Visto o expediente do convenio colectivo para a empresa Pérez Leirós, S.A. (X.O.A.N.E.), que tivo entrada nesta delegación provincial o día 9-6-1997, subscrito en representación da parte económica por unha representación da empresa, e da parte social, polo comité de empresa, con data do 4-6-1997, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación,

ACORDA:

Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 19 de xuño de 1997.

Antonio Coello Bufill

Delegado provincial de Pontevedra

Convenio colectivo Pérez Leiros, S.A., X.O.A.N.E.

Artigo 1º.- Ámbito de aplicación.

Este convenio colectivo será de aplicación a tódolos traballadores que presten servicios na empresa Pérez Leirós, S.A., sita no Porriño, lugar de Tunes Atios (Pontevedra), dedicada á fabricación de mobiliario de cociña, séndolle de aplicación a ordenanza laboral para as industrias da madeira, así como a todo aquel que ingrese no futuro durante a súa vixencia, e por extensión, a calquera lugar onde o persoal realice traballo por conta da empresa.

Artigo 2º.-Efectos económicos.

Os efectos económicos do presente convenio comezarán a rexer a partir do 1 de xaneiro de 1997.

Artigo 3º.-Vixencia e duración.

Este convenio colectivo de empresa ten unha duración de 1 ano, finalizando o 31-12-1997. Ó cumprirse a data do seu vencemento o convenio colectivo prorrogarase tacitamente de ano en ano, de non

mediar denuncia por calquera de ámbalas dúas partes, cunha anticipación mínima de 1 més á data do seu vencemento.

Artigo 4º.-Condicións máis beneficiosas.

Respectaranse as condicións máis beneficiosas cás asinadas neste convenio, manténdose o dito respecto de xeito estrictamente ad personam.

Artigo 5º.-Xornada de traballo.

A xornada de traballo será de 7 a 15 horas tódolos días laborables do ano, de luns a venres, con 15 minutos de descanso para cada unha das xornadas citadas, que terán a consideración de traballo efectivo, o que supón para 1997, 227 días de traballo e 1.816 horas, segundo o calendario laboral que se achega con este convenio no anexo V.

Artigo 6º.-Vacacións.

Todo o persoal desfrutará de 30 días naturais de vacacións durante o ano, se estas se desfrutan en 1 único período. Se as vacacións se desfrutan en máis de 1 período, o número de días a desfrutar será de 21 días laborables.

O persoal que ingrese ou cese na empresa no transcurso do ano, e non teña completado 1 ano de servicios, desfrutará da parte proporcional respectivamente ó tempo transcorrido entre o ingreso e o 31 de decembro, ou o tempo transcorrido desde o 1 de xaneiro á data do seu cesamento.

No último suposto e de ter disfrutado máis días dos que lle corresponde, o exceso seralle deducido do importe da liquidación.

As vacacións serán retribuídas en función da media do salario e complementos salariais obtidos polo traballador durante os tres meses traballados anteriores ó seu desfrute na xornada ordinaria de traballo.

Artigo 7º.-Horas extraordinarias.

As partes asinantes deste convenio coinciden nos efectos positivos que poidan derivarse dunha política social solidaria conducente á supresión das horas extraordinarias habituais. A este respecto acórdase da-lo seguinte tratamento ós distintos tipos de horas extraordinarias.

A) As horas extraordinarias serán de libre ofrecemento por parte da empresa e de libre aceptación pola parte do traballador.

B) Horas extraordinarias que veñan esixidas pola necesidade de reparar sinistros e outros danos extraordinarios e urxentes, así como no caso do risco de perdas de materia prima: realización.

C) Horas extraordinarias polos pedidos imprevistos ou períodos punta de producción, ausencias imprevistas, cambios de quendas e outras circunstancias de carácter estructural, derivadas da natureza da actividade da que se trate: mantemento, sempre que non poidan ser substituídas pola utilización das distintas modalidades de contratación previstas legalmente.

A dirección da empresa informará mensualmente ó comité de empresa sobre o número de horas extraordinarias realizadas, especificando as causas e, se é o caso, a distribución por seccións.

Artigo 8º.-Permisos e licencias.

As licencias e permisos que a empresa poderá concederlles ós traballadores serán os que se recollen no cadro de licencias, ausencias e facilidades concedidas ós traballadores, unido como anexo I ó presente convenio.

A empresa, concederá licencia non retribuída durante 1 día como máximo ó ano, sempre que se solicite con tres días de anticipación, como mínimo, antes da data de seu desfrute e non concorra a solicitude e licencia co doutro traballador da mesma sección ou departamento.

Artigo 9º.-Excedencias.

Os traballadores poderán desfrutar dun período de excedencia non superior a tres anos, para atende-lo coidado de cada fillo, contado desde a data de nacemento deste. Os sucesivos fillos darán dereito a un novo período de excedencia que, se é o caso, porá fin ó que se viñera disfrutando. Cando o pai e maila nai traballen, só un deles poderá exercer este dereito.

O traballador con antigüidade na empresa de alomenos 1 ano, ten dereito a que se lle recoñeza a posibilidade de situarse en excedencia voluntaria por un prazo non menor a 2 anos e non maior de 5 anos. Este direito só podera exercerse outra vez polo mesmo traballador se transcorreron catro anos desde o final da anterior excedencia.

O reingreso en ámbolo supostos da excedencia, deberá solicitarse con 1 mes de anticipación ó prazo do seu cumprimento, producíndose o ingreso na mesma categoría que posuía, e no posto que nese momento designe o empresario, de acordo coas facultades que a lei lle outorgue.

