O Pleno do Concello de Vigo, en sesión celebrada o día 31 de xullo de 1997, acordou aprobar definitivamente o Peri 5 Paradela 1, formulado por Antonio David Novoa García e redactado polos arquitectos Pena Fernández e Sáez Silva, con documentación visada polo COAGA o 26 de febreiro e 4 de novembro de 1996, composta de memoria, planos, ordenanzas reguladoras, plan de etapas e estudio económico-financeiro.
Polo presente anuncio faise saber que as normas urbanísticas do plan especial non sofren alteración ningunha respecto das contidas no vixente PXOU, e que no acordo de aprobación definitiva se incluíu a determinación seguinte. Establecerase con carácter obrigatorio acceso de peóns desde a vía pública á zona verde de parques e xardíns situada na zona posterior do aparcamento próximo ó cemiterio, realizándose a través do propio aparcamento xa que se trata dunha superficie de cesión. O dito acceso, dado o desnivel existente, realizarase mediante escaleiras e ramplas que deberán figurar no preceptivo estudio de detalle.
Vigo, 4 de setembro de 1997.
Manuel Pérez Álvarez
Alcalde-presidente da Xerencia de Urbanismo
7559