No Diario Oficial de Galicia do día 30 de xullo de 1997, publicouse anuncio deste concello polo que se anunciaba a exposición ó público do estudio de detalle aprobado inicialmente referido á unidade de actuación número 44, (UA-44) da Penouqueira, sinalando un período de 20 días contados a partir do seguinte ó da aparición do anuncio no Diario Oficial de Galicia, cando o período legalmente establecido e acordado pola Comisión de Goberno municipal era dun mes.

En consecuencia, procédese a unha nova inserción do seguinte anuncio:

A Comisión de Goberno, en sesión celebrada o día 26 de maio de 1997, acordou aprobar inicialmente o estudio de detalle da unidade de actuación (UA-44) A Penouqueira das vixentes normas subsidiarias de planeamento deste termo municipal, promovido polo Instituto Galego da Vivenda e Solo, e redactado polo arquitecto Jacobo R. Losada Allende, para establece-las aliñacións e rasantes das novas edificacións, á vez que ordena os volumes, queda sometido a información pública polo prazo que se cerrará transcorrido un mes, contado a partir do día seguinte ó da aparición do anuncio de emenda do prazo da exposición pública de referencia no Diario Oficial de Galicia, durante o cal as persoas interesadas poderán examina-lo seu contido comparecendo nas dependencias do Servicio Municipal de Urbanismo, sitas na Avda. do Balneario, nº 10-1º, Arteixo, e presenta-las alegacións que consideren convenientes.

Arteixo, 20 de agosto de 1997.

Manuel Pose Miñones

Alcalde

6972