Aprobado inicialmente polo Concello Pleno, en sesión do 17 de xullo de 1997, o proxecto de modificación puntual das normas municipais do Concello de Vilamarín (recualificación de terreos para equipamento do núcleo rural de Vilamarín), redactado pola arquitecta Elvira Carregado Pazos, exponse ó público durante o prazo dun mes, contado a partir do día seguinte ó da última publicación deste anuncio no DOG ou no BOP para efectos de formulación das alegacións que se consideren pertinentes.

De conformidade co establecido no artigo 34 da Lei 1/1997, do 24 de marzo, do solo de Galicia e demais disposicións de aplicación, suspéndese o outorgamento de licencias para parcelación de terreos, edificación ou demolición nas áreas do territorio obxecto da citada modificación puntual. A dita suspensión terá unha duración máxima dun ano e extinguirase coa aprobación definitiva da citada modificación.

Vilamarín, 20 de xullo de 1997.

O alcalde

Rubricado

6230