A Comisión de Goberno do Concello, na sesión do 28 de xullo de 1997, aprobou inicialmente o documento de modificación da ordenación do plan parcial das Fontiñas no ámbito do polígono 3 e terreos limítrofes, regulados polo plan especial de reforma interior (PERI) de Concheiros-Cotaredo-San Lázaro.
O expediente exponse ó público na Sección de Planeamento e Xestión durante o prazo dun mes contado desde a data de publicación deste anuncio no Diario Oficial de Galicia (DOG), co obxecto de que os interesados poidan presenta-las alegacións que xulguen oportunas.
A suspensión, polo prazo máximo dun ano, das licencias para usos e obras incompatibles coa nova ordenación derivada deste acordo abrangue o ámbito do polígono 3, que é o comprendido entre os seguintes lindes:
Norte: rúa Monte dos Postes (tramo limítrofe co polígono 2 das Fontiñas).
Sur: casas que dan fronte ás rúas Fonte dos Concheiros e As Fontiñas, incluído os terreos sen edificar situados entre os números 37 e 43 da rúa Fontiñas.
Leste: terreos e casas con fronte á rúa Monte dos Postes.
Oeste: Avda. Rodríguez de Viguri.
Contra a suspensión de licencias pódese interpor recurso contencioso-administrativo perante o Tribunal Superior de Xustiza de Galicia no prazo de dous meses desde a publicación deste anuncio.
Santiago de Compostela, 11 de agosto de 1997.
Xosé A. Sánchez Bugallo
Alcalde en funcións
6446