No uso da competencia sobre pensións non contributivas da Seguridade Social, atribuída na disposición adicional décimo oitava do R.d. lexislativo 1/1994, do 20 de xuño e no artigo 21 do R.d. 357/1991, do 15 de marzo, a falta dos datos necesarios para proceder á tramitación na fase de revisión anual dos expedientes que a continuación se relacionan, ó ter sido devoltas polo servicio de correos as peticións de documentación enviadas no seu día e, en virtude do disposto no artigo 59 da Lei 30/1992, do réxime xurídico das administracións públicas e do procedemento administrativo común, requírese ós abaixo citados para que no prazo de 15 días, contados desde o seguinte ó da data de publicación deste edicto, comparezan, persoalmente ou debidamente representados, na Área de Servicios Sociais da Coruña (Concepción Arenal 7-9) para ter coñecemento do trámite ou documentación que teñen que xuntar ó expediente. De non comparecer no prazo indicado, ou se dentro dos 15 días seguintes ó da

comparecencia non presentasen a documentación requirida, en virtude do disposto no artigo 16.2º do Real decreto 357/1991, do 15 de marzo (BOE 21 de marzo), procederase a suspender cautelarmente o pagamento da pensión.

A Coruña, 23 de xullo de 1997.

Tomás Fernández-Montesinos y Precioso

Delegado provincial da Coruña en funcións

6469