Neste organismo autónomo Augas de Galicia achegáronse as peticións de outorgamento de concesión e autorización administrativas para a instalación dun aproveitamento hidroeléctrico con potencia nominal de ata 5.000 kVA dun tramo libre do río Xanceda ou Xestosa, presentadas cos proxectos das obras e instalacións e estudios medioambientais correspondentes.
No anexo que se inclúe máis abaixo transcríbese a relación individualizada por peticionarios dos aproveitamentos solicitados, onde figuran os datos máis relevantes que os definen, ademais dunha breve descrición das obras, facendo constar, se é o caso, a petición de declaración de utilidade pública do aproveitamento para os efectos de expropiación forzosa e imposición de servidumes e a relación concreta na que se recollen os bens e/ou dereitos afectados cos seus propietarios. Tamén se fai mención da clase de estudio ambiental achegado polo promotor, logo da cualificación do proxecto do aproveitamento, segundo dispón a lexislación vixente.
Co presente anuncio, para darlle cumprimento ó disposto nos artigos 6 do Real decreto 916/1985, do 25 de maio, en concordancia co artigo 2.1º do dito Real decreto 916/1985 segundo a redacción establecida polo Real decreto 249/1988, do 18 de marzo; e 2.4º do Decreto 327/1991, do 4 de outubro, que regula a avaliación dos efectos ambientais para Galicia, sométense de forma simultánea, unha vez rematadas as actuacións de comprobación e de remisión ás consellerías e organismos competentes por razón da materia dos documentos presentados, ó trámite de información pública, no uso das facultades conferidas polo Decreto 63/1997, do 14 de marzo, as peticións e documentación técnica e ambiental que se tratan en concreto no anexo para os efectos do seu coñecemento xeral, co fin de que aquelas persoas naturais ou xurídicas que se consideren afectadas nos seus dereitos poidan formular, por escrito, cantas alegacións, observacións, suxestións e reclamacións consideren procedentes (indicando a clave
do concurso sinalada no encabezamento e o proxecto ou estudio do peticionario ó que se refiran), persoalmente ou por medio do seu representante con poder suficiente, perante o rexistro xeral da Consellería de Política Territorial, Obras Públicas e Vivenda -Edif. Advos. San Caetano, s/n. 15071. Santiago de Compostela- e dentro do prazo improrrogable de vinte (20) días hábiles.
O prazo comezará a contarse e entenderase aberto a partir do día seguinte á publicación que corresponde
facer da presente resolución no Diario Oficial de Galicia. Transcorrido o dito período de tempo non se admitirá nin se terá en conta escrito ningún.
Para os expresados efectos, este anuncio tamén será obxecto de inserción no BOP de Lugo e de exposición ó público no taboleiro de anuncios da Casa do Concello de Ourol (Lugo).
Este trámite realízase igualmente para os fins do artigo 59.4º da Lei 30/1992, do 26 de novembro, cando os titulares dos bens e/ou dereitos propostos polos peticionarios sexan descoñecidos e así dirixirlle ó Ministerio Fiscal no seu momento as dilixencias que se produzan destes, de conformidade co artigo 5 da Lei de expropiación forzosa, do 16 de decembro de 1954.
Os que se consideren interesados terán para os devanditos efectos informativos á súa disposición copias das peticións e dos exemplares da documentación técnica e estudios ambientais para que poidan ser examinados, nos días e horas habituais de oficina, nas seguintes dependencias administrativas:
-Proxectos das obras constitutivas dos aproveitamentos e das instalacións electromecánicas da central, subestacións de transformación e liñas de media e baixa tensión e copias das peticións.
* Servicios centrais do Departamento de Xestión do Dominio Público Hidráulico de Augas de Galicia: Consellería de Política Territorial, Obras Públicas e Vivenda, Edif. Advos. San Caetano, s/n, 15071 Santiago de Compostela.
* Delegación Provincial en Lugo da Consellería de Industria e Comercio: r/ Pascual Veiga, 12 e 14, 27002 Lugo.
* Secretaría Xeral da Comisión Galega de Medio Ambiente: r/ Algalia de Arriba nº 31, 15071 Santiago de Compostela.
-Estudios de efectos ambientais.
* Secretaría Xeral da Comisión Galega de Medio Ambiente.
* Comisión Provincial de Medio Ambiente de Lugo. r/ de Santo Domingo, 5-6ª planta, 27001 Lugo.