Artigo 10º.-Servicio militar.

Durante o cumprimento do servicio militar voluntario ou obrigatorio, ou servicio substitutorio, o traballador terá dereito á reserva do posto de traballo polo tempo de duración deste, debendo reincorporarse ó posto de traballo no prazo máximo de 30 días naturais a partir da cesación no servicio militar ou substitutorio.

Durante o tempo de súa permanencia no servicio militar ou substitutorio, o traballador terá o dereito a percibi-las gratificacións extras de xuño, Nadal e outubro.

Artigo 11º.-Acordos sobre os incrementos de retribucións para o ano 1997.

A) Incrementarase o salario base e os seus complementos nun 3%, respecto dos valores vixentes a 31-12-1996, agás o plus de transporte, e a súa contía fíxase no artigo 19º.

Os valores resultantes da aplicación das respectivas porcentaxes ditas son os que se recollen para cada concepto e categoría nos anexos II e III deste convenio.

B) Os salarios e complementos salariais que se fixaron no presente convenio son os que figuran salientados nos anexos II e III seus.

Os valores de tódolos conceptos retributivos que se establecen no presente convenio son valores brutos; deles deduciránse as cargas fiscais e de Seguridade Social, ou calquera outro concepto que legalmente proceda, o pagamento resulte por conta do traballador.

Artigo 12º.-Pagamento de nóminas.

O pagamento das nóminas realizarase mensualmente, non obstante, o persoal poderá solicitar, coa debida anticipación, anticipos a conta dos seus haberes devengados.

Artigo 13º.-Antigüidade.

O persoal desta empresa terá dereito á percepción dun premio de antigüidade consistente en quinquenios dun 5%.

Computarase para estes efectos todo o tempo de servicios continuados na empresa.

A acumulación dos incrementos da antigüidade non poderá superar, en ningún caso, o 60% do salario base.

Artigo 14º.-Gratificacións.

Establécese para tódolos traballadores afectados por este convenio o dereito a percibiren tres gratificacións extraordinarias, consistentes en 30 días de salario base máis o plus de actividade, incentivos e antigüidade, se é o caso, unha no mes de xuño, outra no mes de outubro e outra no Nadal, facéndose efectiva non máis tarde do día 20 de cada un dos devanditos meses.

A contía dos incentivos nas gratificacions extraordinarias fixarase conforme as seguintes fórmulas:

Para o persoal obreiro, en función do promedio obtido por tal concepto nos tres meses anteriores a cada unha das respectivas gratificacións. Para o persoal empregado, en función da contía mínima que por tal concepto teña asignada cada categoría.

As devanditas gratificacións percibiranse en función dos días traballados, considerándose como tales as licencias retribuídas.

Artigo 15º.-Plus de actividade.

Establécese para todo o persoal desta empresa un complemento salarial que se denomina plus de actividade.

O plus de actividade devengarase segundo as contías que se especifican no anexo III para cada categoría.

Artigo 16º.-Plus de puntualidade.

Establécese para o persoal obreiro desta empresa un complemento salarial coa denominación de plus de puntualidade.

O plus de puntualidade devengarase por día efectivamente traballado e nas contías que se especifican no anexo III para cada categoría.

Artigo 17º.-Plus de orde.

Establécese para o persoal obreiro desta empresa un complemento salarial coa denominación de plus de orde.

O plus de orde devengarase por día efectivamente traballado e nas contías que se especifican no anexo III para cada categoría.

Artigo 18º.-Plus de asistencia.

Establécese para o persoal obreiro desta empresa un complemento salarial coa denominación de plus de asistencia.

O plus de asistencia devengarase por día efectivamente traballado e nas contías que se especifican no anexo III para cada categoría.

Artigo 19º.-Plus de transporte.

Establécese para todo o persoal desta empresa un complemento salarial que se denominará plus de transporte.

O plus de transporte percibirase por día efectivamente traballado na contía de 380 ptas. por día.

Artigo 20º.-Prima ou incentivos á producción.

Esta empresa, seguindo os principios xerais da organización científica do traballo, establece, para todo o seu persoal obreiro, un sistema de incentivos con aliciente abondo para a súa obtención e que lles compense o esforzo realizado.

O dito incentivo fundaméntase no sistema Bedaux implantado nesta empresa desde hai varios anos.

Para cada un dos grupos de, persoal citado, a aplicación do sistema de incentivos establecese como segue:

-Persoal obreiro controlado: no cadro 1º do anexo IV inclúen-se en pesetas os valores correspondentes á actividade de 60 puntos Bedaux, así como o valor punto que supere a actividade equivalente a 60 puntos Bedaux, correspondentes a cada categoría profesional.

-Persoal obreiro non controlado: este persoal percibira a prima ou incentivo á producción conforme a actividade media obtida na factoría ou a que teña recoñecida como actividade media acadada individualmente e segundo os mesmos valores recollidos no cadro 1º do anexo IV.

O persoal non controlado devengará este complemento por día efectivamente traballado.

Artigo 21º.-Supostos especiais para a categoría de auxiliar administrativo.

Os auxiliares administrativos percibirán nos termos e condicións previstos nos artigos 16º, 17º e 18º deste convenio, os pluses de puntualidade, orde e asistencia. Así mesmo percibiranse nos termos e condicións previstos no Art. 20º deste convenio, a prima ou incentivo á producción no valor ou contía equivalente á correspondente á categoría de peón.

