Eu, María Manuela García Jalón de la Lama, secretaria do Xulgado de Primeira Instancia e Instrucción número cinco de Santiago de Compostela, dou fe de que no xuízo de menor contía que se segue neste xulgado co número 244/1996, se dictou a sentencia co encabezamento e a parte dispositiva do teor literal seguinte:
«Sentencia. En Santiago de Compostela o dezaoito de xullo de mil novecentos noventa e sete, Ángel Pantín Reigada, maxistrado-xuíz titular do Xulgado de Primeira Instancia e Instrucción número cinco dos desta cidade, dictou a presente resolución no procedemento civil de menor contía seguido neste xulgado co número 244/1996, no que actuaron como demandantes Elena González Seoane e Santiago Quintas Rey, representados polo procurador dos tribunais Manuel Merelles Pérez e asistidos pola letrada María Jesús Loredo Conde, e como demandados Antonio González Seoane, Esperanza Pereira Rodríguez e herdeiros descoñecidos e incertos de Salomé Seoane Carrera.
Resolvo que, desestimando a demanda presentada, debo absolver e absolvo desta os demandados, con imposición das custas á parte demandante. Contra esta resolución poderá interporse recurso de apelación para ante a Audiencia Provincial neste xulgado, polo prazo de cinco días desde a notificación. Así, por esta miña sentencia, definitivamente xulgando en primeira instancia, pronúncioo, mándoo e asínoo.
Asinado e rubricado».
E para que conste e lles sirva de notificación ós herdeiros incertos e descoñecidos de Salomé Seoane
Carrera, expido e asino o presente edicto en Santiago de Compostela o dez de setembro de mil novecentos noventa e sete.
A secretaria
Rubricado
7269