* Concello de Ourol. Estrada Xeral, s/n, 27865 Ourol, Lugo
O pagamento do importe deste anuncio, así como das anteriores actuacións realizadas neste procedemento e daquelas que se vaian realizar con posterioridade a esta publicación, serán por conta, no caso de que o houbese, do adxudicatario.
Santiago de Compostela, 9 de xullo de 1997.
Emilio García Gallego
Presidente de Aguas de Galicia
ANEXO
RELACIÓN DE PETICIONARIOS
-Peticionario e promotor: Hidroener, S.A.
Enderezo: r/ Ribadeo, 2 Entepl. Esq., 27002 Lugo.
Representante: Jesús Roibás Rodil.
Denominación do aproveitamento: Central de Curras
* Os aspectos máis destacados son:
Obxecto: producción de enerxía eléctrica.
Caudal : 1.500 l/s.
Corrente de derivación: Xestosa ou Xanceda
Tramo ocupado (cotas): 338,5-231 m.
Desnivel: 107,5 m.
Altura do azude: 2,75 m.
Potencia: 1.317 kW.
Termo municipal onde se sitúa a toma e demais obras: concello de Ourol (Lugo).
* Breve descrición das características principais das obras e instalacións:
-Azude de derivación e obra de toma.
O azude de derivación é de tipo gravidade cunha lonxitude de coroación aproximada de 16 m. Presenta un vertedoiro de perfil de labio fixo, co limiar na cota de 338,5 m, cunha lonxitude de vertido de 16 m. O azude de derivación ten unha planta recta e sitúase transversalmente ó leito, presentando no seu estribo esquerdo unha escala para peixes, as obras de toma e unha tubería de desaugamento do caudal ecolóxico.
A obra de toma sitúase transversalmente ó azude no seu estribo esquerdo presenta unha sección de control e un desareador de planta rectangular e dimensións indefinidas, que dispón dun vertedoiro lateral.
O acceso ó azude farase a través do camiño existente, que parte da estrada que comunica os lugares de Viveiro co Carme, á altura de Vilachá, comunicando o dito camiño Vilachá con Cernado, e cruzando ó río Xanceda mediante unha ponte existente.
-Tubería de derivación.
A tubería de derivación esténdese na marxe esquerda do río Xanceda. Ten unha lonxitude de 1.310 m e discorre a media ladeira, realizándose con tubos de formigón prefabricado de 1.300 mm de diámetro interior. A auga discorre en lámina libre.
-Cámara de carga.
A cámara de carga ten unhas dimensións aproximadas en planta de 15 m x 4 m e unha altura máxima de caixeiros duns 3 m, está descuberta e conecta directamente coa tubería de carga.
-Tubería forzada.
A tubería de carga proxéctase cun diámetro de 800 mm de aceiro ó carbono cunha lonxitude de 250 m, desenvolvéndose na súa totalidade na marxe esquerda do río Xanceda.
-Central.
Proxéctase un edificio de planta rectangular de dimensións 12 m x 21 m e 7,5 m de altura, sendo a estructura do edificio de formigón armado. O acceso á central prevese desde a pista que enlaza o lugar de Souto Alto coa C-640, construíndo un novo tramo e mellorando o camiño existente.
-Canle de desaugamento.
A descarga proxéctase mediante unha canle de restitución dun 20 m de lonxitude, de aliñación recta, cunha largura de 2 m. A cota de desaugamento é aproximadamente de 231 m.
-Equipos electromecánicos.
Na casa de máquinas do aproveitamento proxéctanse os seguintes equipos electromecánicos:
-Dous grupos xeradores xemelgos formados por turbinas Francis de eixe horizontal, 1.500 r.p.m para 0,75 m/s e un salto de 104,74 m, (686 kW de potencia); os alternadores son asíncronos de 650 kW, 6 kV de tensión e 1.500 r.p.m.
-Transformador de 1.600 kVA relación de transformación 20.000/6.000 V.
-Equipos auxiliares.