O resultado da suma das cantidades percibidas por tódolos conceptos anteriores serán compensables e absorbibles cos que actualmente veñan devengando polo concepto de prima mensual.

A cantidade correspondente ó concepto de incentivo á producción antes dito, percibirase así mesmo nas gratificacións extraordinarias, soamente no caso de que a súa contía resultase superior á prevista con carácter xeral no artigo 14º deste convenio colectivo, para o persoal empregado.

En todo caso garantirase que, como mínimo, se perciban polo dito concepto os importes que con anterioridade á aplicación deste artigo viñesen percibindo.

Artigo 22º.-Actividade sindical na empresa.

O comité de empresa terá as seguintes garantías:

-Expresar, colexiadamente e con liberdade, as súas opinións en materias concernentes á esfera da súa responsabilidade, podendo publicar e distribuír, logo de comunicación á empresa, sen perturba-lo normal desenvolvemento do traballo, as publicacións de interese laboral ou social. Para tal obxecto a empresa facilitaralle ó comité un taboleiro de anuncios no que poidan difundir aqueles avisos que lles interesen ós traballadores en xeral, logo de coñecemento da dirección da empresa.

Competencias:

1) Emitir informe, dentro dos prazos legais, previo á execución por parte da empresa, das decisións que esta adopte sobre as seguintes materias:

-Reestructuración do cadro de persoal e expedientes de suspensión ou extinción de contratos por causas tecnolóxicas ou económicas.

-Reducción da xornada ou traslado total ou parcial das instalacións da empresa.

-Implantación ou revisión dos sistemas de organización e control do traballo.

-Estudio de tempos, establecemento dos sistemas de primas ou incentivos e valoración dos postos de traballo.

2) Ser informado de tódalas sancións impostas ós traballadores por faltas moi graves.

3) Coñece-los modelos do contrato de traballo escrito que se utilicen na empresa, así como os modelos de documentos relativos ó remate da relación laboral.

4) Exercer un labor de vixilancia e control das condicións de seguridade e hixiene no desenvolvemento do traballo na empresa a teor do previsto no artigo 19º do Estatuto dos traballadores.

5) Cada un dos membros do comité disporán dun crédito de 15 horas mensuais retribuídas, para o exercicio das súas funcións de representación. Tales horas poderán acumularse en 1 ou máis membros do comité de empresa, logo de notificación á dirección da empresa, dentro dos 15 días anteriores á iniciación da dita acumulación.

Artigo 23º.-Asembleas.

A celebración das asembleas do persoal axustaranse ó que dispoña a lexislación vixente na materia. En todo caso, comunicaráselle á dirección da empre

sa cunha anticipación mínima de 48 horas á súa convocatoria, achegando a orde do día.

Todo o persoal da empresa disporá cada ano de 2 horas retribuídas da súa xornada laboral para asistencia a unha asemblea. As ditas 2 horas deberán empregarse de xeito continuado.

Artigo 24º.-Recoñecementos médicos.

Previamente ó ingreso definitivo na empresa, todo productor deberá someterse a un recoñecemento médico coas probas pertinentes ca súa superación será condición indispensable para o ingreso.

Con independencia do anteriormente exposto, tódolos traballadores da empresa estarán na obriga de sometérense ós recoñecementos médicos periódicos anuais que a empresa lles indique; serán informados do seu resultado.

Artigo 25º.-Roupas de traballo.

A empresa entregaralle con carácter obrigatorio, cada ano, ó persoal que o precise polo seu posto de traballo, dúas fundas que deberán reunir calidade abonda para que cumpran o fin para o que foron adxudicadas. Unha delas entregarase no primeiro mes do primeiro semestre e a outra no primeiro mes do segundo semestre do ano. A funda do segundo semestre substituirase por un pantalón e unha camisa.

Artigo 26º.-Protección saúde laboral.

Os traballadores da sección de pintura terán dereito a unha asignación periódica de leite que deberán consumir no posto de traballo.

Artigo 27º.-Extinción do contrato por invalidez do traballador.

Para os efectos do previsto no punto 5 do artigo 49 do Estatuto dos traballadores, en relación co suposto da invalidez permanente total do traballador, a empresa fai expresa renuncia á aplicación deste, non extinguindo ó contrato de traballo ao traballador afectado por tal grao de invalidez, sempre que non exceda o número de afectados en máis dun 5% da totalidade do cadro de persoal.

Artigo 28º.-Xubilación anticipada ós 64 anos.

Todo traballador que, cumpridos os 64 anos, desexe acollerse ó disposto no R.D. 1194/1985, en materia de xubilación anticipada, deberá solcitalo á empresa, a cal deberá cumpri-lo disposto no devandito R.D., os efectos de que o traballador solicitante poida xubilarse ós 64 anos sen mingua dos seus dereitos económicos.

Artigo 29º.-Xubilación obrigatoria.

A xubilación será obrigatoria ós 65 anos, sempre que o traballador ou traballadora cumpra os requisitos mínimos para acceder á xubilación.

Artigo 30º.-Póliza de seguro colectivo.

A empresa contratará unha póliza de seguro para todo o persoal, que cubrirá as seguintes indemnizacións nos casos de accidente:

Morte: 1.000.000 de ptas.

Invalidez permanente total: 2.000.000 de ptas.

Invalidez permanente absoluta e gran invlidez: 3.000.000 de ptas.

A todo o persoal entregaráselle copia da póliza subscrita.

O disposto no presente artigo será independente das obrigas que a empresa teña en materia de Seguridade Social.

