A) Contratos de alugueiro.

1. Alugueiro de local destinado ó establecemento dos servicios centrais do organismo autónomo Augas de Galicia.

Á vista da proposta da mesa de contratación con data do 23 de xullo de 1997 e tomando en conta o incumprimento da cláusula 1 do prego de cláusulas administrativas particulares e do punto 2 do prego de prescricións técnicas que rexen no concurso, polo procedemento aberto, do contrato de alugueiro dun local destinado ó establecemento dos servicios centrais do organismo autónomo Augas de Galicia en Santiago de Compostela, declárase deserto o concurso de referencia ó abeiro do establecido no artigo 89.2º da Lei 13/1995, do 18 de maio.

2. Alugueiro de local destinado ó establecemento do servicio territorial do organismo autónomo Augas de Galicia en Vigo.

Á vista da proposta da mesa de contratación e tomando en conta o incumprimento das cláusulas I, VII e XII.1 c) do prego de cláusulas administrativas particulares que rexen no concurso, polo procedemento aberto, do contrato de alugueiro dun local destinado ó establecemento do Servicio Territorial do organismo autónomo Augas de Galicia en Vigo declárase deserto o concurso de referencia ó abeiro do establecido no artigo 89.2º da Lei 13/1995, do 18 de maio.

Santiago de Compostela, 20 de agosto de 1997.

Emilio García Gallego

Presidente do organismo autónomo Augas de Galicia

6794