A Lei 13/19991, do 9 de decembro, de taxas, prezos e exaccións reguladoras da Comunidade Autónoma de Galicia, no seu artigo 6 sinala a obriga de que os prezos privados sexan fixados polas consellerías correspondentes, logo do informe favorable da Consellería de Economía e Facenda, e publicados no Diario Oficial de Galicia.
Para cumprir este mandato e despois de emitido informe favorable da Consellería de Economía e Facenda, esta consellería,
DISPÓN:
Artigo único.
1. Queda aprobado o prezo de venda ó público das publicacións editadas por esta consellería e que se relacionan no anexo.
2. Estes prezos entenderanse con IVE incluído.
Santiago de Compostela, 30 de xullo de 1997.
José María Hernández Cochón
Conselleiro de Sanidade e Servicios Sociais
ANEXO I
-Estudio Delphi sobre previsións do sector sanitario da Comunidade Autónoma de Galicia: 3.000 pesetas.
-Un plan estratéxico para hospitais: guía metodolóxica: 6.600 pesetas.
-EPIDAT. Análisis Epidemiológico de Datos Tabulados: 500 pesetas.
-Memoria do Servicio Galego de Saúde 1996: 2.800 pesetas.
6477