Por resolución da Dirección Xeral de Industria da Consellería de Industria e Comercio, do 5 de
xuño de 1997, foi aprobado o proxecto de execución e autorizada a instalación do proxecto rede da Coruña. Declarada a utilidade pública e a urxente ocupación, de conformidade co disposto no artigo 10 da Lei 10/1987, do 15 de xuño, de disposicións básicas para un desenvolvemento coordinado de actuacións en materia de combustibles gasosos, procede a iniciación do procedemento expropiatorio.
Na súa virtude, esta delegación provincial, en cumprimento do disposto no artigo 52 da Lei de expropiación forzosa, resolveu convoca-los titulares de bens e dereitos afectados para que comparezan nas casas dos concellos onde están localizados os predios afectados, como punto de reunión para, de conformidade co procedemento que establece o citado artigo, levar a cabo o levantamento das actas previas á ocupación e, se procede, o das de ocupación definitiva.
Tódolos interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade e o último recibo da contribución, podéndose acompañar dos seus peritos e un notario, se o consideran oportuno, cos gastos pola súa conta.
Os levantamentos terán lugar o vindeiro día 9 de outubro en Sada, e o 10 de outubro en Bergondo e Oleiros.
Desta convocatoria daráselle traslado a cada interesado mediante a oportuna cédula de citación individual, significándose que esta publicación se realiza, igualmente, para os efectos que determina o artigo 59.4º da Lei 30/1992, de réxime xurídico das administracións públicas e do procedemento administrativo común, nos casos de titular descoñecido, segundo se relaciona no anexo.
No expediente expropiatorio Enagás, S.A., asumirá a condición de beneficiaria.
A Coruña, 5 de setembro de 1997.
Juan Ignacio Lizaur Otero
Delegado provincial da Coruña
ANEXO
Relación de titulares descoñecidos
Termo municipal de Sada
Afección Dat. cata. Predio nº Titular SP (ML)OT (M2) Pol.-Par Natureza Día/hora
C-SD-6 Descoñecido 74 520 25 30, 29 42 Monte alto 9-10/11 C-SD-10 Descoñecido 13 185 25 38 Monte baixo 9-10/11 C-SD-28 Descoñecido 4 30 23 37 T. labor 9-10/11 C-SD-36 Descoñecido 0 40 23 259 T. labor 9-10/11 C-SD-72 Descoñecido 21 185 18 145 Monte baixo 9-10/11
Termo municipal de Oleiros
Afección Dat. cata. Predio nº Titular SP (ML)OT (M2) Pol.-Par Natureza Día/hora
C-OS-33 Descoñecido 26 175 25 239 Monte baixo 10-10/11 C-OS-51 Descoñecido 24 195 26 431 Pradería 10-10/11 C-OS-60 Descoñecido 44 475 26 442 T. labor 10-10/11 C-OS-61 Descoñecido 24 200 26 441 T. labor 10-10/11 C-OS-62 Descoñecido 55 380 26 452 T. labor 10-10/11 C-OS-63 Descoñecido 2 30 26 453 Monte alto 10-10/11 C-OS-73 Descoñecido 138 860 26 471 Pradería 10-10/11 C-OS-74 Descoñecido 24 180 26 474 Monte alto 10-10/11
7133