* Afeccións:
Efectúase a solicitude de declaración de utilidade pública do aproveitamento, sendo os bens e/ou dereitos afectados polas obras e instalacións para os fins da necesaria expropiación forzosa e imposición de servidumes os que a seguir se indican cos seus propietarios:
PREDIOS PROPIETARIOS
Polígono Nº Parce. Concello Nome e apelidos
160 31A OUROL VICENTA JOSEFA ARIAS SAMPEDRO 160 24 OUROL VIZA VAZQUEZ CASTELO +2 160 31B OUROL VICENTA JOSEFA ARIAS SAMPEDRO 160 25C OUROL VIZA VAZQUEZ CASTELO +2 160 25A OUROL 160 25B OUROL 160 26 OUROL ANTONIO ANEJO CORTIÑAS 160 27 OUROL CANDIDO RUA PICOS 160 29 OUROL TOMAS MARCELINO RODRIGUEZ LARA 160 31F OUROL VICENTA JOSEFA ARIAS SAMPEDRO 160 33B OUROL VICENTA OLIVA SAMPEDRO LADRA 160 35 OUROL LIDIA VAZQUEZ RIVERA 160 36 OUROL LUCIANO PERNAS RAMOS 160 37 OUROL MARIA TEIJEIRO RAMOS 159 248B OUROL CANDIDO RUA PICOS 159 254 OUROL DESCOÑECIDO 159 253 OUROL Mª HERMINIA FERNÁNDEZ GÓMEZ 159 250 OUROL DESCOÑECIDO 159 252B OUROL DESCOÑECIDO 159 253 OUROL DESCOÑECIDO 159 258 OUROL JOSE FERNANDEZ GOMEZ 159 268 OUROL ARISTIDES CAMPO LAGAR 159 267 OUROL DESCOÑECIDO 156 266 OUROL DESCOÑECIDO 159 265 OUROL CALRLOS REY BALSEIRO 159 271 OUROL MANUELA RODRIGUEZ BARRO 159 281A OUROL RAMON VILA VAZQUEZ 159 277 OUROL DESCOÑECIDO 159 190C OUROL DESCOÑECIDO 159 190B OUROL DESCOÑECIDO 159 165 OUROL DESCOÑECIDO 158 1 OUROL CARLOS REY BALSEIRO 158 4 OUROL EULOGIA PARDO FERNANDEZ 158 6 OUROL JESUS CAO GOMEZ 158 9 OUROL 158 12 OUROL MARINA VAZQUEZ CAO 158 16 OUROL LAURA CAO HERMIDA 158 19 OUROL JESUS M. REDONDO GOMEZ 158 18 OUROL MARGARITA CARRERA PARDO 158 33 OUROL RAMON HERMIDA DIAZ 158 34 OUROL MARINA VAZQUEZ CAO 158 35 OUROL EULOGIA PARDO FDEZ. 158 32 OUROL LIDIA VAZQUEZ RIVERA
* Estudio de efectos ambientais:
Este documento presentouse conforme á normativa aplicable.
-Peticionario e promotor: Norvento, S.L.
Enderezo: r/ Ribadeo, 2 Entrepl. Esq., 27002 Lugo.
Representante: Marta Fernández Castro.
Denominación do aproveitamento: A. H. Minicentral de Xanceda.
* Os aspectos máis destacados son:
Obxecto: producción de enerxía eléctrica.
Caudal : 1.550 l/s.
Corrente de derivación: Xestosa ou Xanceda.
Tramo ocupado (cotas): 338,5-207,6 m.
Desnivel: 130,9 m.
Altura do azude: 6,1 m.
Potencia: 1.774 kW.
Térmo municipal onde se situa a toma e demais obras: concello de Ourol (Lugo).
* Breve descrición das características principais das obras e instalacións:
-Azude de derivación e obra de toma.
O azude de derivación é de tipo gravidade cunha lonxitude de coroación aproximada de 21,5 m (cota de coroación 341,6 m). Presenta un vertedoiro de perfil Creager do cal o labio encóntrase a cota 338,50 m, cunha lonxitude de vertido de 14 m. O azude de derivación ten unha planta recta e sitúase transversalmente ó leito, presentando no seu estribo esquerdo unha escala para peixes, un desaugadoiro de fondo e a obra de toma.
O acceso ó azude realizarase utilizando a pista que accede ás casas de Vilachá, realizando a súa prolongación ata o azude proxectado.
A obra de toma sitúase transversalmente no seu estribo esquerdo mediante un orificio circular. A cámara de sedimentación consiste nun cilindro de 1,5 m de diámetro e 15 m de lonxitude.
-Conducción de derivación.
A tubería de derivación que discorre enterrada pola marxe esquerda é de fibrocemento de 1.100 mm de diámetro e ten unha lonxitude de 1.960 m. O final dela conflúe cunha cheminea de equilibrio e coa tubería forzada.
-Tubería forzada.
A tubería de carga de aceiro proxéctase cun diámetro de 1.100 mm e cunha lonxitude de 520 m. Discorre enterrada nunha gabia e con diversas ancoraxes de formigón.