A data de entrada en vigor na aplicación das indemnizacións anteriores será a partir do 1-6-1997, manténdose a súa vixencia ata o 31-5-1998.

Artigo 31º.-Compras de productos fabricados pola empresa.

A empresa, ademais de respectarlles ós traballadores o desconto habitual sobre o PVP do producto, realizará un desconto por pronto pagamento do 3%, condicionado a que o interese MIBOR non supere o 9%. No caso de superar esa taxa, o desconto sería do 4%.

Para estes efectos entenderase por pronto pagamento o aboamento do producto comprado despois de ser servido.

Os beneficios previstos no presente artigo serán, así mesmo, de aplicación ós traballadores da empresa que cesasen por pasó a situación de xubilación ou invalidez permanente.

Artigo 32º.-Comisión paritaria.

Para a interpretación das cláusulas pactadas neste convenio constituese unha comisión paritaria integrada por 5 membros da representación social e 5 da empresarial.

A comisión paritaria reunirase cunha periodicidade trimestral e dentro da primeira quincena do mes seguinte a cada trimestre.

Disposicións adicionais

En cumprimento do disposto no artigo 26.5º do Estatuto dos traballadores, faise consta-lo seguinte:

a) Que o número de horas anuais de traballo durante o ano 1997 será de 1.816 horas, segundo o previsto no artigo 5º deste convenio.

b) Que a remuneración anual dos traballadores desta empresa por categorías, en función do dito número de horas de traballo, é a que se consigna no anexo II.

Disposicións transitorias

Primeira.- A todo o persoal da empresa garántenselle as revisións acordadas e recollidas no artigo 11º deste convenio, con independencia dos conceptos e contías previstos nos seus anexos II e III. En concreto os valores das primas do persoal empregado e obreiro non recollidos nos ditos anexos, así como calquera outro concepto non expresamente previsto neles, serán obxecto das ditas revisións.

Segunda.- O presente texto do convenio de empresa será redactado e rexistrado nas dúas linguas oficiais de Galicia, galego e castelán.

Disposicións derradeiras

Primeira.-Para o non establecido no presente convenio observarase o disposto na ordenanza laboral para as industrias da madeira, Estatuto dos traballadores e demais lexislación aplicable.

Segunda.-Dada a retroactividade dos efectos económicos do presente convenio, prevista no artigo 2º, as diferencias que se é o caso deban aboar ós traballadores faranse efectivas antes do día 31-5-1997.

ANEXO I

Cadro de licencias, ausencias e facilidades concedidas ós traballadores

Motivos da licencia	Tempo máximo	Conceptos que se percibirán	Xustificantes
Salario	Antig.	Activid.	Incenti.	Puntua.	Asisten.	Orde	Plus Dist.	Plus Trans.

(1) Falecemento de pais, avós, fillos, netos, cónxuxe, irmáns e sogros	En todo caso cinco días naturais	SI	SI	SI	NON	NON	NON	NON	NON	NON	Esquela e/ou documento no que se acredite o parentesco
(2) Enfermidade grave de pais, sogros, fillos, netos, cónxuxe, irmáns e avós	Tres días naturais ampliabes a cinco no caso de desprazamento	SI	SI	SI	NON	NON	NON	NON	NON	NON	Certificado médico. Deberá constar especificación gravidade
Falecemento de noras, xenros, cuñados e avós políticos	Dous días naturais en todo caso	SI	SI	SI	NON	NON	NON	NON	NON	NON	Esquela e documento acreditativo do parentesco
Enfermidade grave de noras, xenros, avós políticos	Tres días naturais ampliables a cinco en caso de desprazamento	NON	NON	NON	NON	NON	NON	NON	NON	NON	Certificado médico. Deberá constar especificación gravidade
Nacemento de fillo	Tres días laborais ampliables a cinco en caso de desprazamento	SI	SI	SI	NON	NON	NON	NON	NON	NON	Libro de familia ou certificación do xulgado
Matrimonio do traballador/a	15 días naturais	SI	SI	SI	NON	NON	NON	NON	NON	NON	Libro de familia ou certificación do xulgado
Matrimonio de fillos o irmáns e novas nupcias de pais	1 día natural	SI	SI	SI	NON	NON	NON	NON	NON	NON	Certificado do xulgado ou igrexa. Sempre que se acredite parentesco, invitación
Traslado de domicilio habitual (traslado de enxoval)	1 día laborable	SI	SI	SI	NON	NON	NON	NON	NON	NON	Certificado servicio empadroamento
Enfermidade e consulta médica:
a) Consulta especialista S.O.E. prescrita por médico medicina xeral	-Polo tempo necesario. Maximo 5 horas/día	SI	SI	SI	NON	SI	SI	SI	SI	SI	-Copia volante médico medicina xeral. Xustificante asistencia médico especialista
b) Consulta médico medicina xeral	-4 horas/día. Máximo 18 horas/año	SI	SI	SI	NON	SI	SI	SI	SI	SI	-Certificado médico SOE u outras institucións
c) Enfermidade con baixa oficial	-3 primeiros días	NON	NON	NON	NON	NON	NON	NON	NON	NON	Parte de baixa
Accidente de traballo	Día do accidente	SI	SI	SI	NON	SI	SI	SI	SI	SI	Xustificante servicio médico que confirme parte accidente da empresa
Lactación	1 hora/día o reducción xornada œ h.(9 meses desde nacemento) a elección da traballadora	SI	SI	SI	NON	SI	SI	SI	SI	SI
Cargo sindical ou público	O tempo legal. Cargos sindicais 15 horas mensuales	SI	SI	SI	SI	SI	SI	SI	SI	SI	O que proceda
Deber inescusable de carácter público:
a) Eleccións	Polo tempo necesario	SI	SI	SI	SI	SI	SI	SI	SI	SI	Certificado mesa electoral
b) Tribunais ordinarios:
-Testemuña -Demandante -Demandado	Citación
c) Xulgados do social:
-Testemuña	Polo tempo necesario	SI	SI	SI	NON	SI	SI	SI	NON	NON	Citación
-Demandante (se prospera a reclamación)	Polo tempo necesario	SI	SI	SI	NON	SI	SI	SI	NON	NON	Citación
-Demandante (se non prospera a reclamación)
d) Citación a quintas	Polo tempo necesario	SI	SI	SI	SI	SI	SI	SI	SI	SI	Xustificante de citación

