O Pleno da Corporación, en sesión que tivo lugar o 31-7-1997, adoptou o seguinte acordo:
1. Tomar coñecemento do acordo de aprobación inicial do proxecto de compensación da unidade de actuación número 17-B, sita entre a rúa Irmáns Nodales e Avenida das Corbaceiras, adoptado pola xunta de compensación deste ámbito espacial, coa finalidade de proceder á súa xestión e execución urbanística.
2. Dispor o sometemento á información pública do proxecto inicialmente aprobado, polo prazo de vinte días, con citación persoal dos interesados e a través da correspondente publicación no Diario Oficial de Galicia.
Durante o prazo de vinte días, a partir desta publicación exporase ó público o proxecto na Unidade Municipal de Fomento (rúa Dona Tareixa) para que poida ser examinado por cantas persoas se consideren interesadas ou afectadas.
Pontevedra, 1 de agosto de 1997.
Juan Luis Pedrosa Fernández
Alcalde
5986