-Central.
Proxéctase un edificio de planta rectangular de dimensións 11 m x 20,7 m e 6,5 m de altura. A estructura do edificio é de formigón armado e prevese un camiño de acceso desde o lugar de Soutochao, realizando un trazado de nova apertura ata a central.
-Canle de desaugamento.
A descarga proxéctase mediante unha canle de restitución de 10 m de lonxitude, de aliñación recta, cunha sección de 2 m de largo e 3 m de altura, recuberto e construído en formigón. A cota de desaugamento é de 207,6 m.
-Equipos electromecánicos.
Na casa de máquinas do aproveitamento proxéctanse os seguintes equipos electromecánicos:
-Dous grupos xeradores formados por cadansúa turbina Francis de eixe horizontal, 1500 r.p.m. para 0,775 m/s e un salto de 126,74 m (potencia de 887 kW); o xerador é síncrono de 1000 kVA, 6 kV de tensión e 1500 r.p.m.
-Transformador de 2.000 kVA e elevación de 6 kV a 20 kV.
-Equipos auxiliares.
* Afeccións:
Efectúase a solicitude de declaración de utilidade pública do aproveitamento, sendo os bens e/ou dereitos afectados polas obras e instalacións para os fins da necesaria expropiación forzosa e imposición de servidumes os que a seguir se indican cos seus propietarios:
PREDIOS PROPIETARIOS
Polígono Nº Parce. Concello Nome e apelidos
159 161 OUROL OVIDIO DOMINGO DIAZ BELLO 325 OUROL 159 160 OUROL JOSE ANTONIO BELLO LADRA +4 159 336 OUROL 159 329 OUROL Mª YOLANDA GUERREIRO FERNANDEZ 159 328 OUROL 159 327 OUROL VICENTE REDONDO GOMEZ 159 170 OUROL MANUEL JOSE DIAZ BELLO 159 316 OUROL RICARDO BOUZA CAO 159 315 OUROL MANUELA RODRIGUEZ CAO 159 293 OUROL RAMON VILA VAZQUEZ 159 295 OUROL 159 281a OUROL 159 256 OUROL 159 294 OUROL CANDIDO RUA PICOS 159 248b OUROL 160 27 OUROL 160 27 OUROL 159 296 OUROL EMMA LOPEZ BALSEIRO 159 297 OUROL Mª JOSEFA MOSQUERA MARTINEZ 159 291 OUROL MANUELA RODRIGUEZ BARRO 159 269 OUROL 159 271 OUROL 159 287 OUROL RAMON EVELIO GUERREIRO FERNANDEZ 159 278 OUROL JOSE MANUEL ARIAS SAMPEDRO 159 277 OUROL DESCOÑECIDO 159 254 OUROL DESCOÑECIDO 159 253 OUROL Mª HERMINIA FERNANDEZ GOMEZ 159 255 OUROL CELIA PICOS CASTRO 159 258 OUROL JOSE FERNANDEZ GOMEZ 159 257 OUROL Mª VICENTA JOSEFA ARIAS SAMPEDRO 159 266 OUROL 160 31a OUROL 160 31b OUROL 160 31f OUROL 159 268 OUROL ARISTIDES CAMPO LAGAR 159 265 OUROL CARLOS REY BALSEIRO 158 1 OUROL EULOGIA PARDO FERNANDEZ 158 31 OUROL 158 32 OUROL 158 62 OUROL 158 103 OUROL +1 158 4 OUROL MANUEL RIBERA CABEZA 158 6 OUROL Mª JESUSA CAO GOMEZ 158 30 OUROL 158 9 OUROL MARINA VAZQUEZ CAO 158 105 OUROL 158 12 OUROL LAURA CAO HERMIDA 158 16 OUROL JESUS MARIANO REDONDO GOMEZ 158 19 OUROL MARGARITA CARRERA PARDO 158 35 OUROL LIDIA VAZQUEZ RIVERA 158 61 OUROL GUSTAVO PARDO GUERREIRO 158 104 OUROL JUAN JOSE CHAO YAÑEZ 160 24 OUROL AZUCENA FRANCO VAZQUEZ 160 25a OUROL Mª VIZA VAZQUEZ CASTELO + 2
PREDIOS PROPIETARIOS
Polígono Nº Parce. Concello Nome e apelidos
160 25b OUROL 160 25c OUROL 160 26 OUROL ANTONIO ANEJO CORTIÑAS 160 28 OUROL TOMAS MARCELINO RODRIGUEZ LADRA 160 33b OUROL Mª VICENTA OLIVA SAMPEDRO LADRA 160 35 OUROL DESCOÑECIDO 160 36 OUROL LUCIANO PERNAS RAMOS 160 37 OUROL MARIA TEIJEIRO RAMOS
* Estudio de efectos ambientais:
Este documento presentouse conforme á normativa aplicable.