1) De concidir esta licencia en período vacacional do traballador, interromperase este, en todo caso, durante a licencia.

2) O tempo máximo de licencia concedido para este suposto poderá desfrutarse na súa equivalencia en horas.

ANEXO II

Táboa de salarios anuais Pérez Leirós, S.A.

Categorías	Salarios 1ª Columna2ª Columna DiarioMensual	Actividade DíaMes natural	Puntualidade	Orde	Asistencia	Transp.	Inc. Produc.	Total ano

1) Persoal obreiro
Encargado xeral	1.357.875	235.077	7.379	24.245	23.190	86.260	174.455	1.903.916
Encargado de sección	1.317.907	227.189	7.379	24.245	23.190	86.260	174.455	1.856.060
Ofic. preparador-trazador	1.280.041	221.403	7.379	24.245	23.190	86.260	174.455	1.812.409
Oficial de 1ª	1.242.702	213.515	7.379	24.245	23.190	86.260	174.455	1.767.181
Oficial de 2ª	1.211.148	207.205	7.379	24.245	23.190	86.260	174.455	1.729.317
Especialista serie/semiserie	1.148.039	193.532	7.379	24.245	23.190	86.260	174.455	1.652.536
Oficial montador/oficial 3ª	1.174.336	197.212	7.379	24.245	23.190	86.260	174.455	1.682.512
Axudante	1.148.039	193.532	7.379	24.245	23.190	86.260	174.455	1.652.536
Peón	1.105.968	186.168	7.379	24.245	23.190	86.260	174.455	1.583.599
Aprendiz	1.040.756	174.599	7.379	24.245	23.190	86.260	1.351.864
2) Persoal subalterno
Capataz peóns especialistas	1.180.310	210.268	86.260	1.472.273
Capataz de peóns	1.133.118	193.814	86.260	1.408.627
Almaceneiro	1.127.448	192.914	86.260	1.402.057
Conductor vehículos mecánicos 1ª	1.229.602	211.898	86.260	1.523.194
Conductor vehículos mecánicos 2ª	1.198.619	205.015	86.260	1.485.328
Garda ou vixilante	1.089.567	184.054	86.260	1.355.314
Ordenanza	1.089.567	185.043	86.260	1.356.303
Porteiro	1.089.567	185.043	86.260	1.356.303
Mozo dos recados	1.029.095	176.078	86.260	1.286.866
3) Persoal administrativo e mercantil
Xefe de oficina	1.447.082	248.982	86.260	1.777.758
Oficial administrativo 1ª	1.315.473	226.356	86.260	1.623.523
Oficial administrativo 2ª	1.205.675	207.164	86.260	1.494.533
Auxiliar administrativo	1.092.150	186.914	7.379	24.245	23.190	86.260	154.954	1.570.528
Aspirante administrativo	1.029.111	176.130	86.260	1.286.936
Telefonista	1.092.150	186.914	86.260	1.360.758
Viaxante/vendedor	1.205.503	207.164	86.260	1.494.360
Corredor de plaza	1.092.150	186.914	86.260	1.360.758
4) Persoal técnico de organización do traballo
Xefe de organización de 1ª	1.482.865	227.189	86.260	1.791.748
Xefe de organización de 2ª	1.412.250	216.388	86.260	1.710.332
Técnico de organización de 1ª	1.352.056	207.164	86.260	1.640.914
Técnico de organización de 2ª	1.201.324	198.172	86.260	1.481.190
Auxiliar de organización	1.092.150	186.914	86.260	1.360.758
Aspirante técnico	1.029.111	176.130	86.260	1.286.936
5) Persoal técnico Subgrupo A
Xefe de obradoiro	1.412.250	216.386	86.260	1.710.331
Proxectista	1.352.038	216.386	86.260	1.650.119
Delineante	1.201.324	205.604	86.260	1.488.622
Auxiliar delineante	1.092.150	186.914	86.260	1.360.758
Subgrupo B
Director xerente	3.106.715	517.192	86.260	3.705.600
Titulados grao superior	2.059.661	355.693	86.260	2.497.049
Titulados grao medio	1.872.436	323.376	86.260	2.277.506

ANEXO III

Táboa de salarios anuais Pérez Leirós, S.A.

Categorías	Salarios 1ª Columna2ª Columna DiarioMensual	Actividade Día naturalMes	Puntualidade	Orde	Asistencia	Transp.

