei de réxime xurídico das administracións públicas e do procedemento administrativo común, polo presente edicto ponse en coñecemento da empresa Saprocarne, S.L. titular do expediente 3/93.0097.8993.N.0441080590 relativo a subvención do tipo de xuro dun préstamo concedido por entidade financeira prestamista que, con data do 4 de xullo de 1997, a Dirección Xeral do Igape acordou resolver:
«1. Declarar incumpridas as condicións na concesión de subsidiación ó tipo de xuro á empresa Saprocarne, S.L. ó abeiro de convenio de apoio financeiro ás pequenas e medianas empresas subscrito entre o Instituto Galego de Promoción Económica (Igape) e as entidades financeiras para 1993, posto que a beneficiaria non xustificou o cumprimento dos compromisos contraídos ó acepta-la resolución de concesión de subsidiación, e en virtude deixar sen efecto a resolución de concesión da subsidiación ó tipo de xuro.
2. De conformidade co disposto no artigo 78.5 da Lei 11/1992, de réxime financeiro e presupostario de Galicia e no convenio de apoio financeiro ás pequenas e medianas empresas para 1993 (cláusula 12), a empresa Saprocarne, S.L. deberá reintegrarlle ó Tesouro da Comunidade Autónoma de Galicia, mediante o seu ingreso na conta de Caixa Galicia nº 2091.0300.47.311006317/2, o seguinte importe:
0 ptas., correspondentes ó importe da subvención percibida indebidamente.
0 ptas., en concepto de xuros devengados polas cantidades indebidamente percibidas desde o momento do seu aboamento.
Total que hai que reintegrar: 0 ptas.
Contra esta resolución, que non pon fin á vía administrativa, poderase interpoñer recurso administrativo ordinario perante o conselleiro de Economía e Facenda no prazo dun mes (Arts. 107 e 114 da Lei 30/1992, de réxime xurídico das administracións públicas e do procedemento administrativo común); transcorridos tres meses desde a súa interposición sen que recaia resolución, poderá entenderse desestimado, quedando aberta a vía xurisdiccional perante o Tribunal Superior de Xustiza de Galicia.
Santiago de Compostela, 26 de agosto de 1997.
Diego Diz Fernández
Director xeral do Instituto Galego de Promoción Económica
7874
