Dentro dos programas de actividades que a Academia Galega de Seguridade ten previsto realizar no ano 1997 de forma descentralizada, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración dun curso sobre tráfico e seguridade vial, que deberá desenvolverse conforme as seguintes bases:
Obxectivos.
O curso ten por obxectivos: a) Coñece-las normas fundamentais sobre seguridade vial. b) Coñecer con exactitude as funcións da policía local en materia de seguridade vial. c) Clarifica-la actuación da policía local neste tema.
Destinatarios.
O curso vai dirixido ós membros dos corpos das policías locais de Galicia, membros da Unidade do
C.N.P. adscrita á Comunidade Autónoma de Galicia e membros da policía local de Asturias, e no caso de quedar prazas vacantes ós membros do corpo nacional de policía e garda civil.
Inscrición.
A inscrición dos participantes será totalmente gratuíta.
Prazas.
O número de prazas que se ofertan para este curso é de 40.
Solicitudes.
1. O persoal que desexe participar neste curso deberá presentar, cuberta con máquina ou con letra moi clara, a instancia que figura no anexo.
2. O prazo para a presentación de instancias rematará o día 27 de outubro, ás 14 horas.
3. As instancias deberán vir asinadas polo xefe do cadro de persoal e seladas; será isto requisito
indispensable para ser admitido nos cursos e o seu incumprimento suporá a exclusión do devandito curso.
4. As instancias deberán enviarse á sede da Academia Galega de Seguridade: Rúa de Madrid, 2-4 Polígono das Fontiñas, 15703, Santiago de Compostela, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Contido e duración.
O curso celebrarase en sesións de tarde, de luns a venres, e nel trataránse, entre outros, os seguintes temas: a) Ideas xerais sobre tráfico e seguridade vial. b) A Lei 18/1989, do 25 de xullo, de bases sobre tráfico. c) Real decreto lexislativo 339/1990, do 2 de marzo. d) Regulamento xeral de circulación, Real decreto 13/1992, do 17 de xaneiro. e) Normas de comportamento no tráfico.
Datas.
O curso celebrarase do 3 ó 7 de novembro de 1997.
O horario será de 16 a 20 horas.
Relación de admitidos.
A relación de admitidos publicarase o día 29 de outubro, no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono (981) 56 34 00.
Lugar.
O curso desenvolverase no concello de Foz, quedando por concreta-lo seu lugar de realización, que se comunicará xunto coa lista de admitidos.
Certificado de asistencia.
Ó remate do curso entregaráselle un certificado de asistencia a aquelas persoas que acrediten a súa participación continuada a el, non podendo supera-las faltas de asistencia un 15% do total da duración de horas lectivas do curso; unha inasistencia superior ó 15%, aínda que sexa xustificada, implicará a non expedición do certificado.
Modificación.
A Academia Galega de Seguridade poderá modifica-lo desenvolvemento do curso para adaptalo ás necesidades da Administración e ás continxencias que poidan xurdir.
Santiago de Compostela, 29 de setembro de 1997.
Juan José Fariñas-Ferro Rodríguez
Director xeral da Academia Galega de Seguridade
7806