Xuízo declarativo de menor contía, asunto 173/1993. Para lle dar cumprimento ó que dispuxo a xuíza do Xulgado de Primeira Instancia e Instrucción de Ordes, polo presente edicto faise público que, cumprido o que se acordou no xuízo declarativo de menor contía número 173/1993, por instancia do BBV Leasing, S.A., representado polo procurador Ricardo García-Píccoli Atanes, contra Construcciones Nicanor Vidal, S.A. e outros, sácanse a poxa pública polas veces que logo se dirán e polo termo de vinte días cada unha delas, os bens que se relacionen ó final.
A poxa terá lugar na sala de audiencias deste xulgado por primeira vez o día 17 de novembro de 1997, ás 12 horas, tipo taxación. Se non concorren licitadores, sinálase para a segunda vez o día 22 de decembro, ás 12 horas, servindo de tipo a devandita taxación coa rebaixa do 25%. Se non houbere licitadores nela, sinálase por terceira vez, sen suxeición a tipo, o día 19 de xaneiro de 1998, ás 12 horas.
Condicións.
Primeira.-Non se admitirán ofertas que non cubran as dúas terceiras partes do tipo que corresponda en cada poxa, e se é o caso, en canto á terceira, admitiranse sen suxeición a tipo.
Segunda.-Para tomar parte nas poxas, os licitadores deberán consignar previamente o 20% do tipo correspondente, requisito sen o que non serán admitidos, salvante o dereito que ten a parte actora en tódolos casos, de concorrer á poxa sen verifica-los devanditos depósitos.
Terceira.-Poderanse facer ofertas por escrito, desde a publicación do presente edicto ata que teña lugar a poxa da que se trate, depositando na mesa do xulgado o importe da expresada consignación previa.
Cuarta.-Só o executante poderá face-la oferta en calidade de cederlle o remate a unha terceira persoa.
Bens obxecto da poxa.
Escavadora hidráulica sobre rodas, marca Guria, modelo 520-B, equipada con brazo monobloque balancín de 2 metros e instalación de martelo K-1900, chasis G-163244, motor número FGL-91317363492.
Valoración: en 6.000.000 de ptas.
Martelo Korota K-1900, valorado en 1.500.000 ptas.
Esta publicación serve de notificación para os demandados en paradoiro descoñecido.
Ordes, 25 de setembro de 997-
O secretario
Rubricado
97-7309