Como consecuencia da aparición da enfermidade coñecida como encefalite esponxiforme bovina (EEB) ou vacas tolas, produciuse unha grande perturbación nos mercados de carne de vacún da Unión Europea, o que fai necesario, por parte das autoridades comunitarias, a adopción de medidas correctoras destas anomalías.

Neste sentido publicáronse os regulamentos (CE) 1357/1996, do Consello, do 8 de xullo, e o 1504/1996, da Comisión, do 29 de xullo, que dispoñían primas complementarias ás recollidas no Regulamento (CEE) 805/1968. Co mesmo obxectivo publicouse o Regulamento (CE) 2443/1996, do Consello, do 17 de decembro, que establece medidas complementarias para palia-los efectos negativos da aparición da mencionada enfermidade sobre os mercados de carne de vacún para o ano 1997.

Por último, a orde do Ministerio de Agricultura, Pesca e Alimentación do 29 de maio de 1997, recolle os criterios básicos para a realización do pagamento de 28.52 millóns de ECU atribuídos a España polo devandito Regulamento 2443/1996.

Por todo o exposto e sen prexuízo da aplicabilidade directa dos regulamentos comunitarios, resulta conveniente regular no ámbito da Comunidade Autónoma de Galicia a xestión das axudas establecidas na normativa citada, que se transcribe parcialmente para unha mellor divulgación desta, e dentro das competencias atribuídas a esta Comunidade Autónoma.

En consecuencia, e de acordo co disposto no artigo 30.1º 3 do Estatuto de autonomía de Galicia, e en uso das competencias que me confire a Lei 1/1983, reguladora da Xunta e do seu presidente, modificada pola Lei 11/1988,

DISPOÑO:

Artigo 1º.-Obxecto.

A presente orde establece os criterios para realiza-los pagamentos complementarios a que se refire o Regulamento (CE) 2443/1996, do Consello, ós productores do sector da carne de vacún.

Artigo 2º.-Beneficiarios.

Poderán ser beneficiarios dos pagamentos adicionais a que se refire a presente orde, os productores que solicitasen a prima por vacas nutrices ou a prima especial ós productores de carne de vacún correspondentes á campaña 1996, ó abeiro da orde do Ministerio de Agricultura, Pesca e Alimentación, do 23 de novembro de 1995, pola que se regula o pro

cedemento para a solicitude, tramitación e concesión de axudas ós productores de determinados cultivos herbáceos na campaña de comercialización 1996/1997 e das primas en beneficio dos productores de carne de vacún e dos que manteñan vacas nutrices para 1996.

Artigo 3º.-Animais con dereito a prima.

O número de animais polo que se concederá a axuda adicional a cada productor será aquel polo que solicitaron as axudas ás vacas nutrices ou ós bovinos machos na campaña 1996, limitado, no caso dos bovinos machos, a un máximo de 90 animais por cada explotación e tramo de idade, segundo o disposto no apartado 2º do artigo 12 da orde do MAPA do 23-11-1995 á que se fai referencia no artigo 2º.

Non obstante, no caso de que como consecuencia da realización dos controis administrativos ou sobre o terreo, de acordo co descrito na orde do MAPA do 23-11-1995, se teña comprobado que o número de animais declarado nunha solicitude é superior ó número de animais correctamente comprobados no control, o número de animais con dereito ás axudas adicionais será o comprobado no control, excepto en caso de que a diferencia se deba a unha causa de forza maior debidamente notificada polo productor.

Artigo 4º.-Importe das axudas.

O importe unitario da axuda adicional que se lles aboará os productores que manteñan vacas nutrices será de 2.400 pesetas por vaca con dereito a axuda, segundo o artigo 3º.

O importe unitario da axuda adicional que se lles aboará ós productores de bovinos machos será de 1.550 pesetas por bovino con dereito a esta, segundo o artigo 3º.

Artigo 5º.-Importes percibidos indebidamente.

Cando os productores teñan que devolver importes percibidos indebidamente, deberán efectua-lo seu reembolso xunto cos xuros correspondentes ó tempo transcorrido entre o pagamento e o devandito reembolso. Os xuros calcularanse de acordo co tipo de xuro de demora establecido na correspondente Lei de presupostos xerais do Estado vixente en 1997, e ó que fai referencia o artigo 58.2º da Lei xeral tributaria.

Non obstante, cando o pagamento indebido se efectuase por erro da Administración competente, non se aplicará xuro ningún.

Disposicións adicionais

Primeira.-Financiamento.

O financiamento das axudas recollidas na presente orde realizarase para o exercicio 1997, con cargo ó concepto orzamentario 09.03.614-A 779 axudas comunitarias a productores, derivadas da nova PAC, do orzamento da Consellería de Agricultura, Gan

dería e Montes para 1997, dotado con 400 milóns de pesetas para este programa.

Segunda.-Resolución e pagamento.

A Consellería de Agricultura, Gandería e Montes, como organismo pagador de gastos do FEOGA-garantía, en virtude do Decreto 359/1996, do 13 de setembro, procederá á aprobación e pagamento das axudas adicionais ós productores, a máis tardar, o 15 de outubro de 1997. Transcorrido este prazo, entenderase sen dereito a axuda toda solicitude que non fose aboada.

O Instituto Lácteo e Gandeiro de Galicia (ILGGA) actuará, dentro das súas competencias, como organismo xestor das axudas previstas na presente orde.

Disposicións derradeiras

Primeira.-Facúltase o director xeral de Producción Agropecuaria e Industrias Agroalimentarias e do ILGGA, no ámbito das súas competencias, para dicta-las normas precisas para un mellor cumprimento do disposto na presente orde.

Segunda.-A presente orde entrará en vigor o mesmo día da súa publicación no Diario Oficial de Galicia.

Santiago de Compostela, 25 de setembro de 1997.

P.D. (Orde 13-12-1993)

Antonio Luis Rosón Pérez

Secretario xeral da Consellería de Agricultura, Gandería e Montes

6425