Convocada a provisión, polo sistema de libre designación, de dous postos de traballo vacantes na Consellería de Educación e Ordenación Universitaria

pola Orde do 2 de xullo de 1997 (DOG nº 139, do 21 de xullo de 1997).

Esta cosnellería, no uso das facultades e atribucións conferidas polos artigos 15.4º e 27.2º da Lei de función pública de Galicia, e os artigos 16 e 17 do Decreto 93/1991, do 20 de marzo,

RESOLVE:

Primeiro.-Adxudicarlles destinos nos postos de traballo que se indican ós funcionarios dos que se expresan os seus datos no anexo desta orde.

Segundo.-O cesamento nos actuais destinos dos funcionarios que obtiveron as prazas producirase no prazo de tres días contados a partir do seguinte ó da publicación desta orde no Diario Oficial de Galicia.

A toma de posesión das prazas adxudicadas deberá realizarse no prazo dos tres días seguintes ó do cesamento, se se trata da mesma localidade na que prestan os seus servicios os funcionarios, ou no prazo dun mes se se trata de distinta localidade, conmforme o establecido no artigo 14 do Decreto 93/1991, do 20 de marzo.

Terceiro.-A xefatura de persoal do centro onde causen alta os funcionarios, realizará, dentro dos prazos sinalados nos apartados anteriores, a dilixencia de toma de posesión e seguidamente levaranse a cabo os trámites necesarios para a entrada en nómina.

Das dilixencias efectuadas darase traslado, mediante fotocopia, á Dirección Xeral da Función Pública.

Cuarto.-Contra esta orde poderase interpoñer recurso contencioso-administrativo perante o Tribunal Superior de Xustiza de Galicia no prazo de dous meses contados a partir do día seguinte ó da súa publicación no Diario Oficial de Galicia, comunicando previamente a esta consellería a vontade de interpoñelo.

Santiago de Compostela, 4 de setembro de 1997.

Celso Currás Fernández

Conselleiro de Educación

e Ordenación Universitaria

ANEXO

Denominación: subdirector xeral de Ordenación Educativa.

Código do posto: ED.C04.00.001.15770.001.

Dependencia: Dirección Xeral de Ordenación Educativa e de Formación Profesional.

Localidade: Santiago de Compostela.

Grupo: A.

Nivel: 30.

Corpo ou escala: inspectores de Educación.

Apelidos e nome: Gómez Álvarez, Pedro.

Nº de rexistro de persoal: 34.236.758.35.A0510.

Denominación: subdirector xeral de Coordinación Administrativa e Xestión Orzamentaria.

Código do posto: ED.C02.00.002.15770.001.

Dependencia: Secretaría Xeral.

Localidade: Santiago de Compostela.

Grupo: A.

Nivel: 30.

Corpo ou escala: superior da Administración Xeral da Xunta de Galicia.

Apelidos e nome: Rodríguez Pedreira, José Luis.

Nº de rexistro de persoal: 76.351.078.68.A2060.

6915