De conformidade co establecido no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, pola presente cédula ponse en coñecemento da empresa Mudanzas Fernandez o laudo arbitral dictado, o día 22 de maio de 1997, polo Colexio Arbitral nomeado para resolve-la reclamación formulada por Alberto Parga García contra a devandita empresa.
Empresa: Mudanzas Fernández.
Enderezo: Vilar de Calo, 41 Teo (A Coruña).
Reclamante: Alberto Parga García.
Laudo:
«O Colexio Arbitral entrando no estudio da solicitude de arbitraxe e segundo o seu leal saber e entender pronunciou o seguinte laudo:
Estímase a reclamación formulada por Alberto Parga García debendo aboa-la empresa reclamada a cantidade de 65.000 pesetas, valor estimado da reparación dos danos causados.
O dito laudo foi adoptado por maioría co voto discrepante do representante das organizacións empresariais.
O prazo para o cumprimento deste laudo é de 15 días a partir da súa notificación.
Notifíqueselles ás partes o presente laudo, facéndolles saber que ten carácter vinculante e executivo e que é eficaz desde o día da súa notificación, así como que contra este cabe o recurso de anulación de acordo co previsto no artigo 45 e seguintes da Lei 36/1988, do 5 de decembro, de arbitraxe».
Dentro dos cinco días seguintes á notificación poderá pedir ó Colexio Arbitral que corrixa calquera erro de cálculo, de copia, tipográfico ou similar ou que aclaren algún concepto escuro ou omisión do laudo.
A Coruña, 1 de agosto de 1997.
Carlos Rodríguez Montero
Secretario do Colexio Arbitral
7272