Convocada a provisión, polo sistema de libre designación, de dous postos de traballo vacantes na Consellería de Economía e Facenda, por Orde do 9 de setembro de 1997 (DOG nº 177, do 15 de setembro de 1997), en uso das facultades e atribucións conferidas pola Lei 4/1988, do 26 de maio, da función pública de Galicia, no seu artigo 15.4 e de conformidade co disposto no artigo 27 da referida lei, modificado polo artigo 6º da Lei 3/1995, do 10 de abril; visto o Decreto 93/1991, do 20 de marzo e demais normativa vixente, esta consellería,

DISPÓN:

Primeiro.-Designa-los funcionarios que se citan no anexo desta orde para ocupa-los postos que así mesmo se sinalan.

Segundo.-Os cesamentos nos actuais destinos efectuaranse segundo o previsto no artigo 14 do Decreto 93/1991, do 20 de marzo, no prazo de tres días a partir do seguinte ó da publicación da presente orde no Diario Oficial de Galicia. As tomas de posesión deberán facerse no prazo de tres días a partir do seguinte ó dos cesamentos por tratarse de postos radicados na mesma localidade.

Terceiro.-A xefatura de persoal do centro onde causen alta os funcionarios efectuará, dentro dos prazos sinalados anteriormente, as dilixencias de toma de posesión e seguidamente serán realizados os trámites para a súa alta en nómina.

Das dilixencias efectuadas serán remitidas copias á Dirección Xeral da Función Pública e á Inspección Xeral de Servicios.

Cuarto.-Contra esta orde, que esgota a vía administrativa, os interesados poderán interpoñer recurso contencioso-administrativo ante o Tribunal Superior de Xustiza de Galicia no prazo de dous meses contados a partir do día seguinte ó da súa publicación no Diario Oficial de Galicia, logo de lle comunicar a esta consellería a vontade de interpoñelo.

Santiago de Compostela, 7 de outubro de 1997.

P.D. (Orde 13-12-1993)

Emilio Álvarez Rey

Secretario xeral e do Patrimonio da Consellería

de Economía e Facenda

ANEXO

Apelidos e nome: Barrada Rodríguez, Carlos.

NRP: 3313810613 A2086.

Grupo: A.

Denominación e código do posto: subdirector xeral do Tesouro.

Código do posto: EFC060000215770001.

Nivel: 30.

Complemento E.: 2.229.156.

Centro directivo ou dependencia: Dirección Xeral Política Financeira e Tesouro.

Localidade: Santiago de Compostela.

Apelidos e nome: Pombo Grille, Julio.

NRP: 3317179013 A205F.

Grupo: B.

Denominación e código do posto: xefe Servicio Tesourería.

Código do posto: EFC060000215770005.

Nivel: 28.

Complemento E.: 1.639.104.

Centro directivo ou dependencia: Dirección Xeral Política Financeira e Tesouro.

Localidade: Santiago de Compostela.

7591