1) Persoal obreiro
Encargado xeral	2.984	516	32	106	102	380
Encargado de sección	2.896	500	32	106	102	380
Ofic. preparador-trazador	2.813	486	32	106	102	380
Oficial de 1ª	2.732	470	32	106	102	380
Oficial de 2ª	2.662	455	32	106	102	380
Especialista serie/semiserie	2.523	426	32	106	102	380
Oficial montador/oficial 3ª	2.581	434	32	106	102	380
Axudante	2.523	426	32	106	102	380
Peón	2.431	409	32	106	102	380
Aprendiz	2.287	383	32	106	102	380
2) Persoal subalterno
Capataz peóns especialistas	75.843	14.017	380
Capataz de peóns	75.541	12.920	380
Almaceneiro	75.164	12.861	380
Conductor vehículos mecánicos 1ª	81.974	14.125	380
Conductor vehículos mecánicos 2ª	79.908	13.667	380

Categorías	Salarios 1ª Columna2ª Columna DiarioMensual	Actividade Día naturalMes	Puntualidade	Orde	Asistencia	Transp.

Garda ou vixilante	72.638	72.638	380
Ordenanza	72.638	12.336	380
Porteiro	72.638	12.336	380
Mozo dos recados	68.606	12.336	380
Persoal de limpeza	418 ptas./hora	11.738	380
3) Persoal administrativo e mercantil
Xefe de oficina	96.472	16.599	380
Oficial administrativo 1ª	87.698	15.092	380
Oficial administrativo 2ª	80.378	13.811	380
Auxiliar administrativo	72.810	12.460	32	106	102	380
Aspirante administrativo	68.607	11.742	380
Telefonista	72.810	12.460	380
Viaxante/vendedor	80.367	13.811	380
Corredor de plaza	72.810	12.588	380
4) Persoal técnico de organización de traballo
Xefe de organización de 1ª	98.856	15.146	380
Xefe de organización de 2ª	94.150	14.426	380
Técnico de organización de 1ª	90.136	13.811	380
Técnico de organización de 2ª	80.089	13.707	380
Auxiliar de organización	72.810	12.460	380
Aspirante técnico	68.607	11.742	380
5) Persoal técnico Subgrupo A
Xefe de obradoiro	94.150	14.426	380
Proxectista	90.135	14.426	380
Delineante	80.089	13.696	380
Auxiliar delineante	72.810	13.223	380
Subgrupo B
Director xerente	199.628	34.480	380
Titulados grao superior	137.310	23.712	380
Titulados grao medio	124.829	21.558	380

ANEXO IV

Categorías	Valores ActividadePuntos 60 puntosExceso

Encargado xeral	765255
Encargado de sección	765255
Oficial preparador-trazador	765255
Oficial de 1ª	765255
Oficial de 2ª	765255
Especialista serie/semiserie	765255
Oficial montador-oficial de 3ª	765255
Axudante	765255
Peón	6792,16

ANEXO V

Calendario laboral ano 1997

Mes	D.Lab	Sábados	Domingos	Festivos	Vacac. e pontes	Días ano

Xaneiro	20	4	4	2	1p	31
Febreiro	20	4	4	0	0	28
Marzo	19	5	5	2	0	31
Abril	22	4	4	0	0	30
Maio	20	4	4	2	1p	31
Xuño	21	4	5	0	0	30
Xullo	21	4	4	2	0	31
Agosto	6	5	5	1	14v	31
Setembro	21	4	4	1	0	30
Outubro	23	4	4	0	0	31
Novembro	20	4	5	1	0	30
Decembro	14	3	4	3	7v	31
Totais	227	49	52	14	23 Labor.	365

Festivos e vacacións

Xaneiro	1	Mércores	Aninovo	Festivo
Xaneiro	6	Luns	Reis	Festivo
Marzo	27	Xoves	Xoves Santo	Festivo
Marzo	28	Venres	Venres Santo	Festivo
Maio	1	Xoves	Día Intern.traball.	Festivo
Maio	17	Sábado	Letras Galegas	Festivo
Xullo	11	Venres	S. Bieito	Festivo local
Xullo	25	Venres	Día de Galicia	Festivo
Agosto	15	Venres	Asunción da Virxe	Festivo
Setembro	29	Luns	Luns do Cristo	Festivo local
Novembro	1	Sábado	Santos	Festivo
Decembro	6	Sábado	Día Constitución	Festivo
Decembro	8	Luns	Inmaculada	Festivo
Decembro	25	Xoves	Nadal	Festivo
Vacacións: 1º período: 1ª quenda (persoal obreiro) do 4 ó 24 de agosto de 1997. 2ª quenda (resto persoal) do 11 de agosto ó 31 de agosto de 1997. 2º período: do 20 ó 31 de decembro de 1997. Días de traballo ano: 227. Horas de traballo: 1.816. Nota: os días 3 de xaneiro e 2 de maio serán xornadas non laborables neste ano 1997, co fin de adapta-la xornada anual á 1.816 horas.

ANEXO VI

1º Persoal obreiro:

Encargado xeral. É o productor que, nomeado pola empresa ou pola delegación desta, leva a dirección, orde e organización da fabrica ou obradoiro, distribuíndo os traballos e coñecendo o que se efectúa nas distintas seccións.

Encargado de sección. É o productor nomeado pola empresa que, baixo as ordes desta ou do xefe de obradoiro, se o houber, leva a dirección técnica da sección determinada e sabe executar, planear e preparar tódolos traballos desta.

Oficial preparador-trazador. É o productor que sabe interpretar toda clase de plantas e planos e sinala e prepara a madeira que debe entregárselles ós demais operarios do obradoiro.

Oficial de primeira. Inclúense nesta categoría os productores capaces de interpretar toda clase de plantas e planos, así como de trazar, de sinala-la madeira e que empezan e rematan tódolos traballos que se lle encomendan, calquera que sexa a súa clase e estilo.

