A Sociedade de Imaxe e Promoción Turística de Galicia, S.A., anuncia a convocatoria para a contratación laboral fixa das seguintes prazas no Centro Superior de Hostelería de Galicia:
A.-Posto: adxunto a docencia (REF. DCIA-1497).
1) Funcións principais: colaborar co responsable da área na coordinación da actividade docente e a súa relación co sector.
2) Requisitos:
-Titulación universitaria.
-Formación específica en administración de empresas ou márketing.
-Experiencia profesional mínima de 12 meses en administración de empresas, márketing, consultoría de empresas ou coordinación de actividades docentes (non se inclúe experiencia docente).
-Coñecementos de informática.
3) Valorarase:
-Currículo (especialmente o relacionado co sector hosteleiro/turismo).
-Inglés.
-Francés.
-Coñecementos de xestión empresarial.
-Coñecemento de metodoloxías didácticas.
-Microsoft Office.
-Capacidade para coordinar equipos de traballo e integrarse neles.
4) Probas que se van realizar:
-Exercicios prácticos sobre xestión empresarial e metodoloxías didácticas (eliminatorios).
-Oral e escrita de idiomas.
-Probas prácticas de Word e Excel.
-Cuestionario de personalidade.
-Entrevista.
-Poderase realizar, durante o proceso, unha dinámica de grupo.
B.-Posto: auxiliar recepcionista (REF. AUX-1597).
1) Funcións principais: atención telefónica e tarefas administrativas.
2) Requisitos:
-Experiencia profesional en tarefas administrativas en contacto co público polo menos de 6 meses.
-Ofimática (Microsotf Office).
-Mecanografía: 200 ppm.
-Inglés.
3) Valorarase:
-Currículo.
-Francés.
-Aptitude para a realización de tarefas administrativas.
-Capacidade de integración en grupos de traballo.
4) Probas que se van realizar:
-Mecanografía (eliminatoria).
-Word, Excel e Access para Windows (eliminatoria).
-Idiomas oral e escrito (eliminatoria).
-Avaliación de aptitudes administrativas.
-Entrevista.
C.-Documentación que hai que presentar:
-Solicitude por posto de interese, indicando a referencia, dirixida ó director do CSHG (A Barcia. Estrada Santiago-Noia, km. 3. Apartado 578. 15896 Santiago de Compostela).
-Currículum vitae.
-Acreditación orixinal dos méritos reflectidos nel (incluíndo certificación académica nos casos nos que se esixa titulación). Os títulos obtidos no extranxeiro deberán estar validados en España.
D.-Prazo de presentación de solicitudes:
-O prazo de presentación de solicitudes será de 12 días naturais contados a partir do seguinte ó da publicación deste anuncio.
E.-Selección:
-Expirado o prazo de presentación de solicitudes, o comité de selección designado para cada unha das prazas ofertadas publicará as listas previas de admitidos e excluídos a cada proceso.
Santiago de Compostela, 1 de agosto de 1997.
Rubén V. Lois Calviño
Conselleiro-delegado de Turgalicia, S.A.
ÐõcsrÏ