-Peticionario e promotor: concello de Ourol.
Enderezo: Estrada Xeral, s/n, 27865 Ourol, Lugo.
Representante: alcalde-presidente do Concello.
Denominación do aproveitamento: A.H. no río Xanceda.
* Os aspectos máis destacados son:
Obxecto: producción enerxía eléctrica.
Caudal : 1.800 l/s (río Xestosa e regato Campo do Seixo).
Corrente de derivación: Xestosa ou Xanceda e Campo do Seixo.
Tramo ocupado (cotas): 393-230 m (río Xestosa), 396-confluencia co río Xestosa (A. Campo do Seixo).
Desnivel: 163 m (río Xestosa).
Altura dos azudes: 5 m.
Potencia: 2.410 kW.
Termo municipal onde se sitúa a toma e demais obras: Concello de Ourol (Lugo).
* Breve descrición das características principais das obras e instalacións:
-Azudes de derivación e obra de toma.
Neste aproveitamento hidroeléctrico defínense dous azudes de toma: un ubicado no río Campo do Seixo e outro no Xestosa. Ámbolos azudes de derivación son de tipo gravidade cunha altura máxima de 5 m e unha lonxitude de coroación aproximada de 20 m (cota de coroación de 395 m no azude de Xanceda e de 398 m no río Campo do Seixo). Presentan cadanseu vertedoiro de labio fixo, que se encontra nas cotas de 393 e de 396 m respectivamente, cunha lonxitude de vertido de 12 m. Os azudes de derivación teñen unha planta recta e sitúanse transversalmente ó leito, presentando no seu estribo dereito unha escala para peixes. O desaugadoiro de fondo sitúase nos azudes na zona esquerda, xunto á tubería de toma.
A toma está somerxida encontrándose a arrincada da tubería no propio azude e presentando ámbalas tomas unha reixa protectora para evita-lo paso de corpos estraños.
O acceso ó azude proxéctase mediante o acondicionamento dun carreiro existente que parte dunha pista que une a estrada 640 coas aldeas de Penabade, Fraguella, etc. e que chega ata as inmediacións do azude de toma do Xestosa. Para acceder ó azude do río Campo do Seixo continuarase pola traza da tubería deste azude ó do río Xestosa.
-Tubería de derivación.
Existen dúas tuberías de derivación, a primeira une o azude do río Campo do Seixo co azude do Xestosa,
transvasando auga do primeiro ó segundo. Ten unha lonxitude de 180 m, un diámetro de 600 mm e 5 mm de espesura. A segunda une a toma do azude do Xestosa coa tubería forzada. Ten 2.100 m de lonxitude, un diámetro de 1.100 mm e 6 mm de espesura. Ambas se estenden enterradas pola ladeira esquerda dos ríos.
-Tubería forzada.
A tubería de carga está unida directamente á de derivación, e proxéctase cun diámetro de 1000 mm de aceiro ó carbono cunha lonxitude de 400 m.
-Central.
Proxéctase un edificio de planta rectangular de dimensións 10 m x 12,5 m, aproximadamente na cota 232 m. A estructura do edificio é de formigón armado e o acceso efectuarase a través dun camiño de nova construcción de 3,5 m de largo e uns 900 m de lonxitude, que partirá da ponte que cruza o Xanceda á altura de Soutochao.
-Canle de desaugamento.
A descarga proxéctase mediante unha curta canle de restitución duns 5 m de lonxitude, de aliñación recta. A cota de desaugamento é de 230 m.
-Equipos electromecánicos.
Na casa de máquinas do aproveitamento proxéctanse os seguintes equipos electromecánicos:
-Un grupo xerador formado por turbina Pelton de catro inxectores de eixe vertical, 500 r.p.m. e unha potencia nominal en eixe de 2.410 kW. O alternador é síncrono de 2.500 kVA, 6 kV de tensión e 500 r.p.m.
-Transformador de 2.500 kVA e elevación de 6 kV a 15/20 kV.
-Equipos auxiliares.
* Estudio de efectos ambientais:
Este documento presentouse conforme a normativa aplicable.
1916