Oficial de segunda. É o productor que, dándolle xa a madeira preparada e trazada, empeza e remata o traballo que se lle encomenda, calquera que fora a súa clase e estilo.

Oficial de terceira. É o productor que, tendo realizado a aprendizaxe dun oficio determinado de xeito cualificado, realiza con responsabilidade tódalas tarefas laborais propias do seu nivel.

Especialista en serie e semiserie. É o productor que, na fabricación de serie e semiserie realiza unha funcion repetida, que pode considerarse como unha fase dos traballos.

Oficial montador. É o productor que, na fabricación de serie e semiserie, chegándolle preparadas as distintas partes ou elementos do moble ten por misión montalo, axustalo e repasalo, deixándoo a xeito para o pulimento.

Axudante. É o productor que realiza algúns dos traballos dos oficiais e axuda a estes no seu cometido.

Aprendiz. É aquel que, mediante oportuno contrato especial de aprendizaxe, ingresa no obradoiro para aprender o oficio.

Peón. É o productor que se emprega nos labores secundarios da industria para os cales só se lle require a achega da súa atención e esforzo físico.

2º Persoal subalterno:

Capataz de peóns especialistas. É o traballador que reúne condicións prácticas para poder dirixir un grupo de obreiros nos labores que esixen algo máis que có esforzo físico, como por exemplo, operacións de carga e descarga, distribución de materiais e persoal para obte-lo mellor rendemento, maior vixilancia, etc.

Capataz de peóns. É o traballador que dirixe e vixía os traballos realizados polos peóns ordinarios e que exerce sobre eles funcións de mando.

Almaceneiro. É o traballador encargado de recibir mercadorías e despacha-los pedidos no almacén e rexistrar nos libros o movemento que houbo na xornada.

Muller da limpeza. A remuneración deste persoal, cando traballe por horas, será por hora o que polo mesmo espacio de tempo lle corresponde ó peón. Se traballa toda a xornada, a remuneración será a xeral establecida para a muller na lexislación vixente.

Conductor de vehículo mecánico. É o traballador que ten como misión conduci-los vehículos de tracción mecánica adicados ó transporte de mercadorias e materiais.

O conductor con coñecementos abondos de mecánica, para a reparación de pequenas avarías, considerarase na súa respectiva industria como oficial de primeira. O que sexa soamente conductor será considerado como oficial de segunda.

Garda ou vixilante. É o traballador que ten como encomenda gardar ou vixia-lo recinto (obradoiro, fábrica, departamento, etc.) que se lle encomendara.

Ordenanzas. É o traballador que ten como misión facer recados, copiar documentos na prensa, recoller e entregar correspondencia, cobrar facturas e outros cometidos propios da súa profesión.

Cando este traballador se dedique de xeito principal ó cobramento de facturas equipararase en remuneración e demais condicións de traballo ó auxiliar administrativo.

Porteiro. É o traballador que, de acordo coas instruccións recibidas dos seus superiores, coida os accesos á fábrica ou locais e realiza á vez funcións de custodia e vixilancia.

Mozo dos recados. É o traballador maior de dezaseis anos e menor de dezaoito anos, encargado de transmitir cantas mensaxes, recados ou misións se lle confíen, tanto no interior coma no exterior do local onde presta os seus servicios.

Os mozos de recados, cumpridos os dezaoito anos, pasarán automaticamente a ordenanzas, se é que existise esta categoría na empresa na que traballan.

3º Persoal administrativo e mercantil:

Xefe de oficina. É o empregado, provisto ou non de poder, que leva a responsabilidade directa dunha ou máis seccións, está encargado de imprimirlles unidade.

Oficial de primeira. É o empregado que ten ó seu cargo un servicio determinado, dentro do cal exerce a iniciativa e posúe responsabilidade, con ou sen outros empregados ás súas ordes.

Consideraranse incluídos nesta categoría: o caixeiro de cobro e pagamento, sen sinatura nin fianza; o taquimecanógrafo en lingua estranxeira; o encargado das facturas e cálculo destas, estatística, transcricións nos libros de contas correntes, diario maior e correspondencia, etc., e o encargado de cálculo e liquidacións de seguros sociais.

Oficial de segunda. É o empregado de oficina, que, con iniciativa e responsabilidade restrinxida, efectúa funcións auxiliares de contabilidade e coadxuvantes desta, transcricións nos libros, arquivos, ficheiros e demáis traballos semellantes correspondentes á sección, negociado ou servicio ó cal pertenzan.

Auxiliar. É o empregado da oficina que, sen iniciativa, se dedica dentro da oficina a operacións elementais administrativas e, en xeral, ás puramente mecánicas inherentes ó traballo daquela.

Cando un empregado, á parte de desenvolver funcións propias das esixidas ós auxiliares no parágrafo anterior, está encargado do cometido ou cometidos que levan anexa iniciativa e responsabilidade restrinxida, deberá ser clasificado como oficial de segunda administrativo.

Aspirante. Entenderase por aspirante aquel que, cumpridos os dezaseis anos, ingresa na empresa para iniciarse nos labores propios de oficina. Transcorrido o período de proba e cumpridos os dezaoito anos, pasará a considerarse como auxiliar administrativo, no momento no que exista praza vacante nesta categoría.

Telefonista. É o empregado que ten como única e exclusiva misión a de estar ó coidado e servicio da centraliña telefónica.

