De acordo co disposto na Lei 10/1987, do 15 de xuño, de disposicións básicas para un desenvolvemento coordinado de actuacións en materia de combustibles gasosos, Regulamento xeral do servicio público de gases combustibles, aprobado por Decreto 2913/1973, do 26 de outubro, artigos 39 da Lei de procedemento administrativo e 86 da Lei 30/1992, do 26 de novembro, de réxime xurídico das administracións públicas e do procedemento administrativo común, artigos 17 da Lei de expropiación forzosa e 56 do seu regulamento, texto refundido da Lei sobre o réxime do solo e ordenación urbana, aprobado por Real decreto lexislativo 1/1992, do 26 de xuño, Lei 11/1985, do 22 de agosto, de adaptación da do solo a Galicia e demais normativa específica de aplicación, e para os efectos previstos no acordo do Consello da Xunta do 6 de maio de 1993, polo que se designa a Consellería de Industria e Comercio como órgano competente por razón da materia para a tramitación da unidade de expediente e resolución

única do procedemento, sométese a información pública o proxecto gasificación do Noroeste: ramal Pontevedra-Ourense, declarado de utilidade pública polo artigo 10 da citada Lei 10/1987.

Peticionario: Enagás, S.A., con enderezo en Avda. de América, nº 38, 28028 Madrid, titular da concesión administrativa outorgada por orde do conselleiro de Industria e Comercio do 12 de marzo de 1993 para a prestación do servicio público de conducción e subministración de gas natural para usos industriais nos termos municipais de Pontevedra, Ponte-Caldelas, Cotobade, A Lama, Avión, Boborás, O Carballiño, Maside, Punxín e Amoeiro, cun proxecto de execución e autorización de instalacións que se aprobou por resolución do director xeral de Industria do 16 de outubro de 1995.

Obxecto da petición: aprobación administrativa e autorización de instalacións da modificación do proxecto do ramal Pontevedra-Ourense, reflectida na addenda II ó proxecto ramal Pontevedra-Ourense.

A autorización administrativa que se solicita comportará, de acordo co que establecen os artigos 10 e 11 da Lei 10/1987, do 15 de xuño, de disposicións básicas para un desenvolvemento coordinado de

actuacións en materia de combustibles gasosos, os beneficios da declaración de utilidade pública e a necesidade de ocupación urxente para o efecto de expropiación forzosa dos bens e dereitos afectados necesarios para o establecemento destas instalacións e da imposición e o exercicio da servidume de paso e doutras limitacións de dominio.

Características das instalacións: esta addenda II consiste no cambio de situación da posición I-022-3, situada no termo municipal do Carballiño, trasladándoa 846 metros cara ó leste e ampliando a súa superficie de 25x25 m a 30x40 m para unha futura estación de regulación e medida, cambiando á súa vez a liña eléctrica de subministración de enerxía en baixa tensión, da cal o inicio e conexión comeza no transformador de Unión Eléctrica-Fenosa, S.A. existente no termo municipal de Maside.

A lonxitude da citada liña de baixa tensión será de 987 metros e a potencia de consumo que vai transportar será de 5 kW.

Termos municipais afectados: O Carballiño e Maside, na provincia de Ourense.

Orzamento:

Termo municipal do Carballiño: 690.443 ptas.

Termo municipal de Maside: 890.382 ptas.

Orzamento total: 1.580.825 ptas.

Afección a predios particulares: a afección a predios de propiedade privada derivada da construcción das instalacións auxiliares, obxecto desta addenda concrétase da seguinte forma:

Un: expropiación forzosa dos terreos sobre os que se van construí-las instalacións fixas en superficie.

Dous: para a liña eléctrica:

A) Servidume de paso de liña eléctrica aérea nunha franxa de terreno de dous (2) metros de largo ó longo dela, que implicará:

1. Prohibición de levantar edificacións ou construccións de calquera tipo, nin efectuar ningún acto que poida daña-lo bo funcionamento da liña nunha franxa de cinco (5) metros de largo, contando como centro da franxa a liña de postes do tendido.

2. Prohibición de plantar árbores de gran porte nunha franxa de dous (2) metros de largo.

3. Libre acceso do persoal e elementos necesarios para poder vixiar, manter, reparar ou renova-las instalacións con pagamento, se é o caso, dos danos que se ocasionen.

B) Ocupación temporal da superficie que se determina para cada predio nos planos parcelarios para realiza-las obras necesarias. O proxecto inclúe planos parcelarios e a relación concreta e individualizada de bens e dereitos afectados.

O que se fai público para coñecemento xeral e especialmente dos propietarios de terreos e demais titulares afectados pola dita addenda; a relación deles insírese ó final deste anuncio, para que poidan examinala nesta Dirección Xeral de Industria da Consellería de Industria e Comercio, edificio administrativo San Caetano, s/n, Santiago de Compostela, e na Delegación Provincial de Ourense, r/ Curros Enríquez, 1-3º, e presentar por triplicado nos ditos centros as alegacións que consideren oportunas no prazo de vinte días a partir do seguinte ó da inserción deste anuncio.

Santiago de Compostela, 15 de xullo de 1997.

Joaquín del Moral Crespo

Director xeral de Industria

RELACIÓN CONCRETA E INDIVIDUALIZADA DE BENS E DEREITOS AFECTADOS

Proxecto: ramal Pontevedra-Ourense. Addenda nº II

(Provincia de Ourense)

Abreviaturas utilizadas: PO= posición, LE= liña eléctrica.

Termo municipal: O Carballiño

Termo municipal: Maside

5985