Viaxante. É o empregado que, ó servicio exclusivo da empresa, realiza as habituais viaxes, segundo ruta previamente sinalada, para ofrecer artigos, tomar notas de pedidos, informa-los clientes e transmiti-los encargos recibidos, podendo ser empregado pola empresa no establecemento fóra do tempo adicado ás viaxes.

Corredor de praza. É o que ten o cometido análogo ó do viaxante na localidade ou praza asignada e a quen a empresa pode empregar igualmente no establecemento dentro da xornada de traballo nas horas libres.

4º Persoal técnico:

Xefe de organizacion de 1ª. É o técnico que, con mando directo sobre os oficiais técnicos de organización e xefes de sección da organización de segunda e ás ordes dos seus superiores, ten a responsabilidade do traballo, disciplina e seguridade do persoal, de acordo coa organización da empresa ata o límite no que quede fixada a súa autoridade polo Regulamento do réxime interior desta. A súa actuación está subordinada a motivos prefixados, dentro dos cales e con iniciativa propia, realiza toda clase de estudios de tempos e melloras con métodos, programación, formulación, inspección e control en tódolos casos. Deberá saber interpretar toda clase de planos, interpretación e distribución das fichas completas e facer avaliacións de materias precisas para traballos dos que se obteñan, os datos tanto nos planos coma na obra. Poderá exercer misións de xefe dentro do ámbito das

funcións referentes a utilización das máquinas, instalacións e man de obra, progreso, lanzamento, custos e resultados económicos.

Xefe de organización de 2ª. As funcións serán en todo semellantes ós de xefe de organizacion de 1ª, coa diferencia da complexidade do traballo que se van desenvolver pola sección que mande, a xuízo libre da empresa.

Técnico de organización de 1ª. É o técnico que, procedente dalgunha das categorías profesionais ou de oficio, está ás ordes dos xefes da sección de 1ª ou 2ª, se estes existisen, e realiza os traballos seguintes, relativos as funcións da organización científica do traballo: cronometraxe e estudio do tempo de calquera clase, estudios de melloras de métodos na saturación de equipos de calquera número de operarios, cálculos económicos, confección das normas ou tarifas de traballo de dificultade media, confección de fichas completas, definicións de lotes ou conxuntos de traballos coa finalidade da programación, cálculos dos tempos de traballo destes, establecemento de cadros de carga, en todo-los casos; establecemento das necesidades completas de materiais, partindo de datos obtidos nos planos ou na obra, aínda contando con dificultades de apreciacións; despezamentos de tódalas clases e esbozos conseguintes, inspección e control, colaboración no establecemento da orde de montaxe para

lotes de pezas ou zona de funcións de formulación xeral da producción, colaboración e resolución dos problemas de formulación das dificultades medias e representacións gráficas.

Técnico de organización de 2ª. É o técnico que, ademais de face-los traballos propios de auxiliar da organización, realiza os seguintes: cronometraxe de todo tipo, colaboración na selección de datos para a confección das normas, estudio dos métodos de traballo e dificultade media e saturación de equipo de ata tres variables, confección e fichas completas de dificultade media, cálculos económicos, informador de obra con difilcultades de apreciación na toma de datos, definición de conxunto de traballo con indicacións precisas dos seus superiores, cálculos de tempo tomados sobre plano e obra de dificultade media, despezamento de dificultades medias e esbozo conseguinte, avaliación das necesidades en materiais no caso de dificultade normal, inspección e control, colaboración en funcións de formulación e representacións gráficas.

Auxiliar de organización. É o empregado maior de dezaoito anos que realiza os traballos sinxelos de organización científica do traballo, tales como cronometraxes sinxelas, acumulación de datos con directrices ben definidas, revisión e confección de follas de traballo, análise e pagamento, control de operacións sinxelas, arquivo e numeración de planos e documentos, fichas de materiais e fichas de movementos de

pedidos (labor esencialmente de transcrición de información), cálculos de tempo partindo de datos e normas ou tarifas ben definidas e representacións gráficas.

Aspirante técnico. Entenderase por aspirante aquel que, cumpridos os dezaseis anos, ingresa na empresa para iniciarse nos labores propios da organización do traballo.

5º Persoal técnico:

Subgrupo A:

Xefe de obradoiro. É o empregado que asume a xefatura do obradoiro, sendo da súa incumbencia a organización e responsabilidade de traballo que nel se realiza, o deseño de ferramentas, dispositivos e útiles que se precisen; a vixilancia do gasto, tanto destes coma dos combustibles; enerxía, lubricantes, etc..., a redacción de orzamentos, o estudo de producción, rendemento e elementos necesarios para mellora-la fabricación.

Proxectista. É aquel empregado que, en calidade de director artístico, intervén na confección e execución dos planos e debuxos, debendo ter coñecementos para proxectar no bosquexo e adopta-los que logo deben desenvolver.

Delineante. É o empregado que está capacitado para o completo desenvolvemento do proxecto, levantamento de planos de conxunto e detalle, sexan do natural ou do esquema e anteproxectos estudiados; interpretación de planos, cubicacións e transportacións de menor contía.

Auxiliar analista. É aquel, empregado que, ás ordes dos seus superiores técnicos, efectúa probas en serie e análise, aténdose exclusivamente ás instruccións recibidas.

Subgrupo B:

Titulados de grao superior e grao medio. É o que está en posesión dun título ou diploma oficial de grao superior ou medio, que está unido á empresa por un vínculo de relación laboral concertado, en razón do título que posúe para exercer funcións específicas para as que este o habilita e sempre que preste os seus servicios na empresa con carácter exclusivo ou preferente.

6991